Blog Full - Muhasibat.Az

Oxunma sayı: 131. 620

12 İyn 2020

Vakansiya: Maliyyə analizi üzrə baş mütəxəssis – Azersun Holding

by | posted in: İş elanı, Maliyyə, Vakansiya, Xəbər | 1

Vakansiya: Maliyyə analizi üzrə baş mütəxəssis.

İşəgötürən: Azersun Holding.

Şəhər: Bakı
Yaş: 18 – 18 yaş
Cins: Fərqi yoxdur
Təhsil: Ali
İş təcrübəsi: 3 ildən 5 ilə qədər
Əlaqədar şəxs: HR
E-mail: /
Əmək haqqı: Razılaşma əsasında.

Vakansiya barədə məlumat:

Maliyyə cədvəllərinin hazırlanması;
Pərakəndə müəssisələrdən gələcək olan raportlara əsasən data analizi aparılması;
Maliyyə ehtiyatlarının və maliyyə xərclərinin analiz edilməsi;
Maliyyə cədvəlləri vasitəsilə layihə mənfəətinə təsir edən amillərin qarşısının alınması;
Maliyyə ehtiyatlarının yetərli olub-olmamadığını müəyyən etmək üçün maliyyə nisbətlərin hesablanması;
Maliyyə riskinin müəyyən edilməsi.

Namizədə tələblər:

Tam ali iqtisadi təhsil (mühasibatlıq və ya maliyyə ixtisası üzrə, magistr dərəcəsi olması arzuolunandır);
Aidiyyatı sahə üzrə minimum 3 illik iş təcrübəsi;
Peşəkar səviyyədə Microsoft office proqramlarını (xüsusilə Excel) bilməli;
Yüksək analitik qabiliyyət və problem həll etmə bacarığı;
Ezamiyyətlərə hazır olmalı (ölkədaxili və ölkəxarici);
Rus və İngilis dillərini yaxşı səviyyədə bilməli;
Beynəlxalq mühasibatlıqla bağlı olan sertifikatların (ACCA F3, F7) olması əlavə üstünlükdür .

Göstərilən tələblərə cavab verən namizədlər öz CV–lərini / elektron ünvanına mövzu hissəsində vəzifənin adı Maliyyə analizi üzrə baş mütəxəssis qeyd etməklə göndərə bilərlər.

Mənbə: finstaff.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

12 İyn 2020

Maliyyə hesabatlarının şəffaflaşmasında məcburi auditin rolu

by | posted in: Audit, Maliyyə, Xəbər | 0

Son günlərdə kütləvi informasiya vasitələrində dərc edilmiş məcburi audit subyektlərinin auditdən keçməsi ilə əlaqədar istər Maliyyə Nazirliyinin internet saytındakı müraciətində, istərsə də iqtisadi ekspertlərin bu məsələ ilə əlaqədar təhlili bir daha sübut edir ki, ölkə qanunvericiliyinə görə öz maliyyə hesabatlarını müstəqil auditor rəyi ilə birlikdə dərc etdirməli olan, habelə qanunla bilavasitə nəzərdə tutulmuş hallarda məcburi auditdən keçməli olan təsərrüfat subyektləri bir çox hallarda qanuna əməl etmirlər. Bunun da nəticəsində auditdən keçmənin vəziyyəti aşağı səviyyədə qalmaqda davam edir.

Bu sözləri Auditorlar Palatasının icraçı direktoru Səbuhi Gülməmmədov deyib.

O qeyd edib ki, son dövrlərdə Prezident İlham Əliyevin müdrik rəhbərliyi və siyasi iradəsi ilə ölkəmizdə şəffaflığın artırılması investisiya cəlbediciliyinin yüksəldilməsində mühüm rol oynamaqla iqtisadiyyatımızın şaxələndirilməsi, davamlılığın möhkəmləndirilməsi və rəqabətqabiliyyətliliyin artırılması nöqteyi-nəzərindən böyük əhəmiyyət kəsb edir. Korrupsiyaya qarşı mübarizə və onun profilaktikası baxımından şəffaflıqla birbaşa bağlı olan təsərrüfat subyektlərinin maliyyə hesabatlarının vaxtında hazırlanması və açıqlanması prosedurlarının genişləndirilməsi mühüm rola malikdir. Bununla yanaşı, beynəlxalq standartlar əsasında maliyyə hesabatlarının hazırlanması və müstəqil auditor rəyi ilə birlikdə ictimaiyyətə tam və vaxtında açıqlanması sahəsində mövcud olan problemlərin həlli zərurəti bir sıra tədbirlərin işlənib hazırlanmasını və tətbiqini tələb edir.

“Aparılan araşdırmalar göstərir ki, 2019-cu ilin nəticəsinə görə, ölkə üzrə 46 min 282 məcburi audit subyektlərindən 3745 təsərrüfat subyekti məcburi auditdən keçib ki, bu da 8,09 faiz təşkil edir. Məhdud məsuliyyətli cəmiyyətlər və səhmdar cəmiyyətlər üzrə hesabatların hazırlanması və təqdim etməsi üzrə dolğun və tam statistika mövcud olmadığı kimi, həmin hesabatların kənar auditor tərəfindən təsdiq edilməsi səviyyəsi də çox aşağıdır. Məsələn, 2019-cu il üzrə səhmdar cəmiyyətlərin məcburi auditdən keçmə səviyyəsi 47,8 faiz, məhdud məsuliyyətlərin isə daha az, yəni 3,9 faiz təşkil edib. Halbuki inkişaf etmiş ölkələrdə hesabatların gec təqdim edilməsinə görə şirkətlər üçün ciddi cərimə məbləğləri nəzərdə tutulub.

Beynəlxalq praktikadan fərqli olaraq ölkəmizdə bir sıra hüquqi şəxslərin, o cümlədən məhdud məsuliyyətli cəmiyyətlərin öz illik maliyyə hesabatlarının təsisçidən başqa hər hansı bir orqana təqdim edilməsi qanunvericilikdə nəzərdə tutulmayıb. İctimai əhəmiyyətli qurumların, bankların, sığorta təşkilatlarının, səhmdar cəmiyyətlərin və digər hüquqi şəxslərin maliyyə hesabatları isə ayrı-ayrı tənzimləyici qurumlarda toplanılır.

Bu isə Azərbaycanda hüquqi şəxslərin maliyyə hesabatlarının toplanması, ümumiləşdirilməsi, təhlili və açıqlanması sahəsində müəyyən problemlərin mövcudluğuna gətirib çıxarır. Yeri gəlmişkən, bu günlərdə fəaliyyəti geniş müzakirə obyektinə çevrilmiş Kütləvi İnformasiya Vasitələrinin İnkişafına Dövlət Dəstəyi Fondunda (KİVDF) üzə çıxarılmış maliyyə pozuntularının mövcudluğunda müəyyən mənada fondun qanunvericiliyin tələblərinə baxmayaraq (Qanun bütün fondların məcburi auditdən keçməsini tələb edir) öz fəaliyyəti dövründə bir dəfə də olsun auditor yoxlamasından keçməməsini öz maliyyə fəaliyyətinin nəticələrinin ictimailəşmədən yayınmasıdır”, – deyə S.Gülməmmədov bildirib.

İcraçı direktor deyib: “Auditorlar Palatası məcburi auditdən keçməklə əlaqədar müvafiq qurumların rəhbərlərinə, kütləvi informasiya vasitələrinə, iqtisadi ekspertlərə bir daha öz təşəkkürünü bildirməklə bərabər bir daha iqtisadi subyektlərin rəhbərlərinin nəzərinə çatdırır ki, qanunvericiliyin tələblərinə uyğun olaraq maliyyə (mühasibat) hesabatlarının düzgünlüyünü yoxlatdırmaq üçün hər il müstəqil (kənar) auditor cəlb etməlidirlər. Belə olan halda hər birimiz ölkəmizdə iqtisadiyyatın inkişafında mühüm əhəmiyyət kəsb edən maliyyə şəffaflığının keçirilməsində yaxından iştirak etmiş olarıq”.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

11 İyn 2020

Hansı biznes virus səbəbiylə sıradan çıxacaq? (2-ci hissə)

by | posted in: Xəbər | 0

Hansı biznes sıradan çıxacaq? (2-ci hissə)

1-ci hissəni oxumaq üçün keçidə daxil olun

Unikal böhran iqtisadiyyatın strukturunu yenidən quracaq: bir seqmenti öldürəcək, digərini isə yaradacaq. Yeni dünyada hansı biznes və peşələrə tələbat olacaq və hansı bizneslər tükənmək təhlükəsi altında qalacaq?

Gələcək dəyişikliklərin başqa bir səbəbi insanların karantin zamanı istehlak qaydalarını dəyişdirmələri olacaq. “İndi müşahidə etdiyimiz ən maraqlı fenomen insanların ehtiyaclarının kəskin azalmasıdır, həm də bu, təkcə Rusiyada baş vermir, – “Ankor” şirkətinin vitse-prezidenti Aleksey Mironov belə deyir. – Karantin, nə qədər mal və xidmət olmadan sakitcə yaşaya biləcəyimizi əyani şəkildə göstərdi. Bu dərketmənin bütövlükdə iqtisadiyyata təsiri olacaqdır. İstehlak əhalinin gəlirlərinin azalması və xərclərin yenidən düşünülməsi səbəbindən azalacaq. Bu, pandemiya və böhrandan təsirlənən bütün ölkələrə aiddir”.

Böhranın öhdəsindən gəlmək üçün itirəcək və ya qazanacaq iqtisadiyyatın xüsusi seqmentlərinə və sektorlarına baxaq.

Mənfidə qalacaq

Kiçik və orta biznes

Əgər işin həcmindən danışırıqsa, demək olar ki, istənilən bir sahədə ilk növbədə kiçik və orta şirkətlər risk altında qalacaqlar. “Kiçik və orta sahibkarları kütləvi iflas gözləyir: onların əmək haqqı və ya vergi və tədarükçülərlə hesablaşma üçün pulları olmayacaqdır, – Andrey Berezin belə proqnozlaşdırır. “Proqnozlara görə böhran nəticəsində 3 milyon sahibkarın iş yeri bağlanacaq. Bu, 2019-cu ilin sonuna olan sahibkar sayının (4 milyon nəfər) 75% təşkil edir. Onlarla birlikdə 8,6 milyondan çox adam işini itirəcək”, – SF Education-in rəhbəri Aleksandr Valtsev əlavə edir.

Avtomobil istehsalçıları və avtomobil dilerləri

İlk dövrdə avtomobil satışında hətta kəskin yüksəliş müşahidə oluna bilər. Çünki təxirə salınmış tələbat işə düşəcək. Lakin, bu qısamüddətli effekt olacaq: qarşıda isə avtomobil sənayesini ağır dövrlər gözləyir. Gəlirlərin azalması və kredit verilməsində ixtisarlar avtomobil istehsalçıları və avtomobil salonlarını zərbə altında qoyacaq.

“Bu problemlərin səviyyəsi boş vaxt ərzində enişin dərinliyindən və həm avtomobil komponentlərinin, həm də hazır avtomobillərin təchizatında logistika zəncirlərinin dağılmasından asılı olacaq, – “METR” evakuasiya və texniki yardım aqreqatorunun baş dirktoru Vitaliy Ovçinnikov belə deyir. – Karantin tədbirləri uzun müddət davam edərsə, dilerlərin, distribyutorların və istehsalçıların iflasını istisna etmək olmaz ki, bu da bazarların yenidən bölüşdürülməsinə səbəb olacaq”.

Problemlər yalnız avtomobil istehsalçıları və dilerlərini deyil, avtomobil sənayesinin digər seqmentlərini də gözləyir. Məsələn, carshering və kirayə. “Karşerinq biznesi artıq demək olar ki, tamamilə dayanıb, qadağaların ləğvindən sonra isə onun bərpası, yəqin ki, sual altına düşəcəkdi, – Ovçinnikov belə təxmin edir. – Həm də bir neçə səbəbə görə – həm ödəniş qabiliyyətli tələbatın aşağı düşməsi, həm də, əsasən, digər sürücülərdən və sərnişinlərdən sonra avtomobildən istifadə zamanı koronavirusa yoluxma qorxusu ilə əlaqədar”. Bu, daha az dərəcədə ənənəvi avtomobil bazarına aiddir. Çünki bu halda növbəti müştəriyə ötürülməzdən əvvəl maşını dezinfeksiya etmək imkanı var. “Lakin, avtomobil kirayəsi səyahət edənlərin və ezamiyyətlərin sayının azaldılması nəticəsində müştəri axınının ümumi azalması ilə üzləşə bilər”, – Ovçinnikov əlavə edir.

3-cü hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

11 İyn 2020

Azərbaycanda orta aylıq əmək haqqı apreldə azalıb

by | posted in: Xəbər | 0

Bu il yanvar-aprel aylarında Azərbaycan iqtisadiyyatında muzdla çalışan işçilərin orta aylıq nominal əmək haqqı 736,2 manat təşkil edib.

Bu barədə Dövlət Statistika Komitəsinə istinadən xəbər verilir.

Məlumata görə, bu, ötən ilin eyni dövrü ilə müqayisədə 26,7% çoxdur. Bununla belə, yanvar-mart aylarının yekununa nisbətən ölkədə maaşların orta həddi 1,1% azalıb.

İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, eləcə də nəqliyyat və anbar təsərrüfatı sahələrində orta aylıq nominal əmək haqqı daha yüksək olub.

Mayın 1-nə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 92,8 min nəfər və yaxud 5,9% artaraq 1 676,1 min nəfər olub, onlardan 926,6 min nəfəri iqtisadiyyatın dövlət sektorunda, 749,5 min nəfəri isə qeyri-dövlət sektorunda fəaliyyət göstərib.

Muzdla işləyənlərin 19,9%-i təhsil, 17,9%-i ticarət; nəqliyyat vasitələrinin təmiri, 12,9%-i sənaye, 8%-i əhaliyə səhiyyə və sosial xidmətlərin göstərilməsi, 7,8%-i tikinti, 6,8%-i dövlət idarəetməsi və müdafiə; sosial təminat, 4,5%-i nəqliyyat və anbar təsərrüfatı, 3,4%-i peşə, elmi və texniki fəaliyyət, 3,4%-i kənd təsərrüfatı, meşə təsərrüfatı və balıqçılıq, 1,7%-i maliyyə və sığorta fəaliyyəti, 13,7%-i isə iqtisadiyyatın digər sahələrində məşğul olub.

Mənbə: report.az