Müxtəlif ölkələrdə orijinal müasir vergilər (II hissə)
Müxtəlif ölkələrdə orijinal vergilər (II hissə)
Hava, yağış, qeyri-formal münasibətlər və qəbirüstünə tətbiq edilən vergilər…
Vergi orqanlarının büdcə kassasını artırmaq, potensial mənfəətin yeni mənbələrini axtarmaq üçün yanaşmasının nə qədər yaradıcı ola biləcəyinə baxın. Ən qeyri-adi və bəzən çox ekzotik vergiləri aşkara çıxarmaq üçün dünyanın müxtəlif ölkələrinin vergi qanunlarını araşdırdıq.
- Sülhə görə vergi. Qvineya ərazisində artıq çox da hərbi əməliyyatların getməməsinə baxmayaraq, bu kasıb ölkənin sakinləri sülhə görə vergi ödəməyə borcludurlar. Qvineya sakinlərinin əksəriyyətinin kasıblıq həddindən aşağı səviyyədə yaşamasını, kofenin bir kiloqramının qiymətinin isə cəmi yarım avro təşkil etməsini nəzərə alsaq, bu vergi növünün illik kvotası 17 avro ölçüsündədir ki, bu da onlardan ötrü çox ağır bir yük hesab olunur.
- İtlərə görə vergi. Bu vergi növü hələ 2008-ci ilin əvvəlində ləğv edilib. Lakin üstündən bir neçə il keçdikdən sonra Krakov şəhərindən olan məmurlar yenidən insanların bu dördayaqlı dostlarının vergiyə cəlb olunması ideyasına qayıdıblar. Beləliklə, Krakovda itlərə görə vergi tətbiq edilib və həmin vergi il ərzində təxminən 10 dollar təşkil edir.
-
Ölümdən sonrakı vergi… Xoşbəxtlikdən belə bir vergi ölülərə deyil, dirilərə aiddir. Qərbi Almaniyanın Essen şəhərinin hakimiyyət dairələri vəfat etmiş yaxınlarının qəbirləri üstünə qoymaq üçün güllər və əklillər alan şəxsləri vergiyə cəlb etmək barədə qərar qəbul ediblər. “Grabschmucksteuer” adlanan vergini əklil və güllərin satışı ilə məşğul olan satıcılar ödəməlidirlər. Hamıya məlumdur ki, həmin vergi malın qiymətinə əlavə olunur. Buna baxmayaraq, yenə də sözügedən vergi növü tətbiq olunub və qəbirüstü üçün satılan gül və əklillərin tutduğu hər kv.metr yerə görə həmin vergi 3,8 avro təşkil edir.
- Almaniyada da çox maraqlı, hətta belə demək mümkünsə qəribə bir vergi sisteminin olduğunu söyləmək olar. Belə ki, alman milli yeməyi hesab edilən qızardılmış kolbasa dilimləri müxtəlif ƏDV tariflərinə məruz qala bilər – bu onu harada və necə … ayaqüstə dayanaraq və ya oturaraq həzm-rabedən keçirməyinizə bağlıdır. Belə ki, kolbasanı ayaqüstə yeyirsinizsə – ƏDV 7 faizdən, oturaq vəziyyətdə bunu edirsinizsə – 19 faizdən hesablanır. Bax, Avropada bu cür kolbasa qeyri-bərabərliyi də var imiş.
Oktyabrın 21-də İqtisadiyyat Nazirliyinin sahibkarlıq subyektlərində (ictimai iaşə və turizm obyektləri istisna olmaqla) keçirdiyi monitorinqlər zamanı Binəqədi rayonunda “Rəvan market”də, “Gilan alçipan satışı” ticarət obyektində, Yasamal rayonunda Qoşqar Əliyevə məxsus telefon aksessuarları satışı mağazasında, Gülnara İsrafilovaya məxsus gözəllik salonunda, Sabunçu rayonunda “Bakıxanov mall” ticarət obyektində,
Dəyərli oxucular, bu yazımızı bir az gündəmdən uzaqlaşmaq üçün fərqli istiqamətdə yönəltdik. Bu dəfə avtonəqliyyat vasitəsi sahiblərinin mülki məsuliyyətinin icbari sığortası (hamıya avto icbari kimi məlum olan) növü üzrə sığorta haqlarının hansı meyarlara əsasən müəyyən edilməsi barədə məlumat verəcəyik. Mövzuya keçməzdən əvvəl xatırlatmaq mümkündür ki, bu sığorta növü üzrə sığorta şirkəti (sığortaçı) sığorta təminatı verdiyi avtonəqliyyat vasitəsini qanuni əsaslarla idarə edən şəxsin nəqliyyat vasitəsini istismar edərkən başqasının (özü və ailə üzvləri istisna olmaqla) sağlamlığı və ya əmlakına vurduğu zərəri ödəmək öhdəliyini daşıyır. Bu sığorta növü üzrə sığorta haqqı 1 illik və birdəfəlik ödənilir.
Mühasibat uçotunun informasiya və psixoloji aspektlərinə nəzər salarkən, Rossi hesabdarlığı və hesabşünaslığın “cəmiyyətin iqtisadi maraqlarının mühafizəçiləri kimi çıxış etdiyini, təhlükələrin və onların aradan qaldırılması üsullarının olduğunu, sui-istifadələri ifşa etdiyini, onların qarşısının alınması və qarşısının alınması vasitələrini diktə etdiyini” göstərirdi. Rossinin fikrincə, şəxslərin iqtisadi maraqları təsərrüfat əməliyyatlarında kəsişir. Bu əməliyyatları mühasibat uçotu predmeti hesab edirdi və üç qrupa təsnif etmişdi: