Vergilər Nazirliyi bu vergi ödəyicilərinə xəbərdarlıq göndərib
Vergilər Nazirliyi bu vergi ödəyicilərinə xəbərdarlıq göndərib.
Vergi güzəşti və azadolmalarını bəyan etməyənlərə xəbərdarlıq olunub.
Vergilər Nazirliyi vergi güzəşti və azadolmaları barədə məlumatları uçot-baza sistemində bəyan etməyən vergi ödəyicilərinə xəbərdarlıq göndərib.
Xəbərdarlıqda bildirilir ki, qanunvericilikdə bəzi fəaliyyət sahələrində vergi güzəşti və azadolmalarının tətbiqi nəzərdə tutulsa da, aidiyyəti şəxslərin tərtib etdikləri bəyannamədə bəzi uçot-baza məlumatları əks etdirilmir. Bunlar aşağıdakılardır:
- əsas və digər fəaliyyət növünün kənd təsərrüfatı məhsullarının istehsalı olması;
- əsas və digər fəaliyyət növünün uşaq bağçalarının fəaliyyəti ilə bağlı olması;
- əsas və digər fəaliyyət növünə əsasən təhsil müəssisəsi olmaq;
- əsas və digər fəaliyyət növünə əsasən səhiyyə müəssisəsi olmaq;
- əsas və digər fəaliyyət növünə əsasən mədəniyyət müəssisəsi olmaq;
- əsas və digər fəaliyyət növünə əsasən idman müəssisəsi olmaq;
- investisiya təşviqi sənədi əldə etmək;
- sənaye texnologiya parklarının operator və rezidenti olmaq;
- startap şəhadətnaməsi almaq;
- KOB klaster şirkəti və onun iştirakçısı olmaq;
- qeyri-kommersiya təşkilatı (Qeyri-Hökümət Təşkilatları, ictimai birliklər və s.) olmaq.
Xatırladaq ki, Vergi Məcəlləsinin 16.1.3-cü maddəsinə əsasən, qanunvericiliklə müəyyən edilmiş qaydada gəlirlərinin (xərclərinin), o cümlədən vergidən azad edilən gəlirlərinin (xərclərinin) və vergitutma obyektlərinin uçotunu aparmaq vergi ödəyicisinin vəzifələrinə aid edilib. Məcəllədə nəzərdə tutulmuş vergi güzəşti və azadolmalarını əldə edən şəxslər tərəfindən vergidən azad olunan gəlirlərin bəyan edilməməsinə və ya azaldılmasına görə bəyan edilməmiş və ya azaldılmış gəlirin (xərclər çıxılmadan) 6 faizi miqdarında vergi ödəyicisinə maliyyə sanksiyası tətbiq edilir. Buna görə də Vergilər Nazirliyi vergi ödəyicilərini əlavə maliyyə sanksiyalarına məruz qalmamaları üçün güzəşt və azadolmalar üzrə bəyan edilməli məlumatları bəyannamədə əks etdirməyə çağırır.
Nazirlik vergi ödəyicilərinin nəzərinə çatdırır ki, qanunla müəyyən edilmiş vergi güzəşti və azadolmalarından istifadə hüququ yalnız müvafiq təsdiqedici sənədlər olduğu təqdirdə yaranır.
Mənbə: vergiler.az
Azərbaycan Respublikası Nazirlər Kabinetinin “ Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasında, terrorçuluğun maliyyələşdirilməsində, transmilli mütəşəkkil cinayətkarlığı, habelə silahlı separatizmi, ekstremizmi və muzdluluğu dəstəkləməsində, narkotik vasitələrin və ya psixotrop maddələrin qanunsuz dövriyyəsində iştirakı ehtimal olunan, maliyyə əməliyyatlarının aparılması zamanı eyniləşdirmə məlumatlarının açıqlanması tələb olunmayan dövlətlərin (ərazilərin) siyahısının müəyyən edilməsi Qaydası”nın təsdiq edilməsi haqqında” 2010-cu il 25 iyun tarixli 123 nömrəli və “Terrorçuluğun maliyyələşdirilməsinə qarşı mübarizə çərçivəsində barəsində sanksiya tətbiq edilməli olan şəxslərin Ümumi Siyahısının təsdiq olunması Qaydası”nın təsdiq edilməsi barədə” 2010-cu il 25 iyun tarixli 124 nömrəli qərarlarında dəyişikliklər edilməsi haqqında
“Vergilər. Şəffaflıq. İnkişaf” mövzusunda forum keçiriləcək