Hüquqi şəxs və sahibkar fiziki şəxslərin əmlakla bağlı icbari məsuliyyət sığortası
Hüquqi şəxslərin və sahibkarlıq fəaliyyəti ilə məşğul olan fiziki şəxslərin hamıya məlum olan daşınmaz əmlakının icbari sığortası müqaviləsini bağlamaq öhdəliyi ilə yanaşı daha bir icbari sığorta öhdəlikləri var. Bu sığorta növü həmin əmlakın istismarı zamanı üçüncü şəxslərə dəyən zərəri qarşılayacaq. Bu sığorta növü üzrə həm sağlamlığa, həm də əmlaka dəyən zərərə görə kompensasiya – sığorta ödənişi verilməsi nəzərdə tutulur.
Daşınmaz əmlakın istismar edilməsi, o cümlədən onun ərazisində inşaat, təmir, yenidənqurma və ya digər işlərin aparılması nəticəsində aşağıdakı hadisələr baş verərsə və üçüncü şəxslərə zərər dəyərsə, sığorta şirkəti ödəniş verməlidir:
1) elektrik və ya qaz cihazlarından istifadə nəticəsində yaranan yanğın, yaxud belə yanğının qarşısının alınması üçün görülən tədbirlərin nəticələri;
2) qaz partlayışı;
3) elektrik naqillərində baş verən qısa qapanma;
4) su, istilik və kanalizasiya xətlərində baş verən qəza nəticəsində subasma;
5) hər hansı predmetin və ya onun hissələrinin düşməsi, atılması, dəyməsi, dağılması, axıdılması və digər bu kimi formalarda təsiri
Bu icbari sığorta növü sahibliyində daşınmaz əmlak olan hüquqi şəxslər və sahibkarlıq fəaliyyəti ilə məşğul olan fiziki şəxslərin mülki məsuliyyətini sığortalayır.
İstismarı, o cümlədən ərazisində inşaat, təmir, yenidənqurma və ya digər işlərin aparılması ilə bağlı sahibinin mülki məsuliyyəti sığortalanmış əmlakı qanuni əsaslarla istifadə edən və ya onun ərazisində belə əsaslarla fəaliyyət göstərən istənilən şəxs üçüncü şəxslər qarşısında mülki məsuliyyətinə görə əmlak mənafeyi sığortalanmış şəxs hesab edilir.
Göstərilən hadisələr nıticəsində bir fiziki şəxsin sağlamlığına görə 5000, ümumilikdə sağlamlıqla bağlı 50000 manat, əmlaka dəyən zərərə görə isə 50000 manat həcmində sığorta məbləği (sığortaçının maksimal öhdəliyi) müəyyən edilib.
Mövzu çərçivəsində qeyd edək ki, bu sığorta növü iri ticarət mərkəzlərinin (Mall, bazar və digər) ərazisində baş verəcək hadisələrdən üçüncü şəxslərin (əmlakını sığortalayan və ya fiziki şəxsdirsə, ailə üzvləri istisna olmaqla, digər şəxslər) zərərini kompensasiya etmək məqsədi daşıyır.
Yekunda isə qeyd edək ki, bu sığorta növünü aparmamağa görə fiziki şəxslər 30 manat, vəzifəli şəxslər 80 manat, hüquqi şəxslər 200 manat məbləğində cərimə edilir.
Müəllif: Praktiki Hüquqşünas / Şəhriyar Həbilov
Bax:
-
İçkili olmağın fəsadları (müxtəlif sahələr üzrə)
-
Kredit götürərkən sığortalanmağın faydaları
-
İş vaxtı (Normalar, tələblər, yeniliklər)
-
Pul növündə inzibati cərimə (məbləğlər, tutulma qaydası və gecikdirmə)
Hər il iş yerlərində yüzlərlə insan peşə fəaliyyətini yerinə yetirərkən bədbəxt hadisələrlə üzləşir. Baş verən risklər işçilərin sağlamlığına zərər yetirməklə yanaşı, hətta ölüm halları ilə də nəticələnir. Bu isə işəgötürlənlərin işçilər qarşısında məsuliyyətinin yaranmasına gətirib çıxarır. Bu gün çox sayda peşə yüksək risk ehtiva edir. Lakin yüksək təhlükə təşkil edən bu peşələr üzrə fəaliyyət göstərən bəzi müəssisələrdə müəyyən edilmiş təhlükəsizlik tədbirləri görülmür. Bu isə hadisə baş verdiyi zaman onun fəlakətlə nəticələnməsinə səbəb olur. Nəticədə sığorta halı yaranmış olur.
Texnologiyanın inkişafı ilə, bəzi peşələr köhnəlir və ya yox olur və onları aktual olanlar əvəz edirlər. Artıq telefonçu, katib-maşinist, buzqıran, fənərçi kimi peşələr yoxdur. Peşə aləmini gələcəkdə nələr gözləyir? Biz yaxın 15-20 il ərzində tələb olunacaq sahələr və gələcəyin peşələri ilə bağlı almanax – “Yeni peşələrin atlası”na diqqət yetirmişik. Atlasın tərtibçilərinin fikrincə, 2030-cu ilə qədər yoxa çıxacaq peşələr haqqında danışmağa hazırıq.
Rusiya hökuməti ölkədə minimum maaşların saathesabı tətbiq olunmasını təklif edib. Bu məsələnin müzakirəsi haqqında bənd Nazirlər Kabineti, işəgötürənlər və həmkarlar ittifaqları arasında 2021-2023-cü illər üçün baş saziş layihəsinə dair təkliflərə daxil edilib. Sözügedən məsələ barəsində “İzvestiya” qəzeti xəbər verib.