ABŞ-da iqtisadiyyatın xilası üzrə trilyonluq yeni paket hazırlanır

posted in: Xəbər | 0

ABŞ prezidenti Co Baydenin məsləhətçiləri ölkə iqtisadiyyatını üç trilyon dollar dəyərində dəstəkləmək üçün yeni tədbirlər paketi hazırlayır, bu haqda müxtəlif mənbələrə istinadən The New York Times nəşri xəbər verib.

Bundan ötrü korporasiyalar və ən zəngin amerikalılar üçün vergilərin artırılması təklif olunur. İqtisadiyyatın xilas edilməsi planı həmçinin atmosferə atılan karbon emissiyalarının və bərabərsizliyin azaldılması üzrə tədbirləri də nəzərdə tutur. Nəşrin məlumatına görə, sözügedən plan bu həftə ərzində təqdim ediləcək.

Hakimiyyət orqanları pulun ən böyük hissəsini infrastrukturun inkişafına yatırmağı planlaşdırırlar: nəqliyyat sistemi, internet, 5G, enerji sistemləri. Vəsaitlərin bir hissəsi həmçinin vətəndaşların məhsuldarlığını artırmaq üçün onların yenidən hazırlaşdırılmasına yönəldiləcəkdir.

Ağ Evin mətbuat katibi Cen Psaki qəzetin yazdıqlarını şərh edərkən bildirib ki, Bayden əhalinin dəstəklənməsi və ABŞ-da vergitutma sisteminin dəyişdirilməsi istiqamətində bir sıra tədbirləri nəzərdən keçirir. Lakin o, vurğulayıb ki, “iqtisadi sahədə gələcək təkliflər üzrə bu spekulyasiyalar vaxtından əvvəldir və Ağ evdəki fikirlərin gedişatını əks etdirmir”.


TELEGRAM KANALIMIZA ÜZV OLUN


Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Print Friendly, PDF & Email

Leave a Reply

Your email address will not be published. Required fields are marked *