Blog Full

Oxunma sayı: 139. 407

Prezident İlham Əliyevin imzaladığı “Əmək pensiyaları haqqında” Azərbaycan Respublikasının Qanununda dəyişiklik edilməsi barədə” fərmana əsasən, qanunun “Əmək pensiyalarının indeksləşdirilməsi” ilə bağlı 29-cu maddəsinə dəyişiklik edilib. Dəyişikliklərə görə, sığortaolunanların fərdi hesabının sığorta hissəsində qeydə alınan pensiya kapitalı hər ilin əvvəlində öncəki ilin inflyasiya səviyyəsində indeksasiya olunacaq. Fərmanın bu hissəsini izah edən iqtisadçı eksrert Vüqar Bayramov dəyişikliyi misallarla izah edib.

İqtisadçının sözlərinə görə, əgər pensiya kapitalında 10 min manat vəsait varsa və illik inflyasiya səviyyəsi 6 faizdirsə, o zaman həmin məbləğə 600 manat əlavə olunacaq: “Ötən il əmək pensiyasının sığorta hissəsində və fərdi hesabın sığorta hissəsində qeydə alınan pensiya kapitalının qeyri-rəsmi məşğulluq səviyyəsini nəzərə alaraq ölkə üzrə orta aylıq nominal əməkhaqqındakı artım faizinə deyil, illik inflyasiya səviyyəsinə uyğunlaşdırılmasını təklif etmişdik.

Eyni zamanda, rəsmi illik inflyasiya dərəcəsinin hesablanması mexanizminin və metodologiyasının təkmilləşdirilməsini vacib hesab edirik. Belə ki, bəzi illərdə, xüsusən də məzənnədə dəyişiklik baş verən zaman inflyasiya səviyyəsi daha yüksək olur. Nəticədə əmək pensiyasının sığorta hissəsi və fərdi hesabın sığorta hissəsində qeydə alınan pensiya kapitalı belə, inflyasiya dərəcəsi üzrə indeksasiya oluna bilmirdi”.

Bəzi illərdə nominal orta aylıq əməkhaqqındakı artımın inflyasiya səviyyəsindən çox ola biləcəyini istisna etməyən ekspert, strateji olaraq, inflyasiya səviyyəsinin əməkhaqqı artımından daha çox olduğunu və bunun indeksasiya məbləğinə təsir göstərdiyini qeyd edib.

Vakansiya: Mühasib

İşəgötürən: Prior Leasing

Əmək haqqı: 2000 – 2500 AZN

Şəhər: Bakı

Yaş: 25 – 45 yaş

Cins: Fərqi yoxdur

Təhsil: Ali

İş təcrübəsi: 3 ildən 5 ilə qədər

Əlaqədar şəxs: HR

E-mail: /

Vakansiya barədə məlumat

– Mühasibat və vergi uçotunun aparılması;
– Mühasibat sənədlərinin düzgün tərtib edilməsi;
– Bütün növ hesabatların hazırlanması və aidiyyəti orqanlara (Xüsusi Rejimli Vergi Xidməti Departamenti, DSMF və Statiştika Şöbəsi) təqdim edilməsi;
– Bank əməliyyatlarının həyata keçirilməsi;

Namizədə tələblər

– Lizinq sahəsində ən azı 3-5 il iş təcrübəsi;
– Vergi Məcəlləsini yaxşı səviyyədə bilməlidir;
– Müvafiq normativ-hüquqi sənədlər, müəssisədaxili normativ sənədlər, iş vaxtının uçotu;
– Müvafiq normativ-hüquqi sənədlər;
– Maya dəyərinin hesablanması qaydaları;
– Avans hesablarının təlimatı;
– MS Office, 1C proqramlarında sərbəst işləməyi bacarmalıdır.

CV-lərinizi / ünvanına göndərə bilərsiniz.

Mənbə: finstaff.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

mühasib

“Neft-qaz sektoruna aid edilən iqtisadi fəaliyyət növlərinin siyahısının “İqtisadi Fəaliyyət Növləri Təsnifatı”nın (AZT029-2008) beşrəqəmli altsinif kodları səviyyəsində təsdiq edilməsi haqqında (Neft-qaz sektoru, İqtisadi Fəaliyyət)

“Azərbaycan Respublikasının 2019-cu il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2018-ci il 22 dekabr tarixli 431 nömrəli Fərmanının 4.8.2-ci yarımbəndinin icrasını təmin etmək məqsədilə Azərbaycan Respublikasının Nazirlər Kabineti QƏRARA ALIR:

“Neft-qaz sektoruna aid edilən iqtisadi fəaliyyət növlərinin siyahısı “İqtisadi Fəaliyyət Növləri Təsnifatı”nın (AZT029-2008) beşrəqəmli altsinif kodları səviyyəsində təsdiq edilsin (əlavə olunur).
Bu Qərarda dəyişikliklər Azərbaycan Respublikası Prezidentinin 2002-ci il 24 avqust tarixli 772 nömrəli Fərmanı ilə təsdiq edilmiş “İcra hakimiyyəti orqanlarının normativ hüquqi aktlarının hazırlanması və qəbul edilməsi qaydası haqqında Əsasnamə”nin 2.6-1-ci bəndinə uyğun edilə bilər.

Azərbaycan Respublikasının
Baş Naziri Novruz Məmmədov

Azərbaycan Respublikası Nazirlər
Kabinetinin 2019-cu il 9 avqust
tarixli 355 nömrəli Qərarı ilə
təsdiq edilmişdir.

Neft-qaz sektoruna aid edilən iqtisadi fəaliyyət növlərinin
Siyahısı

İqtisadi Fəaliyyət Növləri Təsnifatı (AZT029-2008) altsinfi
kodu	adı
06100	Xam neft hasilatı
06200	Təbii (yanar) qaz hasilatı
09101	Neft və təbii qaz hasilatı sahəsində xidmətlərin göstərilməsi
09102	Neft və təbii qazın hasilatı üçün quyuların qazılması
19200	Təmizlənmiş neft məhsullarının istehsalı, o cümlədən neft məhsullarından briketlər

Vergilər Nazirliyi məhdud məsuliyyətli cəmiyyətlərin (MMC) nizamnamələrinin yeni nümunəvi formalarını hazırlayıb və rəsmi internet səhifəsinin (www.taxes.gov.az) “Bir pəncərə” bölməsində yerləşdirib. (nizamnamə formaları, MMC-lər, nizamanme formalari)

Nizamnamənin nümunəvi formalarının yenilənməsi qanunvericiliyə edilən dəyişikliklərlə əlaqədardır: 28 dekabr 2018-ci il tarixli 1449-VQD nömrəli Qanunla Azərbaycan Respublikasının Mülki Məcəlləsinin 91.1-4-cü maddəsinə dəyişiklik edilib və Məcəlləyə yeni – 87.10-cu, 91.1-5-ci və 91.1-6-cı maddələr əlavə olunub.

Mülki Məcəllənin 87.10-cu maddəsinə əsasən, MMC-nin xalis aktivlərinin dəyərinin əlli faizindən artıq məbləğdə olan əqd xüsusi əhəmiyyətli əqd hesab edilir. Xüsusi əhəmiyyətli əqdin bağlanılması barədə qərar MMC iştirakçılarının ümumi yığıncağında qəbul edilir. Məcəllənin 91.1-4-cü maddəsinin yeni redaksiyasına əsasən, MMC iştirakçılarının ümumi yığıncağında cəmiyyətin paylarının əlli faizindən artıq hissəsinə malik olan iştirakçıları iştirak etdikdə ümumi yığıncaq səlahiyyətlidir. Məcəllənin 91.1-5-ci maddəsində isə göstərilir ki, iştirakçıların ümumi yığıncağında yetərsay olmadıqda, ümumi yığıncaq cəmiyyətin icra orqanı tərəfindən nizamnamədə müəyyən edilmiş qaydada, ümumi yığıncağın gündəliyi dəyişdirilmədən çağırılmalıdır. Yenidən çağırılan ümumi yığıncaq cəmiyyətin paylarının əlli faizinə malik olan iştirakçıları iştirak etdikdə səlahiyyətlidir. 91.1-6-cı maddəyə əsasən, yenidən çağırılan yığıncaqda yetərsay olmadıqda, ümumi yığıncaq icra orqanı tərəfindən cəmiyyətin nizamnaməsində müəyyən edilmiş qaydada, ümumi yığıncağın gündəliyi dəyişdirilmədən təkrarən çağırılmalıdır. Təkrarən çağırılan ümumi yığıncaq cəmiyyətin paylarının 25 faizinə malik olan iştirakçıları iştirak etdikdə səlahiyyətlidir.

Bütün bunlar nəzərə alınaraq, nümunəvi nizamnamə formalarında da dəyişiklik edilib. Qeyd edək ki, dəyişikliyə qədər bu məsələlər hər bir MMC-nin öz nizamnaməsinə uyğun müəyyən olunurdu.

Yeni nizamnamə formaları Vergilər Nazirliyinin Kollegiyasının 2019-cu il 15 mart tarixli 1917050000003100 nömrəli Qərarı ilə təsdiq edilmiş “Kommersiya hüquqi şəxslərin onlayn qeydiyyatı” elektron xidməti üzrə inzibati reqlamentə əlavə olunub və yerli investisiyalı MMC-lərin elektron dövlət qeydiyyatı zamanı istifadəçilərə təklif olunur.

Nizamnamə formaları kommersiya hüquqi şəxs təsis etmək istəyən şəxslərə kömək məqsədilə hazırlanıb. Qeydiyyat zamanı Azərbaycan qanunvericiliyinə uyğun hazırlanmış digər nizamnamələr də təqdim oluna bilər.

Nizamnamələrinin yeni formaları ilə buradan tanış ola bilərsiniz: www.taxes.gov.az

Mənbə: taxes.gov.az

Pensiya kapitalı nə qədər arta bilər?