You can display the Full post on your Blog Page
Bakıda muzdla işləyənlərin orta aylıq əmək haqqı artıb
Bu barədə Bakı Şəhər Statistika İdarəsinin yaydığı məlumatda bildirilir.
Mənbə: azertag.az
Nazirlər Kabineti 431 nömrəli Qərarını izah edib. Nazirlər Kabinetindən verilən məlumata görə, “Aqrar sığorta Qaydaları”nın təsdiq edilməsi haqqında” Azərbaycan Respublikası Nazirlər Kabinetinin 2020-ci il 30 oktyabr tarixli 431 nömrəli Qərarı “Aqrar sığorta haqqında” Azərbaycan Respublikası Qanununun tətbiqi və Aqrar Sığorta Fondunun yaradılması barədə” Azərbaycan Respublikası Prezidentinin 2019-cu il 19 avqust tarixli 809 nömrəli Fərmanının icrasının təmin edilməsi məqsədilə qəbul olunub.
Qaydaların tətbiqi ilə kənd təsərrüfatı məhsulları istehsalçılarının bu sahədə üzləşdikləri risklərin azaldılması, onlara dəymiş zərərin və itkilərinin aradan qaldırılması, aqrar sektorun investisiya cəlbediciliyinin yüksəldilməsi, kənd təsərrüfatı sahəsində sabit biznes mühitinin yaradılması, aqrar sahədə sığortanın inkişaf etdirilməsi, o cümlədən bu sahə üzrə dövlət dəstəyi mexanizminin praktiki cəhətdən tənzimlənməsi təmin ediləcək.
Mənbə: report.az
İctimai iaşə fəaliyyəti ilə məşğul olan şəxslərin illik dövriyyəsi 200.000 manatdan artıq olduqda sadələşdirilmiş vergi ödəyicisi hüququnu saxlaya bilərmi?
İctimai iaşə fəaliyyəti dedikdə, fəaliyyət göstərdiyi xidmət obyektinin ərazisində və ya səyyar qaydada alıcıya istehlak məqsədilə hazırlanmış (bişirilmiş) qida (yeyinti) məhsullarının təqdim edilməsi ilə əlaqədar sahibkarlıq fəaliyyəti başa düşülür.
Şərtlərə cavab verməyən (fəaliyyəti yalnız ictimai iaşə olmayan) və müvafiq Məlumat formasını təqdim etməyən vergi ödəyiciləri isə ƏDV qeydiyyatına durmaq öhdəliyi yarandığı dövrdən etibarən müvafiq ərizə ilə vergi orqanına müraciət edərək ƏDV ödəyicisi kimi ƏDV bəyannaməsini təqdim etməlidirlər.
Qeyd olunanlar, habelə vergi orqanına edilmiş müraciət barədə daha ətraflı məlumat üçün aidiyyəti üzrə Vergilər Nazirliyinin Çağrı Mərkəzinə (195-1) və vergi ödəyicilərinə xidmət mərkəzlərinə müraciət edə bilərsiniz.
Mənbə: vergiler.az
Bax:
Xaricdə auditin xüsusiyyətləri (III hissə)
Beynəlxalq auditin nəzəriyyəsi və təcrübəsi rəqabət şəraitində formalaşmışdır. Bu, çoxsaylı tədqiqatlar və həmin materialların ictimai müzakirələri ilə müşayiət olunurdu. Nəticədə, bu ona gətirib çıxardı ki, bu günə qədər möhkəm beynəlxalq hüquqi auditor əsası yaradılmışdır. Auditin təşkili formaları ətraflı işlənib hazırlanmışdır və bu, az əhəmiyyətli deyil. Auditor fəaliyyəti üçün çoxlu sayda metodik materiallar nəşr olunur və daim artırılır.
Qərbdə bütün auditorlar, auditorlar üçün GAAP standartlarına (mühasibat uçotu prinsipləri), eləcə də GAAS (audit standartları) standartlarına riayət etməlidir.
Müxtəlif xarici ölkələrin auditin təşkili ilə bağlı normativ-hüquqi aktlarını müqayisə edərək, sahibkarlıq fəaliyyətinin bu sahəsi ilə bağlı bir çox məsələlər üzrə qərarların qəbulunda müəyyən oxşarlıq aşkar etmək olar. Məsələn, demək olar ki, bütün dövlətlərin normativ-hüquqi aktlarında müəssisənin illik maliyyə hesabatlarının auditinin aparılması zərurəti haqqında əsasnamə var. Hər bir ölkə üçün audit təcrübəsinin həyata keçirilməsinin həllindən ötrü ixtisas tələbləri müəyyən edilib. İngiltərədə, məsələn, bir şəxs səlahiyyətli dövlət katibi tərəfindən tanınan hər hansı bir mühasibat orqanının üzvü deyilsə, auditor olmaq hüququna malik deyil. Xarici ölkələrin auditor fəaliyyətində daha bir oxşarlıq auditorların yoxlanılan müəssisənin bütün iclaslarında iştirak etmək və çıxış etmək hüququdur. Xaricdə auditorların məsuliyyətinə gəldikdə: əcnəbi auditorlar işdə səhlənkarlığa yol verdiklərinə, fəaliyyətin bilərəkdən yalan qiymətləndirilməsinə görə mənəvi və intizam məsuliyyəti ilə yanaşı, maddi və hətta cinayət məsuliyyəti də daşıyırlar.
Xarici auditin daha bir xüsusiyyəti ondan ibarətdir ki, xarici qanunvericilikdə audit növlərinin daha müfəssəl təsnifatı verilir. Məsələn, ABŞ-ın qanunvericilik aktlarında daxili, dövlət auditi, idarəetmə və tənzimləyici orqanların auditi kimi müxtəlif növ auditlərə ayrılır. Daxili audit təşkilatın mənafeyi naminə həyata keçirilən daxili auditorların təşkilatın işinin yoxlanması və qiymətləndirilməsi üzrə müstəqil fəaliyyətini təşkil edir.
Həmçinin, xarici təcrübədə üç növ auditin ayrılması qəbul edilib:
Maliyyə auditi (maliyyə hesabatlarının auditi) – maliyyə hesabatlarında əks olunan informasiyanın düzgünlüyünün qiymətləndirilməsidir. Bir qayda olaraq, bu audit auditor təşkilatları tərəfindən aparılır və yoxlamanın nəticələrinə əsasən təşkilatın maliyyə hesabatı ilə bağlı rəy verilir. Forma və məzmununa görə, bu audit növü Rusiya auditinə daha yaxındır.
Əməliyyat auditi təşkilatın ayrı-ayrı fəaliyyət növlərinin səmərəliliyinin qiymətləndirilməsidir. Onun xüsusiyyəti ondan ibarətdir ki, bu audit çərçivəsində yoxlama mühasibat uçotu ilə məhdudlaşmır. O, firmanın təşkilati strukturunun, onun istehsal fəaliyyətinin metodlarının, kredit, investisiya, marketinq siyasətinin öyrənilməsini nəzərdə tutur. Hazırda əməliyyat auditi dövlət sektorunda geniş yayılıb.
