Blog Full

Oxunma sayı: 138. 476

9 Okt 2019

Vakansiya: Təcrübəçi (Maliyyəçi) – Azerbaijan Railways CJSC

by | posted in: İş elanı, Maliyyə, Vakansiya, Xəbər | 0

Vakansiya: Təcrübəçi (Maliyyəçi).

İşəgötürən: Azerbaijan Railways CJSC.

Əmək haqqı: 300 AZN.
Şəhər: Bakı
Yaş: 20 – 28 yaş
Cins: Fərqi yoxdur
Təhsil: Ali
İş təcrübəsi: 1 ildən aşağı
Əlaqədar şəxs: HR
E-mail: /

İş barədə məlumat

Vakansiyanın sayı: 5 (beş)
Vakansiyanın kodu: V19100804
Kateqoriya: Xidmət müqaviləsi
Vakansiyanın aid olduğu struktur vahid: Maliyyə və İqtisadiyyat İdarəsi
Ödəniş növü: Xidməti müqaviləyə əsasən
Vəzifə (peşə) üzrə əmək haqqı: 300 AZN (Xidmət haqqı)
Əlavə ödəniş: Yoxdur.
İş yerinin ünvanı: Bakı şəhəri, Dilarə Əliyeva küçəsi 230

Namizədə tələblər

Tələb olunan təhsil istiqaməti/ixtisası: Maliyyə və ya iqtisadiyyat sahəsi üzrə təhsil alan tələbələr
Tələb olunan minimum təhsil dərəcəsi: Bakalavr, natamam ali
Kompüter bilikləri: MS Office proqramları – yaxşı səviyyədə.
Rus dili – orta səviyyədə;
İngilis dili – orta səviyyədə.
Analitik düşüncə, ünsiyyət qurmaq bacarığı, təşəbbüslü, öyrənməyə həvəsli, məsuliyyətli, çalışqan, komandada işləmək bacarağı

Digər tələb və üstünlük göstəriciləri: İngilis və rus dili biliyi – yaxşı səviyyədə.

Vəzifə öhdəlikləri: Maliyyə və İqtisadiyyat İdarəsinin müvafiq şöbələrinə uyğun işlərin icra edilməsi.

Vakansiyanın elan olunma tarixi: 08.10.2019
Son müraciət tarixi: 17.10.2019

Müraciət etmək üçün link: https://ady.az/az/career/vacancy/69/1666 və ya CV-lərinizi / ünvanına göndərin.

Mənbə: finstaff.az

9 Okt 2019

Azərbaycanda gömrük orqanlarının xətti ilə büdcə daxilolmaları 25% artıb

by | posted in: Xəbər | 0

Bu ilin yanvar-sentyabr aylarında Dövlət Gömrük Komitəsinin (DGK) xətti ilə büdcə daxilolmaları 3 250,416 milyon manat təşkil edib.

Bu, ötən ilin eyni dövrü ilə müqayisədə 25% çoxdur.

Son 1 ildə gömrük rüsumları üzrə daxilolmalar 20,7% artaraq 798,521 milyon manat, əlavə dəyər vergisi (ƏDV) üzrə daxilolmalar 24,6% artaraq 2 217,207 milyon manat, aksizlər üzrə daxilolmalar 52,9% artaraq 201,492 milyon manat, yol vergisi üzrə daxilolmalar isə 21,1% artaraq 33,196 milyon manat olub.

Mənbə: report.az

9 Okt 2019

Əmək müqaviləsinə xitam zamanı bilməli olduqlarımız (7-ci hissə)

by | posted in: Müqavilələr, Xəbər | 0

Əmək müqaviləsinə xitam zamanı bilməli olduqlarımız (7-ci hissə) (əmək müqaviləsi)

6-cı hissəni oxumaq üçün keçidə daxil olun.

Qarşılıqlı razılıqla nəzərdə tutulan əlavə xitam halları…

Əmək müqaviləsində işçi və işəgötürən qarşılıqlı razılıqla Əmək Məcəlləsində göstərilən müqaviləyə xitam verilməsi ilə bağlı əlavə halları qeyd edə bilər. Bu hallara aşağıdakı hallar aid edilir:

1) tərəflərin qarşılıqlı razılığı ilə müqaviləyə xitam verilməsi

2) işçinin səhhəti ilə əlaqədar müvafiq vəzifədə (peşədə) çalışması onun sağlamlığı üçün təhlükəli olduğu barədə səhiyyə müəssisəsinin müvafiq rəyi olduğu halda

3) əmək funksiyasının müəyyən müddətdə icrası zamanı iş yerində peşə xəstəliyinə tutulmanın yüksək ehtimalı olduğu halda

4) işin və ya göstərilən xidmətlərin həcminin azalması ilə əlaqədar müəyyən dövr keçdikdən sonra işçi ilə hökmən yenidən əmək müqaviləsi bağlayacağı şərti ilə işəgötürən yazılı formada məcburi öhdəlik götürdüyü halda

5) qanunvericiliyin tələblərinə əməl edilməklə tərəflərin müəyyən etdiyi digər hallar. Onu da qeyd edək ki, bu halda əmək müqaviləsinə xitam verilməsinə dair tərəflər onların şərəf və ləyaqətini alçaldan, qanunvericilikdə nəzərdə tutulan hüquqlarını məhdudlaşdırmağa yönəldilən şərtlər müəyyən edə bilməzlər.

Müəllif: Praktiki Hüquqşünas / Şəhriyar Həbilov.

8-ci hissəni oxumaq üçün keçidə daxil olun.

9 Okt 2019

Vergilər nazirinin birinci müavini vətəndaşları qəbul edəcək

by | posted in: Vergi, Xəbər | 0

Vergilər nazirinin birinci müavini Sahir Məmmədxanov 2019-cu il oktyabrın 15-də Masallı şəhərində yerləşən Vergi ödəyicilərinə xidmət mərkəzində (ünvan: Füzuli küçəsi, 6) Masallı, Lənkəran, Astara, Lerik, Cəlilabad və Biləsuvar rayonlarından olan vətəndaşları qəbul edəcək.

Qəbula gəlmək istəyən vətəndaşlar 8-11 oktyabr 2019-cu il tarixlərində 6 saylı Ərazi Vergilər Baş İdarəsinə, habelə Masallı, Lənkəran, Astara, Lerik, Cəlilabad və Biləsuvar rayon vergi ödəyicilərinə xidmət mərkəzlərinə müraciət etməklə, eləcə də VN “195-1” Çağrı Mərkəzinə zəng etməklə və ya nazirliyin elektron poçt ünvanına yazmaqla qeydiyyatdan keçə bilərlər.

Qeydiyyatdan keçmiş vətəndaşlardan xahiş olunur ki, qəbula gələrkən qaldırmaq istədikləri məsələləri dolğun ifadə edən ərizə ilə müraciət etsinlər.

Mənbə: vergiler.az