Büdcə müəssisəsinin baş mühasibi vəzifəsindən azad edilən Smolensk sakini, özü ilə pis rəftar etdiklərinə görə həmkarlarından qisas alıb. Smolenskdən olan bu xanım etdiyi əmələ görə məhkəmə qarşısında cavab verməli olub.
Qadın barəsində Rusiya Federasiyası cinayət məcəlləsinin (CM) 272-ci maddəsinin 1-ci hissəsinə (qanunla mühafizə olunan kompüter informasiyasına qanunsuz daxil olmaq, əgər bu əməl kompüter informasiyasının məhvinə, bloklanmasına, dəyişdirilməsinə və ya surətinin çıxarılmasına səbəb olmuşdursa) görə cinayət işi qaldırılıb.
Müəyyən edilmişdir ki, təşkilatın eks-əməkdaşı işdən çıxarıldıqdan sonra kompüterdə saxlanılan təhlükəsiz informasiyaya çıxış üçün qanuni əsaslar olmadan əməliyyat sisteminə daxil olmuş və bir sıra məlumatlara çıxış əldə etmişdir. Qadın, sahibkarın bu fayllarla işləmək üçün əvvəllər ona IP ünvanı verməsindən istifadə edib.
Həmkarına qarşı düşmənçilik hiss edərək, o, məsafədən girişdən istifadə etməklə, qovluqlar arasında maliyyə hesabatı üçün zəruri olan məlumatları olan bir kataloq tapıb və onu məhv edib. Sözügedən məlumatlar müəssisə tərəfindən 3 səviyyəli təhlükəsizlik dərəcəsi ilə qeyd edilibmiş.
“Məhkəmə cinayətin ilk dəfə törədilməsini, iş yeri üzrə müsbət xarakteristikasını, əvvəlki iş yerindən savadlı və ixtisaslı mütəxəssis kimi xarakterizə olunmasını, səhhətini və xroniki xəstəliyinin mövcudluğunu nəzərə alaraq, bunları müttəhimin cəzasını yüngülləşdirici halları kimi tanıyıb. Cəzanı ağırlaşdıran hallar məhkəmə tərəfindən müəyyənləşdirilməyib”, – Sənaye rayonunun məhkəməsindən əldə etdiyi məlumata əsasən bu haqda Smolensk-i.ru saytı xəbər verib.
Məhkəmə, təqsirləndirilən şəxsin qazancından hər ay 10% çıxılmaqla, 10 ay müddətinə islah işlərinə məhkum edib.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
