Oxunma sayı: 161. 179
21 Noy 2018

Staja görə əlavə məzuniyyətin verilməsi yalnız bir iş yeri ilə əlaqəlidir?

by | posted in: Xəbər | 1
əlavə məzuniyyətMəlumdur ki (ƏM-nin 116-cı maddəsi), stajdan asılı olaraq işçilərə, 5-10 ilədək stajı olduqda — 2 təqvim günü, 10-15 ilədək stajı olduqda — 4 təqvim günü, 15 ildən çox stajı olduqda 6 təqvim günü müddətində əlavə məzuniyyət verilir. Lakin maraqlı məqam ondan ibarətdir ki, qeyd olunan maddənin 2-ci hissəsinə əsasən, staja görə əlavə məzuniyyətin müddəti işçinin bir müəssisədə işəgötürənlə əmək müqaviləsi bağlayaraq faktik olaraq işlədiyi dövrə əsasən müəyyən edilir. Qanunun quru mənası bunu deməyə əsas verir ki, əgər hər hansı işçinin əvvəlki iş yerində 4 illik əmək stajı varsa və sonradan yeni iş yerində 2 illik stajı yığılmışsa, ona bu 6 illik əmək stajına görə əlavə məzuniyyət verilməyəcəkdir, çünki o, yeni iş yerində yalnız 2 il işləmişdir.
Bax: Hansı işçilər öz arzularına uyğun vaxtda əmək məzuniyyətinə çıxa bilərlər?
Yəni əmək stajını bir müəssisədə deyil, bir neçə müəssisədə əldə edən işçi həmin əlavə məzuniyyətdən məhrum olunur ki, bu cür qeyri-bərabərlik Konstitusiyasının 25-ci maddəsinin I hissəsində nəzərdə tutulmuş bərabərlik hüququ ilə uzlaşmır. Digər tərəfdən, işçilərin bir müəssədə fəaliyyətini uzun müddət fasiləsiz davam etdirməsi bəzi hallarda onların istək və arzularından da asılı olmur. Həmçinin müəssisə ləğv olunduqda, işçilərin sayı və ya ştatları ixtisar edildikdə işdən azad olunduqda, əmək müqaviləsinə, işçinin iradəsindən asılı olmayaraq xitam verilir və belə vəziyyət işçini başqa müəssisələrdə əmək fəaliyyətini davam etdirməyə məcbur edir. Bu halda Əmək Məcəlləsinin 116.2-ci maddəsi baxımından yuxarıda göstərilən işçilər bir müəssisədə işləyib əmək stajını əldə edən işçilərlə qeyri-bərabər vəziyyətə düşmüş olur.
Bax: Əmək məzuniyyəti və vətəndaşın hüquqları
Qanunvericilikdə bu qeyri-bərabərliyi və dolayısilə problemi aradan qaldırmaq məqsədilə KM-nin Plenumu 29.11.2000-ci ildə qərar qəbul etmiş və həmin qərara əsasən,  Əmək Məcəlləsinin 116.2-ci maddəsində əmək stajına görə əlavə məzuniyyət müddətini məhdudlaşdıran «bir müəssisədə» müddəası qüvvədən düşmüş hesab edilmişdir.

Mənbə: www.lawreform.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
21 Noy 2018

Pul vəsaitlərinin uçotdan gizlədilməsinə görə maliyyə sanksiyaları 2 dəfə artırılır

by | posted in: Maliyyə, Xəbər | 0

maliyyə sanksiyalarıVergi ödəyicisinə məxsus pul vəsaitlərinin uçotdan gizlədilməsinə görə maliyyə sanksiyaları artırıla bilər.

“Report” bu barədə Vergi Məcəlləsinə dəyişiklik layihəsinə istinadən xəbər verir.

Təklif olunan dəyişikliyə əsasən, pul vəsaitinin 1 000 manatdan çox olan məbləğdə uçotdan gizlədilməsinə və ya uçota alınmamasına görə – 1 000 manatdan çox olan hissəsinin 10%-i (hazırda 5%-), il ərzində belə hala təkrar yol verdikdə 1 000 manatdan çox olan hissəsinin 20%-i (hazırda 10%-i) miqdarında maliyyə sanksiyası tətbiq edilə bilər.

Bax: Hansı hallarda cəzalana bilərik? (Sanksiyalar və həlləri)

Vergi Məcəlləsinə dəyişiklik layihəsinin 58.8-ci maddəsində qeyd olunur ki, səyyar vergi yoxlaması və operativ vergi nəzarəti zamanı vergi ödəyicisinə məxsus pul vəsaitlərinin uçotdan yayındırılmasına görə, qanunla nəzərdə tutulmuş qaydada gəlirlərin və xərclərin uçotu aparılmadıqda, habelə vergi ödəyicisinin sahibliyində olan malların alışını təsdiq edən elektron qaimə-faktura və ya elektron vergi hesab-faktura , müvafiq icra hakimiyyəti orqanının müəyyən etdiyi qurum tərəfindən təsdiq edilmiş qaydada müyyən edilən hallarda tərtib olunan alış aktları, idxal mallarına münasibətdə odxal gömrük bəyannaməsi, həmin mallar vergi ödəyicisinin özü tərəfoindən istehsal edildikdə isə bu Məcəllənin 130.1-1-ci maddəsi ilə müəyyən edilmiş qaydada tərtib edilən sənədlərdən ən azı biri olmadıqda maliyyə sanksiyası tətbiq edilir.

Bax: Bu ilin 6 ayında sığortaedənlərin penya və maliyyə sanksiyaları üzrə 57 mln. manata yaxın borcu silinib

Məcəllədə deyilir ki, qanunla nəzərdə tutulmuş gəlir və xərclərin uçotu aprılmadıqda alıcıya təqvim ili ərzində belə hala birinci dəfə yol verdikdə sənədlərlə rəsmiləşdirilməyən xərclərin 10%-i, ikinci dəfə yol verdikdə 20%-i, üç və daha çox dəfə yol verdikdə 40%-i miqdarında maliyyə sanksiyası tətbiq edilir.

Mənbə: report.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Mühasibat, Audit və Kadr Xidmətləri üçün linkə daxil olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
21 Noy 2018

Azərbaycan Beynəlxalq Bankı Təcrübəçi axtarır

by | posted in: bank, Maliyyə, Xəbər | 0

Təcrübəçiİri Korporativ Müştərilərin Kreditləşməsi Şöbəsinə maliyyə təhlili üzrə təcrübəçi

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

 Vəzifə öhdəlikləri:

  • Korporativ müştərilərin maliyyə hesabatlarının təhlil olunması;
  • Korporativ müştərilərin biznes fəaliyyətlərinin təhlil olunması;
  • Təhlil zamanı ortaya çıxan qeyri-müəyyənliklərin aradan qaldırılması üçün müştərilərlə görüşlərin keçirilməsi;
  • Korporativ müştərilərin kredit sifarişlərinin təhlil olunaraq Kredit Komitəsinə təqdim olunması.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Vakant vəzifə üzrə tələblər:

  • Mühasibatlıq/Maliyyə/Biznesın idarəedilməsi sahələrində yeni bitimiş gənclərə üstünlük veriləcəkdir;
  • CFA Səviyyəsi üzrə müəyyən bilgilərə sahib olmaq;
  • Azərbaycan və ingilis dillərinin mükəmməl biliyi, rus dilinin biliyi üstünlükdür;
  • MS Office proqramlarından sərbəst istifadə qabiliyyəti;
  • Analatiki bacarıqlar, vaxtın idarəedilməsi və yüksək səviyyədə ünsiyyət bacarığı.

Bu iş sizə nələri qazandıracaq:

  • Bankın kreditləşmə sahəsində  iş proseslərini dərindən öyrənmə imkanları;
  • İdarəetmə və müvafiq sahədə özünüzü reallaşdırmaq imkanları;
  • Təcrübə müddəti sonunda işəqəbul olunma imkanları;
  • Təşkilatların maliyyə analizlərinin aparılması.
Mühasibat, Audit və Kadr Xidmətləri üçün linkə daxil olun

Göstərilən tələblərə cavab verən namizədlər öz CV-lərini  25 noyabr 2018-ci il tarixinədək  / info@finstaff.az elektron ünvanına göndərə bilərlər.

Məktubun mövzu hissəsində müraciət edilən vəzifə adını Təcrübəçi – Maliyyə Təhlili şəklində göstərilməsi xahiş edilir. Əks təqdirdə, müraciətə baxılmaya bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Mənbə: ibar.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

 

21 Noy 2018

Şirkətə məxsus bina dövlət tərəfindən sökülərsə binanın qalıq dəyəri gəlirdən çıxılan xərc kimi nəzərə alınır?

by | posted in: Xəbər | 0

qalıq dəyəriŞirkətə məxsus bina dövlət tərəfindən sökülərsə binanın qalıq dəyəri gəlirdən çıxılan xərc kimi nəzərə alınır?

Sual: Vergi ödəyicisi tərəfindən 2017-ci ildə tikilən bina həmin ilin sonunda müvafiq qurum tərəfindən sökülmüşdür. Həmin binanın tikintisinə 300.000 manat xərc çəkilmişdir. VM-nin 109.1-ci maddəsinə əsasən əsas vəsaitlərin qurulmasına və kapital xarakterli digər xərclər gəlirdən çıxıla bilməz, çünki VM-nin 114-cü maddəsinə əsasən həmin əsas vəsaitin tikintisinə çəkilən xərc sonrakı hesabat illərində amortizasiya ayırmaları şəklində gəlirdən çıxılır. Sualım ondan ibarətdir ki, tikildiyi hesabat ilində sökülən binaya çəkilən xərc, sonrakı hesabat illərində amortizasiya ayırmaları formasında xərcə salınmadığından, həmin hesabat ilində mənfəət vergisi bəyannaməsində gəlirdən çıxılan xərc kimi nəzərə alına bilərmi?

Bax: Ezamiyyə normasından artıq ödənən məbləğ hansı halda gəlir vergisinə cəlb edilir?

Cavab: Bildiririk ki, gəlirdən çıxılmayan xərclərdən başqa gəlirin əldə edilməsi ilə bağlı olan bütün xərclər, həmçinin qanunla nəzərdə tutulmuş icbari ödənişlər gəlirdən çıxılır. Sorğunuzda qeyd olunan halda hər hansısa gəlirin əldə edilmədiyi qənaətinə gəlindiyindən çəkilmiş xərcin də gəlirdən çıxılması nəzərdə tutulmur. Bununa belə, sorğunuzda qeyd olunan məsələnin vergitutma aspektlərinin dolğun və ətraflı cavablandırılmasının təmin edilməsi məqsədi ilə sözügedən əməliyyata dair məlumatı və təsdiqedici sənədləri təqdim etməklə vergi ödəyicilərinə xidmət mərkəzlərinə və ya rəsmi qaydada Vergilər Nazirliyinə müraciət etməyiniz məqsədəmüvafiqdir.

Bax: Vergi Məcəlləsinin 108-ci maddəsi.

Mənbə: taxes.gov.az

Bax: Bəzi vergi ödəyicilərinə gəlir vergisi üzrə güzəştlər ediləcək
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
1 … 2. 064 2. 065 2. 066 2. 067 2. 068 2. 069 2. 070 … 2. 700