Vergi organlarına keçirilən imtahanda uğur qazananların diqqətinə
Vergilər Nazirliyinin 1 dekabr 2017-ci il və 30 aprel 2018-ci il tarixli elanları əsasında dövlət vergi orqanlarına işə qəbulla əlaqədar keçirilən müsabiqə üzrə uğur qazanmış namizədlər tərəfindən təqdim olunmalı sənədlərin siyahısı
Vergilər Nazirliyinin 1 dekabr 2017-ci il və 30 aprel 2018-ci il tarixli elanları əsasında dövlət vergi orqanlarına işə qəbulla əlaqədar keçirilən müsabiqə üzrə uğur qazanmış namizədlər Vergilər Nazirliyinin 24 iyun 2014-cü il tarixli 1417040100819300 nömrəli əmri ilə təsdiq edilmiş “Dövlət vergi orqanlarına işə qəbulla əlaqədar sənədlərinin toplanması, yoxlanılması, müsabiqənin keçirilməsi, ehtiyat kadrların formalaşdırılması və idarə edilməsi Qaydaları”nın 11-ci bəndinə müvafiq olaraq aşağıda qeyd olunan sənədləri 13-17 avqust 2018-ci il tarixlərdə Vergilər Nazirliyinin inzibati binasına təhvil verilməsini təmin etməlidirlər:
– Şəxsiyyət vəsiqəsinin surəti;
– Tərcümeyi-hal (blank Vergilər Nazirliyi tərəfindən verilir);
– Kadrların şəxsi uçot vərəqəsi (blank Vergilər Nazirliyi tərəfindən verilir);
– 4×6 ölçüdə 2 ədəd, 9×12 ölçüdə 1 ədəd ağ fonda kağız daşıyıcıda və 3×4 elektron daşıyıcıda (kişilər kostyumda və qalstukda) fotoşəkil;
– Ali təhsil barədə diplomun notarial qaydada təsdiq olunmuş surəti (xarici ölkədə təhsil almış namizədlərin diplomları müvafiq qaydada notarifikasiya olunmalıdır);
– Əmək kitabçasının təsdiq olunmuş surəti (son iş yeri barədə qeyd olması şərti ilə) və ya əmək fəaliyyətinin olmadığı haqqında arayış;
– Yaşadığı yerin poliklinkasından sağlamlıq barədə arayış;
– Narkoloji dispanserindən qeydiyyatda olub-olmama barədə arayış;
– Yaşadığı ünvan və ailə tərkibi barədə arayış;
– Nikah və ya boşanma haqqında şəhadətnamənin, uşaqların doğum haqqında şəhadətnamələrin surətləri;
– Hərbi biletin qeyd aparılmış bütün vərəqlərinin surəti.
Qeyd: Kadrların şəxsi uçot vərəqəsi və tərcümeyi-hal blankını 13 avqust 2018-ci il tarixdən etibarən nazirliyin inzibati binasından götürə bilərlər.
Mənbə: taxes.gov.az
Ərəb mənşəli «hesabat» sözünün mənası “hesab” sözünün cəmi olub, verilən tapşırığın yerinə yetirilməsi, görülmüş işin nəticəsi haqqında məsul şəxsə, kollektivə, təşkilata, ictimaiyyətə yazılı şəkildə və ya şifahi verilən rəsmi məlumatdır.
Bu ilin iyul ayı ərzində vergi orqanlarına 7 min 803 müraciət daxil olub ki, bu da ötən ilin müvafiq dövrü ilə müqayisədə 1,9 faiz azdır.
Vergi və gömrük rüsumlarının ödənilməsi