Blog Full

Nazirlər Kabineti kommersiya hüquqi şəxslərin təsisçiləri, nizamnamə kapitalındakı payları və qiymətli kağızların mülkiyyətçiləri barədə məlumatların monitorinq iştirakçılarına verilməsi qaydasında dəyişiklik edib.

Bununla bağlı Baş nazir Əli Əsədov qərar imzalayıb.

Nazirlər Kabinetinin 201 №-li Qərarı “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanunda və “Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin fərmanında edilən dəyişiklik əsasında qəbul edilib.

“Cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” Qanuna edilmiş dəyişikliyə görə “lotereya və idman mərc oyunları təşkilatçıları” sözləri “lotereya təşkilatçıları və idman mərc oyunlarının operatorları” sözləri ilə əvəz edilib

Eyni zamanda, həmin Qanuna əsasən kredit təşkilatlarına, lizinq xidmətləri göstərən hüquqi şəxslərə, investisiya şirkətlərinə, investisiya fondları və bu fondların idarəçilərinə, sığortaçı, təkrarsığortaçı və sığorta vasitəçilərinə, pul vəsaitlərinin köçürülməsi ilə məşğul olan poçt xidməti göstərən müəssisələrə, valyuta mübadiləsi fəaliyyətinə lisenziya almış şəxslərə münasibətdə Mərkəzi Bank, lotereya təşkilatçıları və idman mərc oyunlarının operatorlarına münasibətdə isə İqtisadiyyat Nazirliyi nəzarət orqanı qismində müəyyən olunub.

Qeyd edilənləri nəzərə alaraq Nazirlər Kabinetinin 2018-ci il 433 nömrəli Qərarı ilə təsdiq edilmiş “Kommersiya hüquqi şəxslərin təsisçiləri (iştirakçıları), nizamnamə kapitalındakı payları və qiymətli kağızların mülkiyyətçiləri barədə məlumatların monitorinq iştirakçılarına və monitorinqdə iştirak edən digər şəxslərə verilməsi Qaydası”nın 4.1.1-ci yarımbəndində “lotereya və idman mərc oyunları təşkilatçıları” sözləri “lotereya təşkilatçıları və idman mərc oyunlarının operatorları” sözləri ilə əvəz edilib.

Mənbə: report.az

Azərbaycan Respublikası Nazirlər Kabinetinin “Hüquqi şəxslərin dövlət reyestrinin aparılması, istifadəsi və mühafizəsi Qaydaları”nın, habelə hüquqi şəxslərin dövlət qeydiyyatı və dövlət reyestrinin aparılması ilə bağlı sənədlərin təsdiq edilməsi haqqında” 2005-ci il 13 aprel tarixli 70 nömrəli Qərarında dəyişiklik edilməsi barədə

“Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2021-ci il 3 dekabr tarixli 413-VIQD nömrəli Qanununun tətbiqi və “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2004-cü il 12 aprel tarixli 48 nömrəli Fərmanında dəyişiklik edilməsi haqqında” Azərbaycan Respublikası Prezidentinin 2021-ci il 29 dekabr tarixli 1535 nömrəli Fərmanının 3-cü hissəsinin icrasını təmin etmək məqsədilə Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2005-ci il 13 aprel tarixli 70 nömrəli Qərarı (Azərbaycan Respublikasının Qanunvericilik Toplusu, 2005, No 4, maddə 384, No 9, maddə 868, No 12, maddə 1228; 2006, No 10, maddə 902; 2008, No 9, maddə 853, No 12, maddə 1104; 2010, No 6, maddə 548, No 7, maddə 705; 2011, No 5, maddə 445, No 12, maddə 1248; 2012, No 4, maddə 391, No 5, maddə 491, No 11, maddə 1200; 2014, No 5, maddə 548, No 6, maddə 748, No 9, maddələr 1121, 1122; 2015, No 2, maddə 212; 2016, No 9, maddə 1581; 2017, No 6, maddə 1230, No 10, maddə 1879; 2018, No 7 (II kitab), maddə 1663; 2019, No 4, maddə 764, No 6, maddə 1161, No 12, maddə 2078; Azərbaycan Respublikası Nazirlər Kabinetinin 2022-ci il 16 fevral tarixli 45 nömrəli və 26 fevral tarixli 64 nömrəli qərarları) ilə təsdiq edilmiş “Hüquqi şəxslərin dövlət reyestrinin aparılması, istifadəsi və mühafizəsi Qaydaları”na aşağıdakı məzmunda 6.1-1-ci bənd əlavə edilsin:

“6.1-1. “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikası Qanununun 13.3-1-ci maddəsinə uyğun olaraq kommersiya qurumları və publik hüquqi şəxslər Azərbaycan Respublikasının İqtisadiyyat Nazirliyi yanında Dövlət Vergi Xidmətində dövlət qeydiyyatına alındıqda və ya təsis sənədlərində edilmiş dəyişikliklərin və qeydə alınmış faktların sonrakı dəyişikliyi dövlət qeydiyyatına alındığı gün qeydiyyat sənədləri (dövlət qeydiyyatı haqqında şəhadətnamə, dövlət reyestrindən çıxarış, nizamnamə və ya nizamnaməyə dəyişiklik) hüquqi şəxsin elektron kabinetinə göndərilir.”.

Əli Əsədov Azərbaycan Respublikasının Baş naziri

Bakı şəhəri, 20 may 2022-ci il

Mənbə: nk.gov.az

Vətəndaş qrant müsabiqəsində təlimçi kimi 3 ay fəaliyyət göstərib və müqavilə üzrə 450 manat xidmət haqqı almalıdır. Buna görə ondan elektron qaimə-faktura vermək üçün “ASAN İmza” tələb olunur. “ASAN İmza” olmadan xidmət haqqını almaq mümkündürmü?

Dövlət Vergi Xidmətindən bildirilib ki, Vergi Məcəlləsi ilə müəyyən edilən hallarda işləri görən və xidmətləri göstərən vergi orqanında uçotda olan şəxs elektron qaimə-fakturanı qarşı tərəfə təqdim etməlidir.

Həmçinin, əlavə olunub ki, elektron qaimə-faktura vergi ödəyicisi tərəfindən Azərbaycan Respublikasının İqtisadiyyat Nazirliyi yanında Dövlət Vergi Xidmətinin İnternet Vergi İdarəsinin portalında (bundan sonra – Portal) yaradılmış elektron qaimə-faktura sistemində hazırlanır. Vergi ödəyicisi gücləndirilmiş elektron imza (o cümlədən “Asan İmza”) vasitəsilə Portala daxil olaraq elektron qaimə-fakturanı hazırlayır, təsdiq edir və göndərir.

Bu hallarda Vergi Məcəlləsinin 71-1-ci maddəsi, Nazirlər Kabinetinin-nin 02.02.2021-ci il tarixli 26 nömrəli Qərarı ilə təsdiq edilmiş “Elektron qaimə-fakturanın tətbiqi, uçotu və istifadəsi Qaydaları”na əsaslanmaq tövsiyə olunur.

Mənbə: vergiler.az

Hüquqi şəxsin torpaq vergisi üzrə öhdəlikləri

Biz mühasiblər olaraq daim öyrənməyə və biliklərimizi təkmilləşdirməyə çalışırıq. Burada diqqətəlayiq hesab olunan bir neçə sitat vardır və güman ki, həmin sitatlar sizə də maraqlı gələcək.

• “Axmağı pullarından çox tez ayırmaq olur”.

Oscar Wilde

• “Yaxşı mühasib – həm də yaxşı şairdir. O, şeylərin həqiqi dəyərini qiymətləndirir”.

Robert Frost

• “Siz mühasibat uçotundan baş çıxarmalı və mühasibat uçotunun nüanslarını başa düşməlisiniz. Bu, biznesin dilidir və qeyri-mükəmməl dildir, lakin siz mühasibat uçotunu öyrənmək üçün səy göstərməyə, maliyyə hesabatlarını necə oxumağa və şərh etməyə hazır deyilsinizsə, səhmlərinizi sərbəst şəkildə seçməməlisiniz”.

Warren Buffett

• “Siz mühasibat uçotunu bilməlisiniz. Bu, praktik iş həyatının dilidir. Onu sivilizasiyaya gətirmək faydalı bir iş olub. Eşitmişəm ki, o, sivilizasiyaya vaxtilə Aralıq dənizində böyük ticarət ölkəsi olan Venesiya vasitəsilə gəlib. Lakin ikili mühasibatlıq cəhənnəm ixtirasıdır”.

Charlie Munger

• “Təcrübəmdən bilirəm ki, riyaziyyatda, həm ədədi manipulyasiyalarda, eləcə də onun (mühasibat uçotu) konseptual əsaslarını anlamaqda səriştəlilik, insanın gündəlik maliyyə qərarlarının qəbulu prosesində üstünlük təşkil edən qeyri-müəyyən və keyfiyyətli münasibətləri idarə etmək qabiliyyətini gücləndirir”.

Alan Greenspan

• “Siçovul yarışlarından” çıxmağın yeganə üsulu – həm mühasibat uçotu, həm də investisiya sahəsində ustalığınızı sübut etmək, bəlkə də mənimsəmək üçün ən çətin iki fənn… maliyyə intellektidir –  bu, mühasibat uçotu, sərmayə yatırımı, marketinq və qanunun gücləndirici effektidir. Bu dörd texniki bacarığı birləşdirin, pulların köməyi ilə pul qazanmaq daha asandır”.

Robert Kiyosaki