Muzdlu işçiyə 2025-ci ildə əməkhaqqının hesablanması necə aparılacaq?
Əgər işçinin əmək müqaviləsində onun əməkhaqqısı 1000 manat göstərilibsə, işçi hansı məbləği alacaq?
Qəribə də olsa, ilk baxışda sadə görünən bu sualları təkcə işçilərin deyil, işəgötürənlərin də dilindən eşitmək mümkündür. Bu məsələnin aktuallığı yalnız əmək müqaviləsinin tərəflərinin hüquqi biliklərinin çatışmazlığı ilə bağlı deyil. Əsasən, əməkhaqqının hesablanması, vergi dərəcələri və sosial sığorta tutulmaları ilə bağlı qanunvericilikdə tez-tez baş verən dəyişikliklər bu mövzunu daha da önəmli edir.
2025-ci ildə əməkhaqqının hesablanması qaydası dəyişibmi?
|
Əslində, muzdlu işlə əlaqədar işçiyə ödənilən məbləğ və ondan edilən tutulmalar çox tez-tez dəyişmir. Əsas dəyişikliklər, əsasən, əməkhaqqıdan tutulmalara tətbiq olunan faiz dərəcələri ilə bağlıdır. Məsələn, Azərbaycan Respublikasının Vergi Məcəlləsinə 2019-cu il yanvarın 1-dən qüvvəyə minən dəyişikliklərə əsasən, müəyyən vergi ödəyiciləri üçün 7 il müddətinə vergidən azadolma və güzəştlər tətbiq edilmişdi. Bu güzəştlər 2025-ci ildə əməkhaqqının hesablanmasında da nəzərə alınır.
Güzəşt tətbiq edilən vergi ödəyicilərinin müəyyən olunması meyarları AR Nazirlər Kabinetin uyğun qaydası ilə aparılır (“Neft-qaz sahəsində fəaliyyətin və qeyri-dövlət sektorunun Meyarlarının təsdiq edilməsi haqqında AR NK-nın Qərarı”).
Əslində bu mühasiblər üçün yeni deyil, 2025-ci ildə əməkhaqqının hesablanması alqoritmi əvvəlki illərdə olduğu kimidir, eyni formalı əməkhaqqı cədvəllərindən istifadə edilir.
Qeyd edilən dəyişikliyə görə vergi ödəyiciləri iki kateqoriyaya bölünüb:
- Neft-qaz sahəsində fəaliyyəti olmayan və qeyri-dövlət sektoruna aid edilən vergi ödəyiciləri;
- Neft-qaz sahəsində fəaliyyəti olan və dövlət sektoruna aid edilən vergi ödəyiciləri;
Eyni bölgü meyarları, azadolma və güzəştlər MDSS haqlarının hesablanması zamanı da nəzərə alınır.
“2025-ci ildə əməkhaqqından hansı tutulmalar olacaq?” sualına cavabı eyni adlı məqalədən tapmaq olar.
Aşağıdakı keçidlərdən Exceldə hazırlanmış əməkhaqqı cədvəllərini yükləmək olar:
“2025-ci il üçün neft-qaz sahəsində fəaliyyəti olan və dövlət sektoru üçün əməkhaqqı cədvəli”
