İcbari tibbi sığorta haqqının adambaşına düşən məbləğləri
“İcbari tibbi sığorta üzrə dövlət büdcəsinin vəsaiti hesabına sığorta haqqının 2020-ci ildə mərhələli şəkildə ödənilməsi Qaydası”nın təsdiq edilməsi haqqında” Azərbaycan Respublikası Nazirlər Kabinetinin 2020-ci il 17 mart tarixli qərarında dəyişiklik edilib. Dəyişikliyə əsasən, dövlət büdcəsinin vəsaiti hesabına icbari tibbi sığorta üzrə sığorta haqqının 2020 və 2021-ci illərdə mərhələli şəkildə ödənilməsi nəzərdə tutulub.
Sığorta haqqının adambaşına məbləği icbari tibbi sığortanın 2020-ci ilin yanvar ayından tətbiq edildiyi inzibati ərazi vahidləri üzrə 90 manat, 2021-ci ilin yanvar ayından tətbiq edildiyi inzibati ərazi vahidləri üzrə 90 manat + 90 manat x ölkə üzrə istehlak qiymətlərinin indeksi, 2021-ci ilin aprel ayından tətbiq edildiyi inzibati ərazi vahidləri üzrə 67,5 manat + 67,5 manat x ölkə üzrə istehlak qiymətlərinin indeksi müəyyən edilib.
İstehlak qiymətləri dedikdə inflyasiya səviyyəsi nəzərdə tutulur və bu göstərici Dövlət Statistika Komitəsi tərəfindən hər il üçün elan olunur.
Misal: Tutaq ki, 2020-ci il üzrə istehlak qiymətləri indeksinin illik səviyyəsi 2 faiz olub. 2021-ci ilin yanvar ayından icbari tibbi sığortanın tətbiq edildiyi inzibati ərazi vahidləri üzrə adambaşına sığorta haqqı 91 manat 80 qəpik təşkil edəcək:
90 manat + 90 manat x 2% = 91,80 manat.
2021-ci ilin aprel ayından icbari tibbi sığortanın tətbiq edildiyi inzibati ərazi vahidləri üzrə isə bu rəqəm 68 manat 85 qəpik olacaq:
67,5 manat + 67,5 manat x 2% =86,80 manat.
Agentlikdən bildirilib ki, birinci mərhələdə icbari tibbi sığorta 2020-ci ilin yanvar ayından Naxçıvan Muxtar Respublikasında, Mingəçevir şəhərində, Qusar, Xaçmaz, Quba, Şabran, Siyəzən, Xızı, Qobustan, İsmayıllı, Ağsu, Şamaxı, Balakən, Zaqatala, Qax, Şəki, Oğuz, Qəbələ, Göyçay, Ucar, Zərdab, Kürdəmir, Yevlax və Ağdaş rayonlarında tətbiq edilir. Həmin regionlarda icbari tibbi sığorta haqqının adambaşına məbləği 90 manat təşkil edir.
İkinci mərhələdə, 2021-ci il 1 yanvar tarixindən 36 şəhər və rayonun – Gəncə, Naftalan, Şirvan, Qazax, Ağstafa, Tovuz, Şəmkir, Gədəbəy, Daşkəsən, Samux, Göygöl, Goranboy, Xocalı, Beyləqan, Xocavənd, Ağcabədi, Laçın, Bərdə, Füzuli, Ağdam, Tərtər, Kəlbəcər, Astara, Lənkəran, Lerik, Yardımlı, Masallı, Cəlilabad, Neftçala, Biləsuvar, Cəbrayıl, Salyan, İmişli, Saatlı, Sabirabad və Hacıqabulun bu sistemə qoşulması nəzərdə tutulub. Üçüncü mərhələdə isə – 2021-ci il aprelin 1-dən Bakı, Sumqayıt, Abşeron, Xankəndi, Qubadlı, Zəngilan və Şuşa əhalisinin icbari tibbi sığortanın xidmətlər zərfindən istifadə etməsi planlaşdırılıb.
Mənbə: vergiler.az
Sual:
Almaniyanın ən iri bankı – Deutsche Bank-ın rəhbəri Kristian Syuinq koranavirus pandemiyası səbəbi ilə böhran yaşayan dünya iqtisadiyyatının uzunmüddətli bir bərpa dövrü yaşayacağını və bu bərpaolunmanın addım-addım baş verəcəyini bəyan edib. Onun sözlərini CNBC kanalı misal gətirib.
Milli Məclisin Əmək və sosial siyasət komitəsinin iclasında “Sosial müavinətlər haqqında” qanuna dəyişiklik layihəsi müzakirəyə çıxarılıb.