Blog Full - Muhasibat.Az

Oxunma sayı: 166. 332

8 İyl 2019

Dövlət Gömrük Komitəsi bu ilin I yarısında büdcəyə ödənişləri 28% artırıb

by | posted in: Xəbər | 0

Bu ilin yanvar-iyun aylarında Dövlət Gömrük Komitəsinin (DGK) xətti ilə dövlət büdcəsinə 2 065,161 mln. manat vergi və rüsum daxil olub ki, bu da ötən ilin eyni dövrü ilə müqayisədə 446,164 mln. manat və yaxud 27,6% çoxdur.

DGK-dən verilən məlumata görə, 6 ay ərzində büdcəyə daxil olan gömrük rüsumları illik müqayisədə 71,79 mln. manat və yaxud 17,4% artaraq 483,958 mln. manat olub.

Həmçinin ƏDV üzrə daxilolmalar 309,939 mln. manat və yaxud 27,8% artaraq 1 424,239 mln. manat, aksizlər üzrə daxilolmalar 61,541 mln manat və yaxud 81,8% artaraq 136,799 mln manat, yol vergisi üzrə daxilolmalar isə 2,983 mln. manat və yaxud 16,75% artaraq 20,165 mln. manat təşkil edib.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

DGK

8 İyl 2019

Dövlət Gömrük Komitəsi iyunda büdcəyə ödənişləri 13% artırıb

by | posted in: Xəbər | 0

Dövlət Gömrük Komitəsi iyunda büdcəyə ödənişləri 13% artırıb

Bu ilin iyun ayında Dövlət Gömrük Komitəsinin (DGK) xətti ilə dövlət büdcəsinə 331 663,5 min manat vergi və rüsum daxil olub ki, bu da ötən ilin eyni dövrü ilə müqayisədə 38 303,3 min manat və yaxud 13,05% çoxdur.

DGK-dən verilən məlumata görə, hesabat ayında büdcəyə daxil olan gömrük rüsumları illik müqayisədə 9 325,4 min manat və yaxud 13,2% artaraq 80 019,1 min manat olub.

Həmçinin ƏDV üzrə daxilolmaları 25 369,2 min manat və yaxud 12,5% artaraq 227 727,6 min manat, aksizlər üzrə daxilolmalar 3 263,5 min manat və yaxud 18,8% artaraq 20 593,7 min manat, yol vergisi üzrə daxilolmalar isə 345,2 min manat və yaxud 11,6% artaraq 3 323,1 min manat təşkil edib.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

DGK Dövlət Gömrük Komitəsi

8 İyl 2019

Daha bir rayonda icbari tibbi sığortanın tətbiqinə başlanılır

by | posted in: Xəbər | 0

Naxçıvan Muxtar Respublikası Ali Məclisinin Sədri Vasif Talıbov Kəngərli rayonunda icbari tibbi sığortanın tətbiqi ilə bağlı tədbirlər haqqında sərəncam imzalayıb.

İyulun 5-də imzalanmış sərəncam Kəngərli rayonunda icbari tibbi sığortanın tətbiqinin təmin olunması, əhaliyə göstərilən tibbi xidmətlərin keyfiyyətinin daha da yaxşılaşdırılması məqsədi daşıyır.

Sərəncamla Kəngərli Rayon Mərkəzi Xəstəxanasına publik hüquqi şəxs statusu verilib. Naxçıvan Muxtar Respublikası Nazirlər Kabinetinə publik hüquqi şəxsin nizamnaməsini təsdiqləmək və icbari tibbi sığortanın həyata keçirilməsi ilə bağlı zəruri tədbirləri görərək 2019-cu il avqustun 1-dən publik hüquqi şəxsin fəaliyyətini təmin etmək, icbari tibbi sığortanın tətbiqi ilə əlaqədar Kəngərli Rayon Mərkəzi Xəstəxanasının işçilərinin aylıq vəzifə maaşlarının 2019-cu il avqustun 1-dən 50 faiz artırılmasını təmin etmək tapşırılıb. Eyni zamanda bütün mərkəzi icra hakimiyyəti orqanlarına, aidiyyəti dövlət qurumlarına, Kəngərli Rayon İcra Hakimiyyətinə tapşırılıb ki, bu sərəncamdan irəli gələn vəzifələrin icrası ilə bağlı Naxçıvan Muxtar Respublikasının Nazirlər Kabineti yanında İcbari Tibbi Sığorta üzrə Dövlət Agentliyinə zəruri köməklik göstərilməsini təmin etsinlər. Naxçıvan Muxtar Respublikasının Maliyyə, Səhiyyə və Vergilər nazirliklərinə sərəncamdan irəli gələn məsələləri həll etmək tapşırılıb.

Xatırladaq ki, Azərbaycanda icbari tibbi sığortanın tətbiqinə pilot şəklində 2016-cı ildən başlanılıb. Hazırda pilot layihə Mingəçevir şəhərində, Yevlax və Ağdaş rayonlarında tətbiq olunur. Layihənin icra olunduğu ərazilərdə rəsmi qeydiyyatda olan bütün vətəndaşlar və bu ərazilərdə məskunlaşmış məcburi köçkünlər icbari tibbi sığortadan faydalanmaq hüququna malikdirlər. Pilot layihə 1829 tibbi xidməti əhatə edən baza zərfi əsasında həyata keçirilir. Gələcəkdə icbari tibbi sığortanın mərhələli şəkildə bütün ölkə üzrə tətbiqi planlaşdırılır.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

icbari tibbi sığorta

8 İyl 2019

İşlədiyim şirkətin qeyri-neft sektoruna aid olması barədə məlumatı necə əldə edə bilərəm?

by | posted in: Xəbər | 0

Sual: İşlədiyim şirkətin qeyri-neft sektoruna aid olmağı və yaxud olmamağı barədə məlumatı haradan və necə əldə edə bilərəm?

Cavab: “Neft-qaz sahəsində fəaliyyətin və qeyri-dövlət sektorunun Meyarları”nın təsdiq edilməsi haqqında 18 fevral 2019-cu il tarixli 56 Saylı Azərbaycan Respublikasının Nazirlər Kabineti Qərarına əsasən Dövlət Neft Şirkəti və onun strukturuna daxil olan müəssisələr, habelə hasilatın pay bölgüsü haqqında, əsas boru kəməri haqqında və digər bu qəbildən olan sazişlər üzrə podratçılar və əməliyyat şirkətləri, eyni zamanda onlara xidmət göstərən xarici və yerli subpodratçılar neft-qaz sahəsində fəaliyyət hesab olunur.

Mövcud subpodratçılar üzrə – bu Meyarların 2.1.1-ci yarımbəndində göstərilən şəxslərə təqdim olunan mal, görülən iş və göstərilən xidmətlərə görə əvvəlki təqvim ili ərzində əldə olunan illik gəlirlərin (xərclər nəzərə alınmadan) həcmi məcmu illik gəlirlərin 50 faizindən çox olduğu təqdirdə neft-qaz sahəsində fəaliyyət meyarına aid olunur.

Qeyd olunan iş yerlərində çalışan şəxslərin əmək haqqından vergilər 101.1-ci maddədə qeyd olunan qaydada, 2500 manatadək 14 faiz, 2500 manatdan artıq olan hissənin 25 faiz dərəcə ilə vergi hesablanır.

Əsas: Vergi Məcəlləsinin 101.1-ci, 101.1-1-ci, “Neft-qaz sahəsində fəaliyyətin və qeyri-dövlət sektorunun Meyarları”nın təsdiq edilməsi haqqında Azərbaycan Respublikasının Nazirlər Kabineti 18 fevral 2019-cu il tarixli 56 saylı Qərarı.

Mənbə: taxes.gov.az