Blog Full

Oxunma sayı: 138. 552

2 Okt 2019

Vergi yoxlamalarının azaldılması siyasəti təqdirəlayiq haldır

by | posted in: Vergi, Xəbər | 0

Vergi yoxlamalarının sayında nəzərə çarpan azalma dinamikası mühasiblərin işini xeyli asanlaşdırıb. Bu fikri muhasibat və vergi üzrə ekspert Ramin Ramazanov yoxlamaların sayı barədə danışarkən bildirib. (vergi yoxlamaları)

Ekspert əvvəlki vergi yoxlamaları zamanı yaşanan neqativ halların aradan qaldırıldığını vurğulayıb: “Vergi yoxlamalarının sayını göstərən statistikanı analiz edərkən, əslində, hazırkı dövrdə mühasiblərin işinin əvvəlkindən qat-qat rahat olduğunu görmək mümkündür. 2-3 il əvvələ kimi vergi yoxlamaları vergi ödəyicilərinin, eyni zamanda mühasiblərin xeyli vaxtını alırdı. Elə olurdu ki, yoxlamalar 3 ay davam edirdi. Əgər mühasib 4-5 şirkətin işini aparırdısa, deməli, bütün ili yoxlamalarda keçirməliydi”.

Qeyd edək ki, son 5 ildə vergi yoxlamalarının sayı belə dəyişib: 2014-cü il – 11.356; 2015-ci il – 12.073; 2016-cı il – 6.993; 2017-ci il – 5.778; 2018-ci il – 1.703; 2019-cu il (yanvar-may ayları) – 176.

Vergilər Nazirliyinin yoxlamaların azaldılması siyasətini yüksək dəyərləndirdiyini deyən ekspert, bu mənada, xüsusən mühasiblərin işinin xeyli yüngülləşdiyini bildirib.

Mənbə: vergiler.az

2 Okt 2019

Vakansiya: Maliyyə menecerinin müavini

by | posted in: Maliyyə, Mühasib, Vakansiya, Xəbər | 0

Vakansiya: Maliyyə menecerinin müavini.

İşəgötürən: Papa John’s Azerbaijan.

Şəhər: Bakı
Yaş: 30 – 50 yaş
Cins: Fərqi yoxdur
Təhsil:Ali
İş təcrübəsi: 5 ildən artıq
Əlaqədar şəxs: Dadaşova Aynur
Telefon: (050) 229-97-02 / (012) 404-72-82
E-mail: /
Əmək haqqı: 1200-1500 AZN.

İş barədə məlumat

– Maliyyə Hesabatları

– Gəlir və Xərclər hesabatının tərtibi

– Dövriyyə Hesabatlarının tərtibi

– Fəaliyyətin analitik və statistik hesabatları

– Ticarət hasilatına nəzarət

– Geri qaytarmalara nəzarət

– Kassa mədaxilinə nəzarət

– Uçot

– Kreditorlarla hesablaşma

– Bölmələr üzrə material qalığı uçotu

– Mal hərəkətinin uçotu və inventarizasiya

– Əsas vəsaitlərin uçotu

– Amartizasiya hesablanması

– Dövlət orqanları üzrə

– Vergilərin hesablanmsı

– Sosial ayırmaların nəzarəti

– Hesabatların tərtib və təqdim edilməsi

– Müəssənin balansının tərtibi

– Əmək haqqı uçotu

– Əmək haqqlarının hesablanmsı

– Mükafatlar və əlavə hesablamalar

– Sosial vergilərin hesablanması

– Məzuniyyətlərin hesablanması

– Kassa və planlanma

– Mədaxil və məxaric orderləri işləmək

– Kassa hesabatları

– Satışın planlanması və məhsulların kalkulyasıyası

– Büdcələrin tərtib olunması

– Bank

– Xarici və daxili köçürmələr və konvertasiya əməliyyatları

– Əmək haqqı və vergi ödənişlər

– Maliyyə vəsaitlərinə nəzarət

– 6 günlük iş günü

– İş qrafiki Bazar etrəsi – Cümə saat 10:00-dan 19:00-dək, Şənbə günü saat 10:00-dan 17:00-dək

– Rabitə xərclərinin şirkət tərəfindən ödənilir

– İş yeri şəhərin mərkəzində yerləşir

– İşə qəbul tam rəsmi əmək qanunvericiliyinə uyğun olaraq həyata kecirilir

Namizədə tələblər

– Maliyyə sahəsində minimum 5 il iş təcrübəsi

– Vergi qanunvericiliyini bilməli

– Azərbaycan, Rus dilində sərbəst danışıq mütləqdir

– Ali təhsil mütləqdir

– Yüksək idarəcilik və təşkilatcılıq bacarıqları

Qeyd olunan tələblərə cavab verən namizədlər öz ərizə formalarını (CV) Maliyyə menecerin müavini mövzusu altında / elekton ünvanına göndərə bilərlər.

Mənbə: finstaff.az

2 Okt 2019

Vergidən yayınma halları müəyyən edilib

by | posted in: Vergi, Xəbər | 0

Vergilər Nazirliyi ölkə ərazisində aksiz markasız və ya saxta aksiz markası ilə markalanmış məhsulların istehsalı və satışı hallarının aradan qaldırılması istiqamətində nəzarət tədbirlərini davam etdirir. (Vergidən yayınma)

Vergilər Nazirliyinin Vergi Cinayətlərinin İbtidai Araşdırılması Baş İdarəsinə Ağstafa rayonu, Həsənsu kəndində yerləşən istehsal obyektində kustar üsulla alkoqollu içkilərin hazırlanması, eyni zamanda həmin məhsulların saxta aksiz markaları ilə markalanmaqla vergidən yayındırılması barədə daxil olmuş əməliyyat məlumatları əsasında fiziki şəxs İsmayılov Arzu Aydın oğluna məxsus obyektdə həyata keçirilmiş operativ vergi nəzarəti tədbiri zamanı göstərilən hallar öz təsdiqini tapıb. Müəyyən edilib ki, vergi ödəyicisi 19.08.2024-cü il tarixədək fəaliyyətinin dayandırılması məqsədilə vergi orqanına müraciət etməsinə baxmayaraq, faktiki olaraq fəaliyyət göstərib. Obyektdə 3 nəfər fiziki şəxs əmək müqaviləsi hüquqi qüvvəyə minmədən işlərin (xidmətlərin) yerinə yetirilməsinə cəlb edilib. Həmçinin, burada kustar üsulla alkoqollu içkilərin hazırlandığı və həmin məhsulların saxta aksiz markaları ilə markalandığı dəqiqləşdirilib. Təsərrüfat subyektində 4,955 ədəd saxta aksiz markaları, eləcə də 1036 ədəd hazır məhsulun saxta aksiz markaları ilə markalandığı və satış məqsədilə saxlanıldığı aşkar olunub.

Araşdırma zamanı qeyd olunan istehsal müəssisəsində insan sağlamlığı üçün təhlükəli olan “Растворитель 646” adlı həlledici məhlullar da aşkar edilib. Həmin məhlulların vergi ödəyicisi tərəfindən alkoqollu içkilərin istehsalında istifadə olunduğu faktının müəyyən edilməsi üçün aidiyyəti üzrə Azərbaycan Respublikasının Qida Təhlükəsizliyi Agentliyinin mütəxəssisləri araşdırmaya cəlb olunub.

Vergilər Nazirliyi bir daha xatırladır ki, aksiz markasız və ya saxta aksiz markası ilə markalanmış məhsulların satışı qanunvericiliklə qadağandır. Vergi orqanları belə halların qarşısının alınması və təqsirkar şəxslərin məsuliyyətə cəlb olunması istiqamətində tədbirləri davam etdirəcəkdir. Vətəndaşlar belə malların satışı faktlarına rast gəldikdə Vergilər Nazirliyinə müraciət etməlidir. Siz bununla həm özünüzü qorumuş olacaqsınız, həm də dövlət büdcəsinə vergilərin ödənilməsindən yayınmaların qarşısını almağa xidmət edəcəksiniz.

Mənbə: vergiler.az

2 Okt 2019

Dövlət Statistika Komitəsi müvəqqəti işə götürdüyü şəxslərə ödəyəcəyi vəsaitin məbləğini açıqlayıb

by | posted in: Xəbər | 0

Dövlət Statistika Komitəsinin (DSK) bu gündən başlayaraq oktyabrın 10-na qədər həyata keçirəcəyi əhalinin siyahıya alınması üçün müvəqqəti işə götürdüyü şəxslərə ödəyəcəyi vəsaitin məbləği məlum olub.

Bu barədə Komitənin sədri Tahir Budaqov məlumat verib.

Onun sözlərinə görə, siyahıyaalma məntəqələrinin müdirləri 645-715 manat xidmət haqqı alacaq: “Onların müavinlərinə 581-644 manat, təlimatçı-nəzarətçilərə 495-525 manat, əsas və ehtiyat sayıcılara 475-505 manat pul ödəniləcək. Təbii ki, bunlar vergilər daxil olmaqla ödənilən məbləğidir. Vergilər tutulduqdan sonra qalan məbləğ müvəqqəti işçilərə çatacaq. İlk dəfə bu məqsədlə “Kapital Bank” ASC ilə müqavilə imzalanıb. Onların hər biri üçün kart təqdim olunacaq və bütün məbləğ karta köçürüləcək ki, hər hansı mənfi hal baş verməsin”.

DSK sədri eyni işi görən şəxslərin xidmət haqqıları arasındakı fərqi belə izah edib: “Xidmət haqqıları yerli statistika orqanlarının müvafiq işçilərinin maaşına bərabər tutulub. Bilirsiniz ki, statistika orqanlarında əməkhaqqı da əhali sayına görə fərqlənir. Yəni əhalisinin sayı 50 minə qədər olan rayon və şəhərlərdə bir qədər aşağıdır, əhalisinin sayı 50-100 min nəfər olan şəhərlərdə isə bu bir qədər yuxarıdır”.

Xatırladaq ki, DSK-nın müvəqqəti işə götürdüyü şəxslərin ümumi sayı 42 844 nəfərdir. Bunlardan 720-si siyahıyaalma məntəqələrinin müdirləri, 720-si onların müavinləri, 6 777-si təlimatçı-nəzarətçilər, 33 907-si sayıcılar, 720-si isə ehtiyat sayıcılardır. Bu şəxslərə, ümumilikdə, 21 353 740 manat xidmət haqqı ödəniləcək.

Mənbə: report.az