Blog Full

Konsaltinq şirkətinin yoxlaması zamanı ərzaq mağazasında 2020-ci ildən quraşdırılmış onlayn nəzarət-kassa aparatı ilə ƏDV-dən azad olunan məhsulların satışının düzgün aparılmadığı aşkarlanmışdır. Keçmiş dövrlər üzrə hesablanmış artıq ƏDV məbləğlərinin azalması və ödənilmiş artıq ƏDV məbləğlərinin şəxsi hesab vərəqəsinə artıq ödəmə kimi bərpa edilməsi mümkündürmü?

Dövlət Vergi Xidmətindən bildirilib ki, ƏDV-dən azad olunan malların (işlərin, xidmətlərin) dairəsi Vergi Məcəlləsinin 164-cü maddəsində göstərilmişdir. Eyni zamanda, ƏDV-yə cəlb edilən əməliyyat çərçivəsində təqdim edilən malların (işlərin, xidmətlərin) dəyəri ƏDV-nin vergitutma obyektini yaradır. ƏDV tutulan əməliyyatlar üzrə ödənilmiş ƏDV-nin əvəzləşdirilməsi isə Vergi Məcəlləsinin 175.1-ci maddəsində göstərilən tələblərə uyğun olaraq həyata keçirilir.

ƏDV-dən azad olunan əməliyyatlar ƏDV tətbiq edilməklə aparıldığı hallarda bu əməliyyatlar Vergi Məcəlləsinin 159.8-ci maddəsinə əsasən ƏDV tutulan əməliyyat sayılır.

Sorğuda qaldırılan məsələ ilə bağlı vergi ödəyicisi tərəfindən həyata keçirilən əməliyyatlar, işin faktiki halları barədə məlumatlar və müvafiq təsdiqedici sənədlərlə birlikdə vergi ödəyicisinin qeydiyyatda olduğu vergi orqanına müraciət edilməsi tövsiyə olunur.

Əsas: Vergi Məcəlləsinin 159-cu və 164-cü maddələri.

Mənbə: vergiler.az

Beynəlxalq daşımalar həyata keçirilərkən vergi hansı şərtlərlə ödənilir?

Kapital Bank ötən il Azərbaycanda ilk dəfə təqdim edilən Mobil-POS xidmətinə yeni funksiya əlavə edərək onu daha rahat və çoxfunksiyalı edib. Belə ki, artıq sahibkarlar ölkədə ilk dəfə olaraq smartfonları vasitəsilə ödəniş qəbul edən zaman, məbləği 18 ayadək taksitə də bölə bilərlər. Mobil-POS-dan istifadə edən sahibkarlar malın və ya xidmətin dəyərini aylara bölməklə daha çox müştəri cəlb edəcəklər və bununla da dövriyyələrini artıracaqlar.

Mobil-POS funksiyasını həm “iOS”, həm də “Android” əməliyyat sisteminə malik smartfon vasitəsilə sifariş etmək mümkündür. Lakin bu xidmətdən yararlanmaq üçün “Android” əməliyyat sisteminə məxsus və NFC modulu olan smartfonun olması zəruridir. Xidmətdən Müştəri Bank istifadəçiləri yararlana bilər. Müştəri Bank sisteminə qoşulmaq üçün https://cb.kapitalbank.az/login linkinə keçid etmək kifayətdir.

Əsasən ticarət və xidmət sektorunda fəaliyyət göstərən kiçik və orta sahibkarlar üçün əlverişli olan xidməti tətbiq etməklə əlavə POS-terminal qurğusunu əldə etməyə, həmçinin onun daşınmasına ehtiyac yoxdur. Xidmətə qoşulma ödənişsizdir, üstəlik bunun üçün Kapital Bank filiallarına gəlməyə ehtiyac yoxdur: qoşulma tam olaraq Müştəri Bank mobil tətbiqi vasitəsilə onlayn formada həyata keçirilir. Mobil POS vasitəsilə ödəniş qəbul etmək və həmçinin, əməliyyat tarixçəsinə və mövcud Mobil POS terminallarının məlumatlarına baxmaq olar.

Qeyd edək ki, Kapital Bank 2022-ci ilin aprel ayında Azərbaycanda ilk dəfə olaraq hüquqi şəxs və fərdi sahibkarlara Mobil POS xidmətini təqdim edib. İqtisadiyyat Nazirliyi yanında Dövlət Vergi Xidməti və Visa şirkəti ilə birgə təqdim edilən bu xidmət vasitəsilə sahibkarlar ənənəvi POS-terminal əvəzinə smartfonları vasitəsilə kartlardan, ağıllı saatlardan, stikerlərdən və digər təmassız ödəniş üsullarından ödənişləri qəbul edə bilərlər.

Rezident A şirkəti qeyri-rezident B şirkəti ilə müqavilə bağlayıb və onun vasitəsilə tranzit yükdaşıma həyata keçirir. Bu halda qeyri-rezidentə edilən ödənişlər ödəmə mənbəyində vergiyə cəlb edilirmi?

Dövlət Vergi Xidmətindən bildirilib ki, Vergi Məcəlləsinin 125.1.4-cü maddəsinə əsasən, Azərbaycan Respublikası ilə digər dövlətlər arasında beynəlxalq rabitə və ya beynəlxalq daşımalar həyata keçirilərkən rabitə və ya nəqliyyat xidmətləri üçün rezident müəssisənin və ya sahibkarın ödəmələri 6 faiz dərəcə ilə vergiyə cəlb olunur.

Azərbaycan Respublikasının hüdudlarından kənarda digər dövlətlərdəki təyinat (göndərilmə) məntəqələri arasında, habelə Azərbaycan Respublikasının ərazisindən tranzit qaydada həyata keçirilən daşımalara görə rezident müəssisənin və ya sahibkarın ödəmələri bu maddə üzrə vergitutuma obyekti deyildir.

Buna əsasən, sorğuda göstərilən halda, daşıma xidmətləri tranzit qaydada daşıma xidmətlərinə aid edildiyi və müvafiq sənədlərlə rəsmiləşdirildiyi təqdirdə, qeyri-rezidentə edilmiş ödənişlərdən ödəmə mənbəyində vergi tutulmur. Lakin göstərilən daşıma xidmətlərinin tranzit qaydada həyata keçirilmədiyi və təyinat (göndərilmə) məntəqəsi Azərbaycan Respublikası olduğu halda daşıma xidmətlərinə görə edilmiş ödənişlərdən ödəmə mənbəyində 6 faiz dərəcə ilə vergi tutulur.

Əlavə olaraq bildiririk ki, vergi öhdəliyinin dəqiq müəyyən edilməsi üçün işin faktiki halları ilə bağlı müvafiq təsdiqedici sənədlər, yük gömrük bəyannamələri, tərəflər arasında bağlanılmış müqavilələr, ödəniş sənədləri və digər zəruri sənədlərlə birlikdə qeydiyyatda olduğunuz vergi orqanına müraciət etməyiniz tövsiyə olunur.

Əsas: Vergi Məcəlləsinin 125-ci maddəsi.

Mənbə: vergiler.az

“Biznesmen istəsin, edər o!” mottolu Odero markası ilə yola çıxan Token Azərbaycan MMC Forbes 500 siyahısında yer alan “Koç Holding”in Azərbaycandakı Fintech (Financial Technology) şirkətidir. Onlayn ödənişə innovativ yanaşma gətirən Odero bazara yeni maliyyə vərdişləri qazandırmağı və onlayn satışı asanlaşdırmağı hədəfləyir. Şirkət veb-mağaza və onlayn ödəniş qəbulu xidmətləri ilə biznesmenlər və müştərilər arasında tam etibarlı, sürətli və istifadəçi dostu rəqəmsal ödəniş təcrübəsi yaradır.

Statistikaya görə dünyada onlayn alış-veriş ilbəil artır. Onlayn ticarət həcminin ötən ilə nisbətdə 12% artaraq 2022-ci ilin sonunda 5.5 trilyon USD olaraq tamamlanacağı gözlənilir. Mərkəzi Bankın rəqəmlərinə əsasən Azərbaycanda da bu il onlayn ticarət həcminin iki dəfə artdığı müşahidə edilir.

Pandemiya dövründən başlayaraq sürətlə artışa keçən onlayn alış-veriş vərdişi artmağa davam edir.

Pandemiya ənənəvi oflayn biznes sahiblərinə fəaliyyətlərinin bir anda necə dayana biləcəyi riskini, həmçinin onlayna keçərək böyümə imkanlarını göstərdi. Bu müddətdə riski fürsətə çevirərək onlayn ticarətə keçid edən bizneslər daha az zərər gördü. Onlar üçün satış prosesi fasiləsiz davam etdi, hal-hazırda da onlayn ticarət həcmlərini həm sosial media, həm də  veb-sayt üzərindən sifariş almaqla böyütməyə davam edirlər. Bənzər bir halda eyni zərərlərlə qarşılaşmamaq üçün ənənəvi biznes sahiblərinin onlayna keçidi mütləqdir.

Onlayna keçid fürsətini dəyərləndirmək istəyən biznesmenlər Oderonun yardımı ilə bunu həyata keçirə bilərlər.

Oderonun təklif etdiyi xidmətlər:

• Biznesə uyğun onlayn mağaza və mobil tətbiq;
• Sayt üzərindən satışda Virtual POS;
• Sosial mediadan satışda Linklə ödəniş.

Virtual POS biznesmenlərə veb-saytda ödənişi istənilən debet və kredit kartı ilə qəbul etmək fürsəti verir, Linklə ödəniş isə məhsul məlumatlarını doldurub linkə çevirmək və müştəriyə göndərməklə ödəniş qəbulunu təmin edir.

Ödəniş qəbulu sistemi dünya standartlarına uyğun, sürətli və təhlükəsizdir. Əməliyyatlar daim nəzarətdə saxlanılır, şübhəli hallar dərhal araşdırılır və təhlükələrə qarşı tədbirlər görülür.

Odero barədə ətraflı məlumat və qoşulma üçün:  (012) 310 57 10

Veb-sayt: Odero.az