Oxunma sayı: 137. 469
17 Fev 2021

Bank hesabı necə açılır?

by | posted in: Xəbər | 0

Bank hesabı necə açılır?

Sahibkarlıq fəaliyyətinə başlamağın ilkin şərtlərindən biri də bank hesabı açılmasıdır. Mövzu ilə bağlı maraq doğuran məqamları iqtisadçı ekspert Anar Bayramov şərh edir.

Vergi Məcəlləsinin 35-ci maddəsi bankların vergi ödəyicilərinin uçotu ilə bağlı vəzifələrə həsr olunub. 35.1-ci maddədə göstərilir ki, dövlət qeydiyyatı vergi orqanları tərəfindən aparılan hüquqi şəxslər, habelə xarici kommersiya hüquqi şəxsinin nümayəndəlik və filialları dövlət qeydiyyatına alınması haqqında ərizə ilə birlikdə və ya qeydiyyata alındıqdan sonra istənilən vaxt, digər vergi ödəyiciləri isə uçota alınması haqqında şəhadətnaməni aldıqdan sonra bank idarəsində hesab açmaq üçün vergi orqanına ərizə verir.

Vergi Məcəlləsinin 35.1-ci maddəsinin ikinci cümləsində qeyd edilir ki, vergi orqanı bu ərizə əsasında vergi ödəyicisinə 2 gündən gec olmayaraq şəhadətnamə-dublikat verir. Vergi ödəyicisinə verilən şəhadətnamə-dublikatların sayı məhdudlaşdırılmır və onların hər biri nömrələnir.

Bunu nümunə əsasında ifadə etsək, vergi ödəyicisi bank hesabının açılması ilə bağlı şəhadətnamə-dublikat almaq üçün 23 fevral 2021-ci ildə müraciət edərsə, vergi orqanı şəhadətnamə-dublikatı ona 25 fevral 2021-ci ildən gec olmayaraq təqdim etməlidir.

Təbii ki, həmin günlər istirahət günlərinə təsadüf etdikdə, müddət axımının tələblərinə riayət edilir. Məsələn, 23 oktyabr 2020-ci ildə (cümə günü) bank hesabı ilə bağlı şəhadətnamə-dublikat üçün müraciət etmiş vergi ödəyicisinə vergi orqanından təqdim olunan bildirişdə hesab açılması üçün onun banka müraciət imkanının 27 oktyabr 2020-ci idə yaradıldığının qeyd edilməsinə səbəb 24 və 25 oktyabr 2020-ci il tarixlərinin müvafiq olaraq şənbə və bazar günlərinə təsadüf etməsidir.

Qeyd edək ki, vergi ödəyicisi bank hesabı açmaq üçün şəhadətnamə-dublikata müraciət etdikdə vergi ödəyicisinə vergi orqanı tərəfindən “Bank idarəsində hesab açılması barədə şəhadətnamə-dublikatın alınması üçün ərizənin qəbul edilməsi barədə” bildiriş forması təqdim edilir. Həmin bildirişdə vergi ödəyicisinin banka hansı tarixdən müraciət etməsi haqqında qeyd olur.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

17 Fev 2021

“Kənd təsərrüfatı müəssisələrində işçilərin əmək haqqının normativlərinə dair Tövsiyələr barədə” Qərarda dəyişiklik edilib

by | posted in: Xəbər | 0

Elektron qaimə-fakturanın forması, maliyyə dəstəyi, 190 manat, icbari tibbi sığorta, Kommersiya hüquqi şəxslərin təsisçiləri, karantin rejimi sərtləşdirilir, Gələn ilin bayram günləri, Karantin rejiminin müddəti, Malların ixrac qeydi ilə satışı Qaydası, aztəminatlı azərbaycanlılar, sosial yardım, gömrük güzəştlərinin səmərəliliyinin qiymətləndirilməsi, aqrar sığorta, xüsusi karantin rejimi, Sığortaolunanların fərdi uçotu, Sığortaolunanların fərdi uçotunun aparılması, uyğunluq nişanı, Uyğunluq sertifikatı, Uyğunluq sertifikatının forması, kassa əməliyyatları, Nağd pul vəsaitinin uçotu, Əmək qabiliyyəti, müavinət, Xüsusi karantin rejimi, icbari tibbi sığorta, Dövlət büdcəsi, gömrül rüsumları, gömrük rüsumlarının dərəcələri, Vahid büdcə təsnifatı , Ölkəyə mal gətirilməsi, işçilərin sayı ilə bağlı məhdudiyyət, Karantin rejimi yumşaldılır, Xüsusi karantin rejiminin sərtləşdirilməsi, Sərtləşdirilmiş xüsusi karantin rejimi, Riskli vergi, karantin rejimi yenidən uzadıldı, Sərt karantin rejimi, e-qaimə fakturanın Vahid Forması, E-qaimə faktura, dövlət dəstəyi, Elektron alış aktı, ictimai iaşə, müştəri qəbulu, Xüsusi karantin rejimi, karantin rejimi, 190 manatlıq birdəfəlik ödəmə, Xidməti vəsiqə, işləməyəcək yerlər, Təşkilatlarda çalışanlar, həftəsonu qadağası, həftə sonu qadağası, Vahid büdcə təsnifatı, Kənd təsərrüfatı, təlim, dərslər dayandırıldı, karantin dövrü artırılır, sahibkarlıq subyektləri, Özünüməşğulluğun təşkili, Müavinətlər, karantin rejiminin müddəti uzadıldı, vergi ödəyiciləri, Müvəqqəti vergi rejimi, idxal, digər rayonlara getmək, ƏDV-dən azad, , əmək haqqı, Karantin qaydaları, xüsusi karantin rejimi, sərəncam,işçi qrupların tərkibi, iş yerlərinin standartları, məzuniyyət, tibb müəssisəsinə təhkimolunma, sahibkarlara dəstək, Vergidən azadolunma məqsədləri, Novruz bayramı, İdxal gömrük rüsumları, Koronavirus, təlim-tədris dayandırıldı, gömrük rüsumları, Nazirlər Kabineti, aksiz dərəcələri, məhsul, gömrük güzəştlərinin tətbiqi, vergi, Gömrük rüsumları ,vəsait, nağdsız, qiymətləndirilmə, KOB indeksi, Turizm Reyestri, Publik hüquqi şəxs, Dövlət qulluğuna qəbul, Dövlət qulluğuna qəbul, İcbari tibbi sığorta, yanacaq ehtiyatı, , Vahid büdcə təsnifatı, İcbari tibbi sığorta, hüquqi şəxs, Hüquqi şəxslərin dövlət reyestri, gömrük rüsumu, kvalifikasiya standartının hazırlanması, Peşə, idxal, ixrac,məzuniyyət hesablanması, gömrük rüsumları, idxal, ixrac,İş və istirahət günləri, dövlət reyestrinin aparılması hüquqi“Kənd təsərrüfatı müəssisələrində işçilərin əmək haqqının normativlərinə dair Tövsiyələr barədə” Azərbaycan Respublikası Nazirlər Kabinetinin 2001-ci il 31 may tarixli 109 nömrəli Qərarında dəyişiklik edilməsi haqqında

Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq, Azərbaycan Respublikasının Nazirlər Kabineti qərara alır:

Azərbaycan Respublikası Nazirlər Kabinetinin 2001-ci il 31 may tarixli 109 nömrəli Qərarına (Azərbaycan Respublikasının Qanunvericilik Toplusu, 2001, № 5, maddə 359; 2005, № 11, maddə 1061; 2009, № 10, maddə 857) əlavə – “Kənd təsərrüfatı müəssisələrində işçilərin əmək haqqının normativlərinə dair Tövsiyələr”in 2.7-ci bəndinin ikinci abzası aşağıdakı redaksiyada verilsin:

“İşçinin razılığı ilə əmək haqqının 20 faizə qədəri mütənasib dəyərli natura formasında müəssisədə istehsal edilən istehlak malları ilə, lakin alkoqollu içkilər, 18 yaşına çatmamış işçilərə energetik içkilər, habelə tütün məmulatları, narkotik vasitələr, psixotrop maddələr və mülki dövriyyədə olmasına yol verilməyən (mülki dövriyyəsi məhdudlaşdırılmış) digər əşyalar istisna olunmaqla, digər məişətdə işlədilən gündəlik tələbat malları ilə əvəz edilib verilə bilər.”.

Əli Əsədov
Azərbaycan Respublikasının Baş naziri

Bakı şəhəri, 13 fevral 2021-ci il

Mənbə: nk.gov.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

16 Fev 2021

Azərbaycan və Yaponiya ikiqat vergitutmanı aradan qaldırır

by | posted in: Xəbər | 0

Dövlət Vergi Xidməti, vergi sistemi, DVX, vergi xidməti, peşə bayramı,işə qəbul, DTA-03 ərizə forması, DTA-05 ərizə forması, ərizə formaları, Müvəqqəti vergi rejimi, Sosial sığorta haqqı, Nəqliyyat vasitələrinin fəaliyyəti, Vergi Xidməti, Vergi bəyannamələri, icarə müqaviləsi, Obyekt kodu, İcarə müqaviləsi, sərəncam, sahibkar, onlayn növbə, Könüllü vergi ödəyicisi, Bəyannamələrin elektron forması, Vergi güzəştləri, bəyannamə formaları, Fərdi sahibkarlar, maliyyə dəstəyi, ƏDV-nin qaytarılması, Riskli vergi ödəyiciləri, elektron alış aktı, alış aktları, Vergi ödəyicilərinin qəbulu, qeyri-rezident, ödənilmiş vergilər, vergi hesabatları, vergi hesabatlarının vaxtıSon illər ikiqat vergitutmanın aradan qaldırılmasını nəzərdə tutan sazişlər şəbəkəsi əhəmiyyətli dərəcədə genişlənib.

Bu barədə İqtisadiyyat Nazirliyi yanında Dövlət Vergi Xidmətinin açıqlamasında bildirilir.

Məlumatda həmçinin deyilir ki, Azərbaycanın imzaladığı 55 sazişdən 54-ü artıq qüvvəyə minib, qalan 1 saziş isə müvafiq prosedurlar tamamlandıqdan sonra qüvvəyə minəcək. Azərbaycanın beynəlxalq aləmdə artan nüfuzu, iqtisadi və ticarət əlaqələrinin sürətlə genişlənməsi mövcud sazişlər şəbəkəsinin daha da genişləndirilməsini və yeni tərəfdaşları əhatə etməsini obyektiv zərurətə çevirir. Hazırda bu istiqamətdə sistemli iş aparılır.

Qüvvədə olan sazişlərdən biri Azərbaycan və Yaponiyanın Xarici İşlər Nazirlikləri arasında 2005-ci il mayın 30-da mübadilə edilmiş, ölkəmizin 1 aprel 2008-ci il tarixli qanunu ilə təsdiq edilmiş notalara müvafiq olaraq Yaponiya ilə SSRİ arasında ikiqat vergitutmanın aradan qaldırılması haqqında Konvensiyadır. Sənəd Azərbaycan və Yaponiya arasında ikitərəfli münasibətlərdə tətbiq edilir.

SSRİ ilə Yaponiya arasında ikiqat vergitutmanın aradan qaldırılması haqqında Konvensiyanın 18 yanvar 1986-cı ildə imzalandığını və həmin tarixdən bu günə qədər beynəlxalq vergitutmada əhəmiyyətli dəyişikliklərin baş verdiyini nəzərə alaraq, Azərbaycanın gəlirə və əmlaka münasibətdə ikiqat vergitutmanın aradan qaldırılması haqqında nümunəvi Konvensiya layihəsi Yaponiya tərəfinə diplomatik kanallar vasitəsilə hələ 2019-cu ildə təqdim olunmuşdu.

Ölkələrimiz arasında yeni Konvensiyanın bağlanması həm Yaponiya, həm də Azərbaycan sərmayəçilərinə əlverişli şəraitin yaradılması, xarici iqtisadi fəaliyyətin təşviqi baxımından böyük əhəmiyyət kəsb edəcək. Eyni zamanda, Konvensiya layihəsi hər iki ölkənin vergi orqanları arasında vergilərdən yayınmanın qarşısının alınması sahəsində əməkdaşlıq və məlumat mübadiləsinin təşkil edilməsini təmin edəcək.

Yaponiya tərəfi Azərbaycanın bu təklifini yüksək qiymətləndirib və Konvensiya layihəsi üzrə müzakirələrin aparılması üçün hər iki ölkənin səlahiyyətli qurumlarının ekspertləri arasında görüşün təşkil olunmasını məqbul hesab edilib.

Fevralın 1-ci ongünlüyündə Dövlət Vergi Xidmətinin ekspertləri ilə Yaponiyanın Maliyyə Nazirliyinin ekspertləri arasında video konfrans vasitəsilə görüş təşkil olunub və Konvensiya layihəsi üzrə müzakirələr aparılıb. Qarşılıqlı anlaşılma mühitində keçən danışıqlarda Konvensiyanın əsas müddəaları müzakirə edilib. Konvensiya layihəsi üzərində iş davam edəcək.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

16 Fev 2021

Rusiyada mühasib peşəsi (II hissə)

by | posted in: muhasibat, Xəbər | 0

Rusiyada mühasib peşəsi (II hissə)

I hissəyə nəzər yetirmək üçün keçidə daxil olun

buğda ixracı vergisi, vergi güzəştləri, vergi qanunu, minimum maaş, yoxsulluq həddi, bank əmanətləri, itki, Rusiya iqtisadiyyatının itkiləri,
Peşəkar fəaliyyət sahələri üzrə mühasibat işinin ixtisaslaşması fərqlənir:
  • maliyyə uçotu;
  • idarəetmə uçotu;
  • vergi uçotu;
  • büdcə uçotu;
  • bank uçotu;
  • auditor fəaliyyəti;
  • pedaqoji və elmi-tədqiqat uçot fəaliyyəti.

İdarəetmə uçotu. İdarəetmə uçotu üzrə mühasib də ali iqtisadi təhsilə malik olmalıdır. İdarəetmə uçotu üzrə mühasibin vəzifəsi təşkilatın rəhbərliyini idarəetmə qərarlarının qəbul edilməsi üçün zəruri olan məlumatlarla təmin etməkdir. Təşkilatın səmərəli fəaliyyəti və oğurluqların qarşısını almaq üçün mühasib, gəlir və xərclərin planlaşdırılmasında, smetaların tərtib edilməsində və xərclərin nəzarətində iştirak edir. Onun vəzifələrinə sənədlərin düzgün aparılmasına və daxili hesabatların hazırlanmasına nəzarət daxildir.

Vergi uçotu. Vergi uçotu üzrə mühasib Vergi Məcəlləsinin tələblərinə uyğun olaraq vergi ödənişlərinin hesablanması və vergi hesabatlarının hazırlanması məqsədi ilə gəlirlərin, xərclərin və vergitutma obyektlərinin uçotunun aparılmasını təşkil edir. Vergi uçotunu aparan mühasib vergi orqanlarına vergilərin hesablanması üçün zəruri olan sənədləri təqdim edir. Həmçinin vergi orqanlarının vergi tutulması və vergi uçotunun təşkili məsələləri üzrə qanuni tələblərini yerinə yetirir. Vergi uçotu üzrə mühasib də ali iqtisadi təhsilə malik olmalıdır.

Maliyyə, idarəetmə və vergi uçotu üzrə baş mühasiblər və mühasiblər peşəkar səriştəliyi yüksəltmək və peşəkar mühasibin ixtisas diplomunun alınması üçün attestasiyadan keçməklə hazırlıqlarını təsdiq etməlidirlər.

Büdcə uçotu. Büdcədən maliyyələşdirilən təşkilatlarda, həmçinin maliyyə orqanlarında işləyən mühasiblər büdcə uçotunda ixtisaslaşırlar ki, bu da bir tərəfdən mühasibat uçotu sisteminin bir hissəsidir. Digər tərəfdən isə xüsusi normativ bazanın olması ilə səciyyələnir. Büdcə uçotunun inkişafının müasir mərhələsi onun iki ənənəvi bölməsinin (büdcənin icrasının və büdcə müəssisələrinin özündə uçotun aparılması) birləşdirilməsini və vahid hesab planına keçidi nəzərdə tutur. Büdcə uçotu məlumatlarına əsasən, deməli, hər bir büdcə müəssisəsində uçot əsasında dövlət balansı formalaşacaq. Bu, informasiyanı daxili və xarici istifadəçilərə keyfiyyətcə yeni əsasda təqdim etməyə imkan verəcək.

Bank uçotu. Bank və digər maliyyə-kredit təşkilatlarının fəaliyyətinin spesifikası uçotun aparılması və hesabatın formalaşdırılması üçün müvafiq qaydaların yaradılmasını müəyyən etmişdir. İqtisadi əməliyyatların ikili qeydiyyat prinsipinə baxmayaraq, banklar mühasibat uçotunun öz normativ bazasını rəhbər tuturlar ki, bu da bank uçotunu peşəkar mühasibat fəaliyyətinin müstəqil sahəsinə ayırmağa imkan verir.

Auditor fəaliyyəti. İqtisadi inkişaf zamanı mühasibat uçotunun və təşkilatların maliyyə hesabatlarının müstəqil yoxlanmasına yönəlmiş sahibkarlıq fəaliyyəti uçot peşə fəaliyyətindən ayrılmışdır. Bu fəaliyyət auditorluq adlanır. Auditorluq fəaliyyəti ilə məşğul olmaq üçün mütəxəssis ali iqtisadi təhsillə yanaşı, auditorun ixtisas attestatına da malik olmalı və auditorların özünü tənzimləyən peşəkar təşkilatı olan ictimai birliyə üzv olmalıdır.

Pedoqoji və elmi-tədqiqat fəaliyyəti. Uçot kadrlarının hazırlanması zərurəti pedaqoji uçot fəaliyyətinin müstəqil peşə sahəsinə ayrılmasını müəyyən etmişdir. Rusiyada artıq müxtəlif təhsil müəssisələrində mühasiblərin hazırlanması üzrə fundamental məktəblər yaranmışdır. Bir çox ali məktəblər mühasiblər hazırlayır, konkret sahələrin və regionların tələbatını təmin edir. Bir çox ali məktəblər mühasiblər hazırlayır, konkret sahələrin və regionların tələbatını təmin edir.

Gələcək mühasiblərin tədrisi ilə məşğul olan müəllim yüksək ixtisasa, iqtisad elmləri namizədi və ya iqtisad elmləri doktoru dərəcəsinə malik olmalıdır və elmi-tədqiqat və praktiki fəaliyyətdə iştirak etməlidir. Mühasib-pedaqoq tələbəyə normativ sənədlərlə, xüsusi ədəbiyyatla və uçot işi bacarıqları ilə işləməyi, öz biliklərini təcrübədə tətbiq etməyi öyrətməlidir. Mühasibat uçotu iqtisadi elmdir ki, bu da həmin sahədə elmi-tədqiqat fəaliyyətinin ayrılmasını müəyyən edir. Bu gün bir çox iqtisadçı alimlər iqtisad elminin müstəqil sahəsi kimi mühasibat uçotunun nəzəriyyəsi və metodologiyası məsələləri ilə məşğul olur.

III hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 1. 010 1. 011 1. 012 1. 013 1. 014 1. 015 1. 016 … 2. 683