Koronavirus pandemiyasının gözlənilməz təsiri
Koronavirus pandemiyasının gözlənilməz təsiri
Alimlər 2020-ci ildə baş verən koronavirus pandemiyasının gözlənilməz təsirini qeyd ediblər. İnfeksiyanın yayılması ətraf mühitin qorunması məqsədini pozaraq birdəfəlik istifadə olunan plastik istehlakının kəskin artmasına səbəb olub. Bu barədə Science jurnalı yazıb.
Tədqiqatçıların sözlərinə görə, 2040-cı ilə qədər dünya okeanına atılan plastik kütlənin həcmi üç dəfə arta bilər və pandemiya vəziyyəti daha da ağırlaşdırır. Alimlər iqtisadi modelin köməyi ilə plastik kütləsinin dövriyyəsini qiymətləndirərək, böhrandan çıxmaq üçün plan işləyib hazırladılar.
Mütəxəssislər belə qənaətə gəliblər ki, plastik tullantılarının həcmi 80 faiz azaldıla bilər. Amma bundan ötrü ilk növbədə ilkin plastik kütlənin istehsalını azaltmaq lazımdır. İkinci addım kimi bütün dünyada tullantıların yığımı sisteminin təkmilləşdirilməsi və utilizasiyası asan olan plastik məhsulların işlənib hazırlanmasına investisiyalar yatırılması olardı. “Lakin biz plastik kütlənin yığımını və emalını kəskin şəkildə artıra bilsək belə, ilkin plastik istehsalını 2020-ci il səviyyəsində dondurmasaq, qarşıya qoyulan məqsədlərə hələ də nail ola bilməyəcəyik”, – deyə, mütəxəssislər qeyd ediblər.
Dəniz iqtisadiyyatının öyrənilməsi ilə məşğul olan alimlər bundan əvvəl dənizlərə yatırılan investisiyaları ən perspktivli sərmayələr adlandırmışdılar. Onların sözlərinə görə, dənizdə külək enerjisi qurğularının inşasına və təbii, zülallarla zəngin ərzaq məhsullarının əldə olunmasından ötrü okeanların mənimsənilməsinə yönələn sərmayələr çox faydalı və xeyirli ola bilər.
Bax: “Zənginliyə can atmaq bəşəriyyətin başlıca təhlükəsidir”
Var-dövlət hərisliyi və həddən ziyadə istehlak, bəşəriyyətin inkişafı üçün başlıca təhlükədir. Avstraliya, İsveçrə və Böyük Britaniyadan olan alimlər belə hesab edirlər. Bununla bağlı məqalə Nature Communications jurnalında çap olunub.
İyunda sistematik əhəmiyyət daşıyan banklar siyahısında olan 11 Rusiya bankından 7-si 600 milyon dollardan çox valyuta əmanətini itirib. Bu məlumatı kredit təşkilatlarının hesabatlarına istinadən RBK saytı yayıb.
Dövlət Vergi Xidmətinin Tədris Mərkəzi “Riskli vergi ödəyiciləri – meyarlar, məhdudiyyətlər və hüquqların bərpası” mövzusunda seminara qeydiyyat elan edir.