E-kassa operatorunun qeydiyyata alınması
E-kassa operatoru kimi qeydiyyatdan keçmək istəyən hüquqi şəxs portal üzərindən gücləndirilmiş elektron imza vasitəsilə təsdiqlənmiş ərizə ilə Vergilər Nazirliyinə müraciət edir. Qeyd olunan ərizəyə qanunvericilikdə nəzərdə tutulan sənədlər əlavə olunur.
Növbəti mərhələdə hüquqi şəxsin tələblərə uyğunluğu yoxlanılır və yoxlamanın nəticəsi olaraq həmin tələblərə cavab verən hüquqi şəxsə texniki sınaq üçün e-kassa modelinin bir nümunəsi və sahələrarası ekspert komisiyası tərəfindən müəyyən edilən sənədlərin komissiyaya təqdim edilməsi barədə bildiriş göndərilir.
Sahələrarası ekspert komissiyasının tapşırığına əsasən, təqdim edilmiş e-kassa modelinin nümunəsinin texniki sınağı həyata keçirilir.
Vergilər Nazirliyinin müqavilə əsasında cəlb etdiyi uyğunluğu qiymətləndirən qurum sahələrarası ekspert komissiyasının tapşırığına əsasən elektron kassa operatoru kimi qeydiyyatdan keçmək istəyən hüquqi şəxs tərəfindən təqdim edilmiş elektron kassa modelinin nümunəsinin texniki sınağını və sertifikatlaşdırılmasını 30 gündən gec olmayaraq “Uyğunluğun qiymətləndirilməsi sahəsində akkreditasiya haqqında” Azərbaycan Respublikasının Qanunu ilə müəyyən edilmiş qaydada həyata keçirir və bu barədə sahələrarası ekspert komissiyasına məlumat verir.
Elektron kassa sertifikatlaşdırıldıqdan sonra hüquqi şəxs Vergilər Nazirliyi tərəfindən elektron kassa operatoru kimi qeydiyyatdan keçirilir, sertifikatlaşdırılmış elektron kassa modelinin markası dövlət reyestrinə daxil edilir. Elektron kassa operatorunun elektron kabinetinə bu barədə bildiriş göndərilir.
Mənbə: e-kassa.gov.az
Xidmətin adı: Asan İmza Simkartı üzrə Sertifikatların verilməsi (Dövlət və ya yerli özünüidarəetmə orqanının rəhbərləri üçün)
Cari ilin 7 ayında Azərbaycanda 7 116 yerli investisiyalı məhdud məsuliyyətli cəmiyyət qeydiyyata alınıb və onlardan 6 167-si elektron qeydiyyat xidmətindən istifadə ediblər.
Vəzifə: Maliyyə üzrə təcrübəçi.