Oxunma sayı: 139. 753
30 İyl 2019

Bu halda əmlak vergisindən azad olma necə nəzərə alınır?

by | posted in: Xəbər | 0

Sual 1. Şirkətin balansında rabitə və enerji ötürücü xətləri vardır. Bu xətlərin bir hissəsi şirkət xaricində olmaqla ötürücü funksiya daşıyır, bir hissəsi isə bina daxilidir. Rabitə və enerji ötürücü xətlərinin dəyəri əmlak vergisindən azaddırmı? (əmlak vergisi, emlak vergisi)

2. Yanğından mühafizə avadanlıqlarının dəyəri (məsələn, yanğın şiti, yanğınsöndürmə balonları, yanğın xətti, yanğın söndürmə sistemi) əmlak vergisindən azaddırmı?

Cavab: Vergi Məcəlləsinin 199.4.2-ci maddəsinə əsasən vergitutma məqsədləri üçün müəssisənin əmlakının dəyəri məhsul ötürən kəmərlərin, dəmir və avtomobil yollarının, rabitə və enerji ötürücü xətlərinin, meliorasiya və suvarma sistemi obyektlərinin, peyklərin və digər kosmik obyektlərin dəyərində azaldılır.

Vergi Məcəlləsinin qeyd edilən maddəsində nəzərdə tutulan azadolmalar müəssisələr tərəfindən istehsal edilmiş məhsulların istehlakçılara çatdırılması üçün istifadə etdikləri məhsul ötürən kəmərləri, rabitə və enerji ötürən xətlərini, daşımaların həyata keçirilməsi üçün istifadə edilən dəmir və avtomobil yollarını, həmçinin meliorasiya və suvarma sisteminə aid olan təsərrüfat subyektlərinin (obyektlərinin) (ayrıca uçota alınmaqla kodlaşdırılmış) əmlaklarını əhatə edir.

Cavab 2. Vergi Məcəlləsinin 199.4.1-ci maddəsinə əsasən ekologiya, yanğından mühafizə və ya mülki müdafiə üçün istifadə edilən obyektlərin dəyəri əmlak vergisindən azad edilir.

Bax: Vergi Məcəlləsinin 199.4.1-ci və 199.4.2-ci maddələri.

Mənbə: taxes.gov.az

Bax: Turizm şirkəti xaricdə yerləşən otelə ödəmə edərsə hansı vergilər yaranır?

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
əmlak vergisi emlak vergisi
29 İyl 2019

Qeyri-rezidentlərə ödənilən məbləğdən ödəmə mənbəyində verginin tutulması

by | posted in: Vergi, Xəbər | 0

Torpaq sahələri vergi icarə haqqı əsas vəsaitlər qiymetlendirme Yenidən qiymətləndirmə amortizasiya Turagentlər vergi güzəştləri Vergi nəzarəti artım Yükdaşıma xırda istehsal vergi öhdəliyi qeyri-neftVergi Məcəlləsinin 13.2.33-cu maddəsinə əsasən, yüklərin, sərnişinlərin, baqajın və poçtun daşıma sənədləri əsasında müxtəlif nəqliyyat növləri ilə Azəbaycan Respublikasında yerləşən göndərilmə məntəqəsi ilə digər dövlətdəki təyinat məntəqəsi arasındakı daşınması beynəlxalq daşıma adlanır. (qeyri-rezident)

Vergi Məcəlləsinin 13.2.16.17-ci maddəsinə əsasən, Azərbaycan Respublikası ilə digər dövlətlər arasında beynəlxalq rabitə və ya daşınmalar həyata keçirilərkən telekommunikasiya və ya nəqliyyat xidmətlərindən əldə edilən gəlirlər Azərbaycana aid edilir. Məcəllənin 125.1.4-cu maddəsində isə göstərilir ki, Azərbaycan Respublikası ilə digər dövlətlər arasında beynəlxalq rabitə və ya beynəlxalq daşımalar həyata keçirilərkən rabitə və ya nəqliyyat xidmətləri üçün rezident müəssisənin və ya sahibkarın qeyri-rezidentə ödəmələrindən ödəmə mənbəyində 6 faiz vergi tutulmalıdır. Qeyd edilənlərə əsasən, vergi ödəyicisi olan hüquqi şəxs tərəfindən beynəlxalq daşıma sayılmayan, yəni xarici dövlətlərarası daşımalara görə qeyri-rezident şəxslərə ödənilən məbləğ ödəmə mənbəyində vergiyə cəlb olunmamalıdır.

Tutaq ki, “A” MMC ilə “B” MMC arasında bağlanmış müqavilə şərtlərinə əsasaən, “A” MMC “B” MMC-yə məxsus yükün Ukrayna dövlətində yerləşən məntəqədən Bakıda yerləşən məntəqəyə daşınmasını öz üzərinə göturub. “A” MMC “B” MMC-yə məxsus yükün ilkin olaraq Ukrayna dövlətinin Odessa limanından gəmi vasitəsilə Gürcüstan dövlətinin Poti limanına qədər daşınması üçün Ukrayna dövlətində fəaliyyət göstərən qeyri-rezident şəxslə müqavilə bağlayıb. Qeyd olunan daşınmaya görə həmin qeyri-rezident şəxsə ödəniş edib.Yükün Poti limanından Azərbaycan Respublikasındakı boşaldılma məntəqəsinə daşınması isə Gürcüstanda fəaliyyət göstərən digər qeyri-rezident şəxslə bağlanmış müqavilə əsasında həyata keçirilib. Həmin qeyri-rezident şəxsə ödənilən gəlirdən ödəmə mənbəyində 6 faiz vergi tutulub. Bu halda “A” MMC “B” MMC-yə məxsus yükün ilkin olaraq Odessa limanından gəmi vasıtəsilə Poti limanına qədər daşınması üçün qeyri-rezident şəxsə ödənilən məbləğdən ödəmə mənbəyində vergi tutulmalıdırmı?

Vergilər Nazirliyindən bildirilib ki, sorğuda qeyd olunan nəqliyyat daşımalarının Vergi Məcəlləsinin 13.2.33-cü maddəsində verilən beynəlxalq daşımalar anlayışına aid edilmədiyini nəzərə alaraq, həmin daşımaları həyata keçirən qeyri-rezidentə ödənilən məbləğdən vergi agenti (rezident müəssisə) tərəfindən 10 faiz dərəcə ilə ödəmə mənbəyində vergi tutulmalıdır.

Vergi Məcəlləsinin 13.2.33-cü bəndində qeyd edilib ki, Azərbaycan Respublikası ərazisindən tranzit dedikdə, gömrük qanunvericiliyi ilə müəyyən edilmiş qaydada Azərbaycan Respublikası sərhədindəki iki məntəqə arasında Azərbaycan Respublikası ərazisi ilə daşınma nəzərə tutulur.

Məcəllənin 125-ci maddəsi isə qeyri-rezidentin gəlirindən ödəmə mənbəyində vergi tutulması qaydalarını aydınlaşdırır. Həmin maddənin 125.1.5-ci bəndinə əsasən, Vergi Məcəlləsinin 125.1.1-ci – 125.1.4-cü, 125.1.6-cı – 125.1.8-ci və 125.1-1-ci maddələrində göstərilən gəlirlər istisna olmaqla, hüquqi şəxslərin və vergi ödəyicisi kimi uçota alınmış fiziki şəxslərin işlərin görülməsindən və ya xidmətlərin göstərilməsindən əldə olunan gəlirləri və Azərbaycan mənbəyindən əldə edilən digər gəlirləri üzrə ödəmə mənbəyindən 10 faiz həcmində vergi tutulur.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
qeyri-rezident
29 İyl 2019

Əmlak vergisinin hesablanması

by | posted in: Vergi, Xəbər | 0

Əmlak vergisiSual: əmlak vergisi

Vergi Məcəlləsinin 114.3-1-ci maddəsini nəzərə alaraq aparılmış əməliyyatları ardıcıl 12 aylıq dövrün istənilən ayında (aylarında) 200.000 manatdan çox olmayan vergi ödəyicisi tərəfindən əmlak vergisi hesablanarkən ilin sonuna qalıq dəyəri kimi amortizasiya normasının iki misli tətbiq edilərək çıxıldıqdan sonra qalan dəyər, yoxsa bir misli tətbiq edilərək çıxıldıqdan sonra qalan dəyər götürülür?

Vergi Məcəlləsinin 114.3-1-ci maddəsində qeyd olunan şəxs tərəfindən bu il amortizasiya normasının 2 misli tətbiq edilmədiyi halda, həmin hal aşağı norma kimi tətbiq olunması hesab edilərək növbəti ildə 2 əmsal əlavə olaraq tətbiq edilə bilərmi?

Cavab:

Vergi Məcəlləsinin 1 yanvar 2019-cu ildən qüvvəyə minmiş müddəalarına əsasən, ƏDV qeydiyyatında olan şəxslər istisna olmaqla, aparılmış əməliyyatlarının həcmi ardıcıl 12 aylıq dövrün istənilən ayında (aylarında) 200.000 manatdan çox olmayan vergi ödəyiciləri amortizasiya ayırmalarını bu Məcəllənin 114.3-cü maddəsi ilə müəyyən olunmuş amortizasiya normalarına 2 əmsal tətbiq etməklə gəlirdən çıxırlar.

Bu kateqoriya vergi ödəyicisi tərəfindən əmlak vergisi hesablanarkən ilin sonuna qalıq dəyəri kimi amortizasiya normasının iki misli tətbiq edilərək çıxıldıqdan sonra qalan dəyər götürülür. Bu maddə ilə müəyyən olunmuş amortizasiya normalarına 2 əmsal tətbiq edilmədiyi halda, yaranan fərq növbəti ilə keçirilə bilər.

Əsas: Vergi Məcəlləsi, 114.3-1-ci maddə

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
əmlak vergisi
29 İyl 2019

Veysəloğlu Şirkətlər Qrupu Mühasib tələb edir

by | posted in: İş elanı, Mühasib, muhasibat, Vakansiya, Xəbər | 0

Mühasib vakansiyaVeysəloğlu Şirkətlər Qrupu Mühasib tələb edir

Şirkət haqqında: 1994-cü ildə əsası qoyulmuş Veysəloğlu Şirkəti hal-hazırda 13.000 nəfərdən artıq əməkdaşla Veysəloğlu Şirkətlər Qrupu olaraq fəaliyyətinə davam edir. 2019-cu ildə ciddi böyümələr planlayan Veysəloğlu Şirkətlər Qrupu öz karyerasını bizimlə qurmaq istəyən namizədləri işə qəbul müsahibələrində iştirak etməyə dəvət edir.

 

 

 

 

Vakansiya: Mühasib / İşəgötürən: Veysəloğlu Şirkətlər Qrupu

İş yeri: Bakı şəhəri
İş təcrübəsi: 1 il
Təhsil: Ali iqtisadi təhsil (magistr təhsili arzu olunandır)

Vəzifə öhdəlikləri:

– Mühasibat hesablarının müxtəlif sahələri üzrə əməliyyatları (əsas vəsaitlər, mallar, maliyyə fəaliyyətinin nəticələrinin hesabının aparılması, tədarükçülərin hesabı və göstərilən xidmətlər) yerinə yetirmək;
– Əmək haqqıların yoxlanması, sistem icrası və ödəmələri;
– Transfer, ləğv etmə, alış, qaytarma əməliyyatlarının icrası;
– Kassa sənədlərinin yoxlanılması və sistemə daxil edilməsi;
– Müştərək Şirkətlərlə üzləşmələrin aparılması;
– Təhtəlhesab şəxslərlə hesablaşmalar və onların uçotu.

Tələblər:

– Beynəlxalq Mühasibatlıq yanaşması və yeni hesab planı ilə işləmək;
– Mühasibat uçotu sahəsində iş təcrübəsi;
– MS Exceli yaxşı səviyyədə bilmək;
– Logo proqram biliyi arzu olunandır.

Əmək haqqı: Müsahibə əsasında təyin olunur.

Təminatlar:

– İş yerinə nəqliyyat vasitəsi ilə çatdırılma;
– Nahar ilə təmin edilmə

İş qrafiki: 6 günlük

Müraciət qaydaları:  / elektron poçt ünvanına mövzu hissədə vəzifə adını – “Mühasib” yazıb CV göndərməklə müraciət edilir.

Mənbə: jobsearch.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Mühasib vakansiya
1 … 1. 702 1. 703 1. 704 1. 705 1. 706 1. 707 1. 708 … 2. 685