Blog Full - Muhasibat.Az

Oxunma sayı: 168. 042

7 İyn 2018

“İşsizlikdən sığorta vəsaitlərinin uçotunun aparılması və hesabatın təqdim olunması Qaydası”nda kiçik dəyişiklik edildi

by | posted in: Xəbər | 0

AZƏRBAYCAN RESPUBLİKASININ
NAZİRLƏR KABİNETİ
Q Ə R A R
№ 251
Bakı şəhəri, 4 iyun 2018-ci il
Azərbaycan Respublikası Nazirlər Kabinetinin 2017-ci il 29 dekabr tarixli 621 nömrəli qərarı ilə təsdiq edilmiş “İşsizlikdən sığorta vəsaitlərinin uçotunun aparılması və hesabatın təqdim olunması Qaydası”nda dəyişiklik edilməsi barədə

“İşsizlikdən sığorta haqqında” Azərbaycan Respublikasının 2017-ci il 30 iyun tarixli 765-VQ nömrəli Qanununun tətbiqi barədə” Azərbaycan Respublikası Prezidentinin 2017-ci il 5 avqust tarixli 1569 nömrəli Fərmanının icrasını təmin etmək məqsədi ilə Azərbaycan Respublikasının Nazirlər Kabineti QƏRARA ALIR:

Azərbaycan Respublikası Nazirlər Kabinetinin 2017-ci il 29 dekabr tarixli 621 nömrəli qərarı (Azərbaycan Respublikasının Qanunvericilik Toplusu, 2017, № 12 (II kitab), maddə 2566) ilə təsdiq edilmiş “İşsizlikdən sığorta vəsaitlərinin uçotunun aparılması və hesabatın təqdim olunması Qaydası”nın 3.1-ci bəndinə “Fond,” sözündən sonra “həmin Qanunun 21.0.3-cü, 21.0.4-cü və 21.0.5-ci maddələrində göstərilən mənbələrdən daxilolmalara və” sözləri əlavə edilsin.
Bu qərar 2018-ci il yanvarın 1-dən qüvvəyə minir.

Azərbaycan Respublikasının
Baş naziri: Novruz Məmmədov

Mənbə: www.cabmin.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

7 İyn 2018

Maliyyə mütəxəssisi üzrə Ödənişli təcrübə proqramı

by | posted in: İş elanı, Maliyyə, Xəbər | 0

Maliyyə mütəxəssisi üzrə Ödənişli təcrübə proqramı

“Yalama Agropark” MMC (agroparkyalama.az) (Xaçmaz, Yalama qəsəbəsi), karyeralarını Kənd Təsərrüfatı sahəsində başlayıb inkişaf etdirmək istəyən, həmçinin gələcəkdə komandamızın üzvü olmaq imkanı əldə etmək istəyən Gənclər üçün “Yay Təcrübə proqramı”nı təşkil etməklə, Maliyyə mütəxəssi ixtisasına yiyələnmiş gəncləri Aqropark ərazisində yaşayış, qida və ödənişlə təmin etməklə Proqrama qoşulmağa dəvət edir.

Maliyyə mütəxəssi-təcrübəçi

• Hesab Fakturaların qəbul edilməsi, mümkün olaca biləcək uyğunsuzluqların yoxlanılması və fərdi hesablarda qeyd edilməsi işlərində iştirak etmək.
• Elektronik köçürmələrin və ödənişlərin hazırlanması və yerinə yetirilməsində iştirak etmək.
• Pul vəsaitlərinin yığılması və bölüşdürülməsi hesabatlarının hazırlanmasında yardımçı olmaq.
• Təchizatçılar üzrə hesabatların üzləşdirilməsi, uyğunsuzluqların araşdırılması və düzəldilməsi.
• Kreditor borclarına nəzarət, Kreditorlar üzrə hesabatın təmin edilməsində iştirak etmək.
• Mühasibat hesabının müxtəlif sahələri üzrə əməliyyatları (əsas vəsaitlərin, əmtəə-maddi qiymətlilərin, istehsala çəkilən xərclərin, məhsulun satılmasının, təsərrüfat-maliyyə fəaliyyətinin nəticələrinin hesabının aparılması, sifarişçilərin-tədarükçülərin hesabı, eləcə də göstərilən xidmətlərə və s. hesabı) yerinə yetirir.

Maraqlanan şəxslər cv-lərini elektron ünvanına mövzu yerində “Yay təcrübəsi” qeyd etməklə göndərə bilərlər.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

7 İyn 2018

Dövlət satınalma müqaviləsi üzrə ödənişlərin nağd istifadəsi

by | posted in: Xəbər | 0

Müəssisə tərəfindən dövlət satınalma müqaviləsi üzrə əldə olunan vəsaitdən ödənişlər nağd qaydada həyata keçirilə bilərmi?

Azərbaycan Respublikasının «Nağdsız hesablaşmalar haqqında» Qanununun 3.4.7-ci maddəsinə əsasən, müəssisə tərəfindən dövlət satınalma müqaviləsi üzrə əldə olunan vəsaitin istifadəsi (xərclənməsi) yalnız nağdsız qaydada həyata keçirilməlidir.

Vergi Məcəlləsinin 58.7-1.1-ci maddəsinə əsasən, adıçəkilən Qanunun 3.4.7-ci maddələrinin tələblərinin pozulmasına görə ödənişi həyata keçirən vergi ödəyicisinə aparılan əməliyyatın ümumi məbləğinin təqvim ili ərzində belə hala birinci dəfə yol verdikdə 10 faizi, ikinci dəfə yol verdikdə 20 faizi, üç və daha çox dəfə yol verdikdə isə 40 faizi həcmində maliyyə sanksiyası tətbiq edilir.

Qeyd olunanlara əsasən:

Müəssisə tərəfindən dövlət satınalma müqaviləsi üzrə əldə olunan vəsaitin xərclənməsi yalnız nağdsız qaydada həyata keçirilir.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

6 İyn 2018

Azərbaycan manatının real effektiv məzənnəsi artıb

by | posted in: Xəbər | 0

Azərbaycan manatının real effektiv məzənnəsi bu il mayın 1-nə 92,2 faiz bəndi təşkil edib.

Bu, aprelin 1-i ilə müqayisədə 0,8 faiz bəndi çoxdur.

İlin əvvəlinə nisbətən isə milli valyutanın real effektiv məzənnəsi 2,0 faiz bəndi, son 1 ildə isə 3,4 faiz bəndi azalıb.

Xatırladaq ki, Azərbaycan manatının real effektiv məzənnəsi 2000-ci ildən hesablanır. Onun minimum səviyyəsi 2004-cü ildə 74,2 faiz bəndi, maksimum səviyyəsi isə 2015-ci il fevralın 1-nə 153,1 faiz bəndi təşkil edib. Maliyyə böhranı başlayandan isə minimum hədd 2016-cı il sentyabrın 1-də 87 faiz bəndi olub.

Real effektiv məzənnə – manatın ticarət tərəfdaşı olan ölkələrin valyutalarına nəzərən ikitərəfli nominal məzənnələrinin dəyişiminin ticarət xüsusi çəkiləri və həmin ölkələrdə inflyasiya nəzərə alınmaqla həndəsi ortalamasını əks etdirir. Yəni milli valyutanın bir neçə valyutaya nəzərən orta çəkili dəyişmə indeksidir.

Mənbə: report.az