Həyatın yığım sığortası üzrə gəlirlilik 2 dəfə azalacaq
Azərbaycanda həyatın sığortasında dəyişiklik gözlənilir. Vergi Məcəlləsinə ediləcək dəyişikliklərə əsasən, bundan sonra həyatın yığım sığortası üzrə gəlirlilik 2 dəfə azalacaq.
Məcəllənin 116.2 maddəsinə təklif edilən dəyişiklikdə həyatın yığım sığortası üzrə sığorta haqqınının yalnız 50%-inin gəlirdən çıxılması nəzərdə tutulur.
Bax: Kassadan təsisçiyə olan borcun ödənilməsində limit tətbiq edilirmi?
Nəticədə 116.2-ci maddənin mətni aşağıdakı kimi olacaq:
116.2. Fiziki şəxsin Azərbaycan Respublikası sığortaçıları ilə 3 ildən az olmayan müddətə bağlanmış və sığorta ödənişinin sığorta müqaviləsinin qüvvəyə mindiyi andan etibarən 3 illik müddət keçdikdən sonra verilməsini nəzərdə tutan həyatın yığım sığortası və pensiya sığortası üzrə bağladığı sığorta müqavilələri əsasında vergiyə cəlb olunan gəlirlərinin 50 faizindən çox olmayan hissəsindən hesablayıb ödədiyi sığorta haqları vergitutma məqsədləri üçün işəgötürən tərəfindən həmin fiziki şəxsin muzdlu işlə əlaqədar alınan gəlirindən çıxılır.
Bunu sadə misalla izah edək. Tutaq ki, vətəndaş həyatının yığım sığortası üzrə 3 il ərzində (belə müqavilələr azı 3 il olmalıdır) sığorta şirkətinə ayda 100 manat olmaqla ümumilikdə 3600 manat ödəyir.
İndiki qaydalara görə, onun sonda qazancı 5400 manat olacaqdı (sığorta ödənişinin vergi və sosial sığorta haqlarından azad olması sayəsində). Yəni vətəndaşın təmiz gəliri 1800 mnat idi. İndi isə bu məbləğ 2 dəfə azalacaq.
Mənbə: fins.az
2019-cu ilin yaşayış minimumu barədə dəyişiklik layihəsi müzakirəyə çıxarılıb
Vəzifə: Mikro kreditlər üzrə təcrübəçi (Bakı, Sumqayıt və region filialları üzrə: Gəncə, Qusar, Bərdə, Şirvan)
2018-ci ilin oktyabr ayı ərzində vergi orqanlarına 11 045 müraciət daxil olub ki, bu da ötən ilin müvafiq dövrü ilə müqayisədə 23,3% çoxdur. Müraciətlərin 90,3%-i ərizə, 9,6%-i şikayət, 0,1%-i isə təklif xarakterli olub, 50 müraciətin icrası xüsusi nəzarətə götürülüb. Müraciətlər müxtəlif arayışların alınması, kameral vergi yoxlamaları, vergi borcları, vergidən yayınma, qanunsuz sahibkarlıq fəaliyyəti, nağd hesablaşmaların aparılması qaydalarının pozulması, vergi qanunvericiliyinin tətbiqi, səyyar vergi yoxlamaları, vergi orqanlarının vəzifəli şəxslərinin hərəkəti (hərəkətsizliyi), operativ vergi nəzarəti, korrupsiya hüquqpozmaları və digər məsələlərlə bağlı olub.