Blog Full - Muhasibat.Az

Oxunma sayı: 176. 082

7 May 2020

Dövlət Vergi Xidməti ötən il 87 milyon manata yaxın mənfəət əldə edib

by | posted in: Vergi, Xəbər | 0

2019-cu ildə İqtisadiyyat Nazirliyi yanında Dövlət Vergi Xidməti (keçmiş Vergilər Nazirliyi) 86 845 min manat mənfəət əldə edib.

Qurumun maliyyə hesabatına istinadən xəbər verilir ki, bu, 2018-ci ilə nisbətən 11,7% azdır.

Ötən il Dövlət Vergi Xidməti 121 482 manat və yaxud əvvəlki ilə nisbətən 5,5% az gəlir əldə edib. Bunun 121 472 min manat qeyri-birja əməliyyatlarından, 10 min manatı isə sair əməliyyatlardan əldə olunub.

Hesabat dövründə qurumun xərcləri isə 34 637 min manat və yaxud illik müqayisədə 14,8% çox olub. Bunun 18 363 min manatı əməkhaqqı və işçilərlə bağlı digər xərclər, 1 101 min manatı sərf edilmiş materialların dəyəri, 1 693 min manat amortizasiya xərcləri 13 480 min manatı sair əməliyyat xərcləri, 735 min manatı isə əmlakın ləğv edilməsi və yaxud əvəzsiz verilməsi üzrə xərclərdir.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

7 May 2020

İnzibati Xətalar Məcəlləsinə dəyişiklik edildi

by | posted in: Xəbər | 0

İnzibati Xətalar Məcəlləsinə dəyişiklik edildi.

Maddə 2. Azərbaycan Respublikası İnzibati Xətalar Məcəlləsinin (Azərbaycan Respublikasının Qanunvericilik Toplusu, 2016, № 2 (I kitab), maddə 202, № 3, maddələr 397, 403, 429, № 4, maddələr 631, 647, 654, № 5, maddələr 835, 846, № 6, maddələr 997, 1010, № 7, maddələr 1247, 1249, № 10, maddə 1608, № 11, maddələr 1769, 1774, 1781, 1783, 1786, 1788, № 12, maddələr 1984, 2000, 2009, 2024, 2049; 2017, № 1, maddə 21, № 2, maddələr 139, 147, 152, 162, № 3, maddələr 331, 344, № 5, maddələr 698, 701, 734, 749, 754, № 6, maddələr 1020, 1033, 1036, № 7, maddələr 1273, 1296, 1297, 1299, № 11,

maddələr 1964, 1966, 1969, 1979, № 12 (I kitab), maddələr 2214, 2217, 2220, 2233, 2237, 2240, 2253, 2256, 2266; 2018, № 1, maddə 19, № 2, maddələr 160, 162, 163, № 3, maddələr 383, 401, 404, № 4, maddə 646, № 5, maddələr 857, 860, 862, 876, 883, № 6, maddələr 1153, 1188, № 7 (I kitab), maddələr 1435, 1437, 1438, № 10, maddə 1963, № 11, maddələr 2188, 2191, 2214, 2217, 2231, № 12 (I kitab), maddələr 2473, 2475, 2499, 2507, 2512, 2522; 2019, № 1, maddələr 4, 6, 15, 18, 23, 44, № 3, maddələr 374, 389, № 4, maddələr 579, 581, 587, 595, № 5, maddələr 791, 800, 803, 804, 813, № 6, maddələr 992, 998, 1007, № 7, maddə 1193, № 8, maddələr 1364, 1367, 1368, 1381, 1383, № 11, maddələr 1682, 1686, 1696, № 12, maddələr 1883, 1900; Azərbaycan Respublikasının 2020-ci il 17 mart tarixli 27-VIQD nömrəli Qanunu) 477-1-ci maddəsində aşağıdakı dəyişikliklər edilsin:

2.1. 477-1.1.1-ci, 477-1.1.3-cü və 477-1.1.6-cı maddələr ləğv edilsin;

2.2. 477-1.1.7-ci maddənin dispozisiyası aşağıdakı redaksiyada verilsin:

“477-1.1.7. sığorta haqqının hesablanmasını və uçotunu aparmamasına, hər rüb üzrə rüb başa çatdıqdan sonra növbəti ayın 20-dən gec olmayaraq bu barədə müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş formada müvafiq icra hakimiyyəti orqanının müəyyən etdiyi orqana (quruma) hesabat verməməsinə, habelə sığorta ödənişi üçün əsas olan sənədlərin və məlumatların qorunub saxlanılmasını təmin etməməsinə görə – ”.

İlham Əliyev

Azərbaycan Respublikasının Prezidenti

Bakı şəhəri, 24 aprel 2020-ci il .

Mənbə: president.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

7 May 2020

ƏƏSMN-nin bu səlahiyyəti İqtisadiyyat Nazirliyinə verilir

by | posted in: Xəbər | 0

Azərbaycan İqtisadiyyat Nazirliyi (İN) yeni inzibati protokol tərtib etmə səlahiyyəti alıb.

Bununla bağlı Prezident İlham Əliyev 7 may 2020-ci il tarixdə fərman imzalayıb.

Fərmanda deyilir,

“Azərbaycan Respublikasının Mülki Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2000-ci il 25 avqust tarixli 386 nömrəli 3.4-cü bəndində “dövlət büdcəsinə məcburi ödənişlər üzrə borclara münasibətdə Vergilər Nazirliyi, büdcədənkənar dövlət fonduna məcburi dövlət sosial sığorta haqları üzrə borclara münasibətdə isə Əmək və Əhalinin Sosial Müdafiəsi Nazirliyi” sözləri “İqtisadiyyat Nazirliyi” sözləri ilə əvəz edilsin.

“Azərbaycan Respublikası İnzibati Xətalar Məcəlləsinin təsdiq edilməsi haqqında” Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə” Azərbaycan Respublikası Prezidentinin 2016-cı il 15 fevral tarixli 795 nömrəli Fərmanında aşağıdakı dəyişikliklər edilsin:

2.1. 4.1-ci bəndə “473.3” rəqəmlərindən sonra “, 477-1.1.7 (hər iki halda)” sözləri əlavə edilsin;

2.2. 4.33-cü bəndə “müvafiq icra hakimiyyəti orqanı” sözlərindən sonra “, 477-1.1.7-ci maddəsində (hər iki halda) “orqan (qurum)” sözləri əlavə edilsin;

(burada iki qurum – Əmək və Əhalinin Sosial Müdafiəsi Nazirliyi və Vergilər Nazirliyi nəzərdə tutulurdu, bir orqanla (İN) əvəzlənib.

2.3. 5.4-cü bənddə “477-1-ci” sözləri “477-1.1.2-ci, 477-1.1.4-cü, 477-1.1.5-ci, 477-1.2-ci” sözləri ilə əvəz edilsin;

2.4. aşağıdakı məzmunda 5.58-1-ci bənd əlavə edilsin:

“5.58-1. həmin Məcəllənin 477-1.1.7-ci maddəsində nəzərdə tutulmuş inzibati xətalar haqqında işlərə Azərbaycan Respublikasının İqtisadiyyat Nazirliyi baxır;”.

( Həmin bənd – 477-1.1.7. sığorta haqqının hesablanmasının və köçürülməsinin uçotunu düzgün aparmamasına və bu barədə sığortaçıya hesabatı təqdim etməməsinə, sığorta ödənişi üçün əsas olan sənədlərin və məlumatların qorunub saxlanılmasını təmin etməməsinə görə – fiziki şəxslər yüz manat məbləğində, vəzifəli şəxslər iki yüz manat məbləğində, hüquqi şəxslər dörd yüz manat məbləğində cərimə edilir.)

Mənbə: banker.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

7 May 2020

Vergi sistemlərinin inkişaf tarixindən 27 dərs (IV hissə)

by | posted in: Xəbər | 0

Vergi sistemləri – inkişaf tarixi (IV hissə)

III hissəni oxumaq üçün keçidə daxil olun.

Böyük imperiyaların vergilərlə özlərini məhv etdiyi tezisi getdikcə daha çox təsdiqini tapır. Vergilər çox vaxt böyük sosial partlayışlara gətirib çıxaran bir qığılcım idi. Alimlərdən birinin rəyinə görə, Mayya sivilizasiyasının çöküşü, sakinlərinin vergilər üzündən cəngəlliklərə qaçmasıdan sonra başlanmışdı. Gəlin baxaq görək, vergitutmanın çoxəsrlik tarixi bizə hansı dərslər verir.

Budur, vergi sistemləri və sivilizasiyaların inkişafı tarixindən əsas dərslər:

Yüksək vergilər vətənpərvərliyə ağır zərbə vurur. Yüksək vergi dərəcələri, vergi bazasının qiymətləndirilməsi və onların toplanması yolu vətənpərvərliyin müsbət ictimai təsirini sarsıdır.
Tarixən vergilər üzrə dizayn-meykerlərin yaradılması, İsveçrə pendirinə (pendirin kiçik deşiklərdən ibarət olması nəzərdə tutulur) oxşayırdı. Vergi sistemini çoxlu boşluqlar bəzəyirdi. Yəni, vergilərdən leqal yollarla yayınmaq imkanları yaranırdı. Vergi qanunvericiliyində çoxsaylı güzəştlərin olması vergi ödəyicilərinin şüurunu İsveçrə pendirinə çevirir.
Vergi ödəyiciləri arasında ədalətli və qərəzsiz bölüşdürülməmiş vergilər mənəvi öhdəliklərin bütün qüvvəsini itirir.
“Vergilər – bu, bir növ sivil cəmiyyət üçün ödənişdir”. Bununla yanaşı, vergitutma sisteminin mexanizmləri və məzmunu, vergi ödəyicilərinin vəsaitlərinin xərclənməsi üsulu cəmiyyətimizin xeyirxah və ya qüsurlu olub-olmadığını müəyyən edir.
Azadlıq öz məhvinə toxum səpməyə meyllidir: azad insanlar hökumətə böyük vergi səlahiyyətləri verməyə meyllidirlər. Onlar dərk etmirlər ki, bu səlahiyyətlərdən sui-istifadə etmək azadlığı, hakimiyyəti müdafiə etmək və qorumaq azadlığını məhv edir.
Müharibə qaçılmaz olaraq yüksək xərclərə səbəb olur. Böyük xərclər – bu, yüksək vergilərdir. Yüksək vergilər ticarəti əngəlləyir və iqtisadi durğunluğa və tənəzzülə səbəb olur.

Təəssüf ki, əksər Qərb ölkələri bu dərslərə məhəl qoymurlar. 1980-ci illərin kiçik vergi zəifləmələri 1990-cı illərdə vergi yükünün artması ilə əvəzləndi. Avropa ölkələri özlərini vaxtilə imperiya İspaniyasının vətəndaşları kimi aparırlar. Onlar 400 il ərzində vergiləri azaltmaq istəyirdilər. Lakin hökuməti dəyişdirə bilmirdilər.

Bir çox vergi islahatları öz diqqətini yalnız bu və ya digər vergilərin dərəcələri üzərində cəmləşdirir. Bu, çox səthi yanaşmadır. Vergi yığımının xərclərini, vergi şpionomaniyasının göstərdiyi təsiri də nəzərə almaq lazımdır. Vergi tariflərinin özü deyil, vergi bazasının qiymətləndirilməsi mexanizmləri və vergi toplanması bir çox sivilizasiyalar üzərində dövlətlə vətəndaşlar arasında mübarizə mövzusu olmuşdur.

Çarlz Adams xüsusilə Qərb və ABŞ-ın vergi sistemləri dinamikası ilə bağlı ciddi narahatlıq ifadə edir. Dövlət kredit kartı sistemi və sosial sığorta kartlarının nömrələri vasitəsilə vətəndaş haqqında hər şeyi öyrənə bilər. Biz öz inkişafımızda vətəndaşların qədim Roma dövrünün sonunda olduğu kimi, təhkimli vergi ödəyicilərinə çevriləcəyi mərhələyə qədəm qoyacağıq? Hüquqi və vergi sisteminin bu günkü inkişafı, izləmə-müşahidə üçün müxtəlif növ cihazların mövcudluğu bu ehtimalı istisna etmir. Biz bir daha yeni təhkimçilik quruluşunun qandallarına məruz qala bilərik. Hansı ki, bunu vergi kollektorları yerinə yetirəcəklər. Əgər bu baş verərsə, onda demokratlar və diktaturalar arasında mübarizə yeni mərhələyə qədəm qoyacaq. Seçim azadlıq və köləlik arasında deyil, bürokratik köləliyin müxtəlif formaları arasında olacaq.

Bu bədbin ssenarinin özünü doğrultmaması üçün biz maarifçilik dövrünün fəlsəfəsinə, kiçik, məsuliyyətli dövlətin ideyalarına qayıtmalıyıq. Qədim Misirdən müasir Amerika sisteminə qədər bütün məşhur sivilizasiyaların çiçəklənməsini təmin edən məhz onlar olmuşdur.