Blog Full

Karantin rejiminin müddəti uzadıldı

Hazırda dünyada yeni növ koronavirus (COVID-19) infeksiyasına yüksək yoluxma dinamikası müşahidə olunmaqdadır. Bu səbəbdən virusun geniş yayılmasının qarşısının alınması üzrə müvafiq tədbirlər həyata keçirilir, bir çox ölkələr sərt karantin qaydaları tətbiq edir.

Azərbaycan Respublikası Nazirlər Kabineti yanında Operativ Qərargahdan “Report”a bildirilib ki, Azərbaycanda virusun yayılmasının və onun törədə biləcəyi fəsadların qarşısının alınması məqsədilə ölkə ərazisində xüsusi karantin rejiminin müddəti 2020-ci il 28 dekabr saat 06:00-dək uzadılır:

Bununla belə, son günlərdə COVID-19 virusuna yüksək yoluxma dinamikası qeydə alındığından, aşağıdakı qadağaların tətbiq edilməsinə qərar verilib:

Sərt karantin rejimi tətbiq edilən Şəki, Lənkəran şəhərləri, Qax, Zaqatala, Biləsuvar, Cəlilabad, Masallı, İsmayıllı, Quba, Xaçmaz rayonlarında bu tədbirlərin müddəti 2020-ci il 7 dekabr saat 06:00-dək uzadılır;

Bakı Metropolitenində sərnişindaşımanın fəaliyyətinə tətbiq olunan məhdudiyyət 2020-ci il 28 dekabr saat 06:00-dək uzadılır;

2020-ci il 21 noyabr saat 00:00-dan 28 dekabr saat 06:00-dək bütün ölkə ərazisində şənbə və bazar günləri ictimai nəqliyyatın fəaliyyəti dayandırılır;

2020-ci il 21 noyabr saat 00:00-dan 28 dekabr saat 06:00-dək şənbə və bazar günləri həyati əhəmiyyət kəsb edən fəaliyyət növləri, o cümlədən aptek və ərzaq mağazaları istisna olmaqla digər bütün sahələr üzrə yerində xidmətlər dayandırılır;

2020-ci il 21 noyabr tarixindən etibarən xüsusi karantin rejiminin qüvvədə olduğu müddətdə ölkə üzrə bütün qapalı və açıq məkanlarda müvafiq qaydada tibbi maskalardan istifadə məcburi hesab olunur. Maskalardan istifadə qaydalarına nəzarət rejimi daha da sərtləşdirilir.

Xatırladaq ki, müvafiq yerlərdə tibbi maskadan istifadə olunmaması və ya tələb olunan normalara uyğun taxılmaması qanunla müəyyən edilmiş qaydada məsuliyyət yaradır.

Dünyadakı, o cümlədən Azərbaycandakı mövcud sanitar-epidemioloji vəziyyəti nəzərə alaraq yüksək risk qrupuna daxil olan yaşı 65-dən yuxarı şəxslərin zərurət yaranmadan yaşayış yerlərini tərk etməmələri tövsiyə olunur.

Həmçinin özəl sektorda və digər sahələrdə fəaliyyət göstərən qurum və təşkilatlara da işçilərin say həddinin 30 faizədək azaldılması və digər əməkdaşların məsafədən iş rejiminə keçirilməsi tövsiyə edilir.

Bir daha bütün şəxsləri COVID-19 virusu ilə mübarizədə mövcud karantin tələblərinə ciddi riayət etməyə, zərurət olmadıqda kənar şəxslərlə təmaslardan yayınmağa, qapalı və açıq məkanlarda sosial məsafəyə əməl etməyə çağırırıq.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

“Kaspersky” şirkəti dünya üzrə kiçik və orta sahibkarlıq işçilərinin dörddə üçünün (74 %) pandemiya bitdikdən sonra adəti iş prosesinə qayıtmağa hazır olmadığını aşkarlayıb.

“Report” bu barədə şirkətə istinadən xəbər verir.

Məlumata görə, uzaqdan işə keçid nəticəsində insanlar üçün bundan sonra da əldə saxlamaq istədikləri imkanlar yaranıb: yaxınlarla daha çox vaxt keçirmək (47 %), pula qənaət (41 %) və hər yerdən işləməyin mümkünlüyü (32 %). Bunlar “Kaspersky” tərəfindən 2020-ci ilin oktyabrında aparılan “Pandemiya sonrası iş: o necə təşkil ediləcək” adlı yeni bir araşdırmanın təqdim etdiyi məlumatlardır.

Sorğu göstərib ki, insanlar əvvəlcədən mövcud olan məhdudiyyətlərdən uzaqlaşır və öz mənafelərinin ön planda olduğu daha çevik şəraitdə işləmək istəyirlər. Beləliklə, respondentlərin təxminən üçdə biri əvvəllər qəbul edilmiş bu və ya digər qaydalara qayıtmaq istəmirlər. Məsələn, 39 % respondent səkkiz saatlıq iş qrafikində yenidən işləməyə hazır deyil, 34 %-i ofisə, 32 %-i isə beş günlük iş həftəsinə bağlı olmaq istəmir.

Hər üç nəfərdən biri (32 %) pandemiya bitdikdən sonra uzaqdan işə davam etmək istəyir. İşçilər işəgötürənlərdən, xüsusilə texnologiyanın istifadəsi ilə bağlı dəstək gözləyirlər – sorğu iştirakçılarının 38 %-i bu barədə məlumat verib. Onların rəylərinə görə, daha məhsuldar, təhlükəsiz olmaq və eyni zamanda daima əlaqə saxlaya bilmək üçün lazımi avadanlıqların, alətlərin və texniki dəstəyin əlverişliliyi mühüm əhəmiyyət kəsb edir.

“Pandemiya insanların bir çox proseslərə baxışlarını, iş həyatı və ev mühitin anlamlarını dəyişib. Təcrid zamanı əldə edilən daha böyük vaxt sərbəstliyi bir çox adi və rəhbər işçinin iş prosesinə yeni bucaqdan baxmasına imkan verib,” “Kaspersky”nin Azərbaycandakı rəsmi nümayəndəsi Müşviq Məmmədov deyib.

“Yəqin ki, ev ofisləri həyatımızda hələ uzun müddət qalacaq. Buna görə də, işçilər informasiya təhlükəsizliyi məsələləri də daxil olmaqla, bir çox müstəqil və operativ qərarlar qəbul etməli olacaqlar. Bu, şirkətlərin kiber təhlükəsizliyindən məsul mütəxəssislərin nəzərə alması vacib olan potensial riskləri daşıya bilər”, – o deyib.

Çevik rejimdə işləyən işçiləri qorumaq üçün “Kaspersky” şirkətlərə bir sıra tövsiyə edib.

İş məlumatlarını və cihazlarını həm də parol, şifrə və ehtiyat nüsxə vasitəsilə qorumaq, işçilərin ofis daxilində və xaricində iş tapşırıqlarını yerinə yetirmək üçün istifadə etdikləri istənilən cihazın təhlükəsizliyini təmin etmək lazımdır. Bunun üçün Kaspersky Endpoint Security Cloud kimi bir həlldən istifadə edilə bilər.

Qeyd edək ki, “Pandemiya sonrası iş: o necə təşkil ediləcək” adlı araşdırma “Censuswide” agentliyi tərəfindən xüsusi olaraq “Kaspersky” üçün aparılıb. Anketdə Braziliya, Belçika, Çin, Fransa, Almaniya, İtaliya, Yaponiya, Lüksemburq, Malayziya, Meksika, Hollandiya, Rusiya, İspaniya, Cənubi Afrika, Türkiyə , BƏƏ, İngiltərə və ABŞ-da fəaliyyət göstərən və işçi heyəti 250 nəfəri keçməyən şirkətlərin 8 min əməkdaşı iştirak edib.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun