Vergilər naziri vətəndaşları qəbul edəcək
Vergilər naziri Qəbələ rayonunda vətəndaşları qəbul edəcək
Qəbələ, İsmayıllı, Oğuz, Zaqatala, Balakən və Qax rayonları sakinlərinin nəzərinə!
Qeyri-rezident şəxslər tərəfindən göstərilən xidmətlər zamanı ƏDV-nin hesablanması
Qeyri-rezident şəxslər tərəfindən göstərilən xidmətlər zamanı ƏDV-nin hesablanması vaxtının müəyyən edilməsi vergi nəzarətinin vacib məsələlərindəndir və bu mövzu vergi ödəyicilərinin də diqqət mərkəzindədir. Vergi ödəyiciləri hesablaşmalar zamanı ortaya çıxan müəyyən məsələlərlə bağlı redaksiyamıza müraciət edir, ƏDV qeydiyyatında olan və olmayan şəxslərin fərqləndirilməsi, həmin vergi agentlərinin hüquq və vəzifələri, qeyri-rezidentlərə mal və xidmətlərin göstərilməsi zamanı vergilərin hesablanması və ödənilməsi ilə bağlı suallar ünvanlayırlar.
Vergilər Nazirliyinin Vergi siyasəti departamentinin baş direktorunun müavini Nicat İmanov öncə qeydiyyat məsələsinə aydınlıq gətirib:
“Vergi Məcəlləsinin (VM) 169.1-ci maddəsinə görə, ƏDV-nin məqsədləri üçün qeydiyyata alınmayan qeyri-rezident Azərbaycan Respublikasının ərazisində bu Məcəllənin 169.2-ci və ya 169.5-ci maddələrində adı çəkilən vergi agenti üçün xidmət göstərirsə və ya iş görürsə, bu fəslin məqsədləri üçün işlərin görülməsi və ya xidmətlərin göstərilməsi bu maddəyə uyğun olaraq vergiyə cəlb edilir.
VM-in 169.2-ci maddəsində göstərilən vergi agenti ƏDV qeydiyyatında olan, 169.5-ci maddədə göstərilən vergi agenti isə ƏDV qeydiyyatında olmayan şəxsdir. ƏDV qeydiyyatında olmayan şəxslər kimi sadələşdirilmiş verginin ödəyiciləri, yalnız gəlir və ya mənfəət vergisinin ödəyiciləri, habelə dövlət hakimiyyəti orqanları, büdcə təşkilatlarını nümunə göstərmək olar.
Qeyri-rezidentin ƏDV öhdəliyinin yerinə yetirilməsi prosesi agent qaydasında baş verir: VM-in 169.2-ci maddəsində göstərilir ki, ƏDV-nin məqsədləri üçün qeydiyyata alınan hər hansı şəxs bu maddənin məqsədləri üçün vergi agenti sayılır. Vergi agenti isə VM-ə uyğun olaraq vergini hesablamağa, onu vergi ödəyicisindən tutmağa və təyinatı üzrə köçürməyə borclu olan şəxsdir. Qeyri-rezidentin apardığı əməliyyat üzrə ƏDV-nin hesablanması VM-in 169.3-cü, 169.4-cü və 169.7-ci maddələrinə uyğun olaraq müəyyən edilir.
Məcəllənin 169.1-ci maddəsi tətbiq edildikdə, yəni xidmətlər qeyri-rezident tərəfindən vergi agentinə göstərildikdə vergi agenti qeyri-rezidentə ödənilməli olan məbləğə ƏDV hesablamalı və ödəməlidir. Verginin məbləği bu Məcəllənin 173.1-ci maddəsinin müddəalarına uyğun olaraq vergi dərəcəsinin qeyri-rezidentə ödənilməli olan məbləğə (ƏDV nəzərə alınmadan) tətbiq edilməsi yolu ilə müəyyənləşdirilir. (VM, maddə 169.3). Vergi agenti ƏDV-nin məqsədləri üçün qeydiyyatdan keçmişdirsə, hesablanan vergi əməliyyatın aparıldığı ay üçün ƏDV-nin bəyannaməsi verilərkən ödənilir (VM, maddə 169.4).
Göründüyü kimi, qeyri-rezident tərəfindən göstərilən xidmətlər əməliyyatın həyata keçirildiyi ayda ƏDV bəyannaməsində bəyan edilməli, hesablanmış vergi məbləği dövlət büdcəsinə ödənilməlidir. Lakin bəzi sahibkarlarda keçirilən nəzarət tədbirləri, habelə müraciətlər zamanı qeyri-rezidentin göstərdiyi xidmətlərə görə ƏDV-nin yalnız ödəniş edildiyi ayda bəyan etdikləri qeyd olunur. Qeyri-rezidentin göstərdiyi xidmətlərə görə ƏDV-nin hesablanmasının ödəniş aparılan ayda hesablanması VM-in 169.7-ci maddəsində nəzərdə tutulmuşdur. Lakin bu maddə qeyri-rezidentin göstərəcəyi işlər və xidmətlər müqabilində avans ödənişlərə münasibətdə tətbiq edilir. ƏDV ödəyicisi olan sahibkar qeyri-rezidentə göstərəcəyi xidmətlər müqabilində əvvəlcədən ödəniş apardıqda bu ödəniş ƏDV tutulan əməliyyat sayılır. Məcəllənin 169.7-ci maddəsi ilə vergiyə cəlb edilir.
Vergi agenti qeyri-rezidentə ödəmə verilən aydan sonrakı ayın 20-dən gec olmayaraq ƏDV-nin hesablanması barədə vergi orqanına müvafiq icra hakimiyyəti orqanının müəyyən etdiyi formada bəyannamə təqdim etməlidir. (VM, maddə 169.7).
Qeyd edək ki, işlərin və xidmətlərin həyata keçirildiyi yer VM-in 168-ci maddəsi ilə müəyyən edilir. Bu səbəbdən qeyri-rezidentin göstərdiyi xidmətlər bu maddəyə uyğun olaraq Azərbaycanda həyata keçirilmiş sayıldığı halda, ƏDV-nin hesablanması həyata keçirilir.
Yuxarıda qeyd edilənlərə əsasən, qeyri-rezident şəxs ƏDV ödəyicisi olan agentə (sifarişçiyə) xidmət göstərirsə, ƏDV xidmətlər yerinə yetirildiyi ayda hesablanmalı, sifarişçi tərəfindən qeyri-rezidentə avans ödəniş aparıldığı halda isə ödəmənin aparıldığı ayda ƏDV hesablanıb dövlət büdcəsinə ödənilməlidir.
Mənbə: vergiler.az
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
ƏDV-nin hesablanması
Vergi ödəyicilərinə xidmət mərkəzlərinin imkanları genişləndirilir
İçəri daxil olan kimi foyedəki sərin ab-hava və səliqə-sahman insana rahatlıq vəd edir. Dəhlizin o başındakı geniş və işıqlı otaqdakı nizam-intizam, işgüzar mühit ilk baxışdan diqqəti cəlb edir. Bir qədər irəlidə, dəhlizin sağ qurtaracağındakı açıq qapıdan hər şey daha aydın görünür: sıra ilə düzülmüş kompüter masaları, masa arxasında müştərilərə xidmət göstərən gənc əməkdaşlar, işgüzar ab-hava, sahibkar məmnunluğu… Burada hər şey eyni biçimdə, eyni görkəmdədir.
Metronun “Nərimanov” stansiyasının yaxınlığında, Ağa Nemətulla küçəsi-44 ünvanda yerləşən Vergi ödəyicilərinə xidmət mərkəzi saat 09:00-dan 18:00-dək fasiləsiz rejimdə çalışır və hər gün yüzlərlə vergi ödəyicisinə birbaşa xidmət göstərir. Sahibkarlar burada müxtəlif vergi xidmətlərindən istifadə edirlər. Burada vergilər barədə məlumat və izahatlar almaq, vergi ödəyicilərinin və təsərrüfat subyektlərinin (obyektlərinin) qeydiyyatını, qeydiyyatdan çıxarılmasını həyata keçirmək, vergi bəyannamələrini və müxtəlif hesabatları təqdim etmək, nəzarət-kassa aparatlarını qeydiyyata salmaq və qeydiyyatdan çıxarmaq, müxtəlif sənəd və arayışlar əldə etmək və s. xidmətlərdən faydalanmaq mümkündür.
Bu ilin əvvəlindən vergi qanunvericiliyində və inzibatçılığında baş verən dəyişikliklərdən sonra Vergi ödəyicilərinə xidmət mərkəzi də öz işini yeni tələblərə uyğunlaşdırmaq üçün bir sıra yeniliklər edib. Elə buradaca qeyd edək ki, mərkəzdə aparılmış yenidənqurma işlərindən sonra ödəyicilərə ümumilikdə 29 masa xidmət göstərəcək. Bu isə gün ərzində xidmət alan vergi ödəyicilərinin sayının artmasına və onlara göstərilən xidmətlərin keyfiyyətinin yüksəlməsinə imkan verəcək. Əvvəllər gün ərzində orta hesabla 400-500 vergi ödəyicisi qəbul edildiyi halda. hazırda bu göstəricinin 2 dəfə artırılması mümkündür.
Məqsəd isə aydındır: vergi ödəyicilərinin qəbulu, vergi qanunvericiliyinin və inzibatçılığının tətbiqi məsələləri barədə onların məlumatlandırılması və izahat işlərinin aparılması, sualların cavablandırılması, elektron və şifahi xidmətlərin göstərilməsi zamanı vergi ödəyicilərinin rahatlığının təmin edilməsi və onlara göstərilən xidmətlərin keyfiyyətinin daha da yüksəldilməsidir. Mərkəzin texniki imkanlarının genişləndirilməsi daha çox ödəyiciyə xidmət göstərilməsinə, vergi ödəyicilərinin sərf etdikləri vaxtın isə azalmasına şərait yaradır.
Xidmət mərkəzinin texniki imkanlarının genişləndirilməsi daha çox ödəyiciyə xidmət
göstərilməsinə, vergi ödəyicilərinin sərf etdikləri vaxtın isə azalmasına şərait yaradır
Vergilər Nazirliyinin Kiçik sahibkarlıqla iş departamentinin direktor müavini İlkin Həsənov deyir: “Bu ilin əvvəlindən vergi qanunvericiliyində və inzibatçılığında baş verən dəyişikliklər sosial sığorta hesabatlarının Vergilər Nazirliyinə təqdim edilməsini nəzərdə tutur. Bu səbəbdən də Vergi ödəyicilərinə xidmət mərkəzlərinə edilən müraciətlərin sayında ciddi artımlar müşahidə olunur. Ötən ilin müvafiq dövrü ilə müqayisədə bu il Vergilər Nazirliyinin xidmət mərkəzlərinə edilən müraciətlərin sayı 50 faizdən çox artıb. Buna görə də nazirlik tərəfindən xidmət mərkəzlərinin genişləndirilməsi, yeni xidmət mərkəzlərinin yaradılması ilə əlaqədar müəyyən işlər həyata keçirilir. Bu ilin əvvəlində “Binə” və “Sədərək” ticarət mərkəzlərində xidmət mərkəzləri istifadəyə verilib. Nərimanov rayonunda fəaliyyət göstərən xidmət mərkəzi isə genişləndirilib”.
Bununla yanaşı, Vergilər Nazirliyi tərəfindən elektron xidmətlər də göstərilir. Hazırda bu xidmətlərin həm təkmilləşdirilməsi, həm də sayının artırılması istiqamətində işlər davam etdirilir.
Yeri gəlmişkən, Vergi ödəyicilərinə xidmət mərkəzində müasir standartlara uyğun olaraq “Özünəxidmət guşəsi” yaradılıb. İnternetə girişi olan kompüter avadanlıqları ilə təchiz edilmiş “Özünəxidmət guşəsi”nin təyinatı ondan ibarətdir ki, vergi ödəyiciləri buradakı masalara yaxınlaşmaqla öz hesabatlarını təqdim etsinlər, yaxud Vergilər Nazirliyi tərəfindən təqdim edilən elektron xidmətlərdən fərdi şəkildə yararlana bilsinlər. “Özünəxidmət guşəsi”ndəki masalarda xidmət alan vergi ödəyicilərinə Vergilər Nazirliyinin əməkdaşları tərəfindən lazımi kömək göstərilir. Nazirliyin əməkdaşları vergi ödəyicilərinin hər hansı sualı yarandıqda onlara metodiki yardım edirlər.
Mərkəzdə yaradılmış bu şərait bura üz tutan vergi ödəyicilərinin də ürəyincədir. Bunu mərkəzə müraciət edən vergi ödəyicilərinin “Burada göstərilən xidmətlərin keyfiyyətindən razı qaldınızmı?” sualına verdiyi cavablar da təsdiqləyir.
Əli Abbasov: “Mən bura dünən də gəlmişdim, vergi hesabatını təqdim etmişdim, sosial sığorta hesabatını isə çatdıra bilməmişdim. Ona görə də bu gün yenidən gəldim və çox rahat şəkildə işimi görüb geri qayıdıram. Mərkəzdə vergi ödəyiciləri üçün yaradılmış şəraitdən, göstərilən xidmətlərin keyfiyyətindən çox razıyam. Hətta bilmədiyimiz məsələləri də Vergilər Nazirliyinin əməkdaşlarından soruşmaq imkanımız olur, hər bir sualımızı can-başla cavablandırır, bizə aydın olmayan məqamları səlis şəkildə izah edirlər. Vergi və sosial sığorta hesabatlarının bu şəkildə təqdim olunması həm bizim üçün rahatdır, həm də dövlətin gəlirlərini artırır. Vergi ödəyicilərinə bu cür şərait yaratdıqları üçün çox sağ olsunlar”.
Mahmud Həqəri: “Çox razıyam. Hər gələndə çox rahatlıqla işimizi görüb gedirik. Mənim yoldaşım vergi ödəyicisidir, onun işi çıxdığından hesabatı mən təqdim etməli oldum. Heç bir maneə ilə rastlaşmadım, məni gözlətmədilər, qısa müddətdə işimi başa çatdırdım”.
Samir İbrahimov: “Kiçik sahibkarlıq fəaliyyəti göstərirdim. Artıq fəaliyyətimi dayandırmışam və bununla bağlı 4 ay əvvvəl vergi orqanına müraciət etmişdim. Sahiblik etdiyim hüquqi şəxsin qeydiyyatının tam ləğv olunduğunu yoxlamaq üçün bura müraciət etdim. Aydın oldu ki, hər şey qaydasındadır və vergi ödəyicisi kimi vergi orqanları qarşısında heç bir borcum qalmayıb”.
Məzahir Ağayev: “Xidmətin keyfiyyətindən razıyam. Burada vergi ödəyicilərinin müraciətlərinə çox diqqətlə yanaşırlar. Bir müddət əvvəl başqa işlərimlə əlaqədar fəaliyyətimi dayandırmalı oldum və fəaliyyətimin ləğvi ilə bağlı mərkəzə müraciət etdim. Mən buraya gələndə masaların hamısında vergi ödəyiciləri əyləşmişdi. Növbəm çatanda masaya yaxınlaşıb lazım olan işlərimi rəsmiləşdirdim”.
Vergi ödəyicilərinə xidmət mərkəzlərinin texniki imkanlarının genişləndirilməsi daha çox ödəyiciyə xidmət göstərilməsinə, vergi ödəyicilərinin sərf etdikləri vaxtın isə azalmasına şərait yaradır.
Xavər Novruzova: “Burada göstərilən xidmətlərdən, yaradılan şəraitdən narazı qalmaq olarmı?! Vergi ödəyicilərinə xidmət mərkəzində yaradılmış bu şərait bizim də işimizi xeyli asanlaşdırıb. Vergi və sosial sığorta hesabatlarının bir yerdə təqdim olunması üçün sadələşdirilmiş hesabatlar veririk. Çox sağ olsunlar ki, müraciət edən hər kəsi diqqətlə dinləyir, bu qədər rahat şəkildə xidmət göstərirlər”.
Mənbə: vergiler.az
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
xidmət Vergi ödəyiciləri xidmət mərkəzləri
E-qaimədə ən çox artım bu sektorda olub
E-qaimə üzrə ən çox artım bu sektorda olub
2019-cu ilin yanvar-may aylarında qeyri-neft-qaz sektorunun dövriyyələrində, habelə ƏDV-yə cəlb olunan və elektron qaimə-fakturalarla rəsmiləşdirilən dövriyyələrdə artım dinamikasının yüksəlməsi iqtisadiyyatda şəffaflaşma proseslərinin sürətlənməsini təsdiq edir.
Statistika deyir ki…
Vergilər Nazirliyinin rəsmi məlumatına əsasən, qeyri-neft sektorunda şəffaflaşma proseslərinin sürətlənməsinin nəticəsi olaraq, 2019-cu ilin 5 ayında ötən ilin müvafiq dövrü ilə müqayisədə qeyri-neft sektoru üzrə dövriyyələr 8 faiz artıb. ƏDV dövriyyəsində artım isə 9,6 faiz təşkil edir. Ticarət və ictimai iaşə sektoru daha yüksək artım göstəriciləri nümayiş etdirir. Topdansatış ticarət sektorunda dövriyyə 18,4 faiz, o cümlədən ƏDV dövriyyəsi 24,6 faiz artıb. Pərakəndə ticarət sektorunda dövriyyə daha yüksək templə – 37,3 faiz, o cümlədən ƏDV dövriyyəsi 38,2 faiz artıb. İctimai iaşənin dövriyyəsində isə artım 20,6 faiz təşkil edir. Şəffaflaşmanın nəticələrini əks etdirən daha bir mühüm indikator e-qaimə ilə rəsmiləşən dövriyyələrin artımıdır.
2019-cu ilin 5 ayında ötən ilin müvafiq dövrü ilə müqayisədə qeyri-neft
sektorunda elektron qaimə-faktura ilə rəsmiləşən dövriyyənin
cəmi dövriyyədə xüsusi çəkisi 59,5 faizdən 65,7 faizə yüksəlib
2019-cu ilin 5 ayında ötən ilin müvafiq dövrü ilə müqayisədə qeyri-neft sektorunda elektron qaimə-faktura ilə rəsmiləşən dövriyyənin cəmi dövriyyədə xüsusi çəkisi 59,5 faizdən 65,7 faizə yüksəlib. Qeyri-neft sektorunda elektron qaimə-faktura ilə rəsmiləşən dövriyyənin artan məbləğinin 81,3 faizi ticarət və sənayenin payına düşüb. Bu sektorda dövriyyənin nominal artım tempinin ÜDM-in nominal artım tempini üstələməsi, e-qaimə ilə rəsmiləşən dövriyyənin xüsusi çəkisinin artması gəlirlərin şəffaflaşması və əqdlərin sənədləşməsi səviyyəsinin yüksəlməsini göstərir ki, bu da “kölgə iqtisadiyyatı”nın həcminin azalmasına işarə edir.
2019-cu ilin yanvar-may aylarında istehsal və topdansatış ticarətin toplam dövriyyəsi 16,3 faiz, o cümlədən sektorlar üzrə elektron qaimə-faktura ilə rəsmiləşən toplam dövriyyə 38,3 faiz artıb. Topdansatış ticarətdə elektron qaimə-faktura ilə rəsmiləşən dövriyyə 43,7 faiz, istehsalda isə 30,1 faiz artıb. Topdansatış ticarətdə elektron qaimə-faktura ilə rəsmiləşən dövriyyənin cəmi ticarət dövriyyəsində xüsusi çəkisi 68,9 faizdən 83,6 faizə, istehsalda isə 65,7 faizdən 75,4 faizə yüksəlib.
Vergi daxilolmaları sahəsindəki vəziyyətə dərindən nəzər salsaq,
onda bu sahədə çox ciddi uğurların qazanıldığını aydın görə bilərik
Elektron qaimə-faktura ilə rəsmiləşən dövriyyənin artım tempi həm topdansatış, həm də pərakəndə ticarətdə 43,7 faizə çatıb. Elektron qaimə-faktura ilə rəsmiləşən dövriyyənin həcmində ən yüksək artım templəri kənd təsərrüfatında (91,8 faiz), ticarətdə (43,7 faiz), rabitədə (24,2 faiz), sənayedə (16,9 faiz) və digər fəaliyyət sahələrində (29,9 faiz) müşahidə olunur. Bütün fəaliyyət sahələrində elektron qaimə-faktura ilə rəsmiləşən dövriyyənin cəmi dövriyyədə xüsusi çəkisinin artması qeydə alınıb.
Şəffaflaşma baxımından müsbət proseslərdən biri də pərakəndə ticarətdə və ictimai iaşədə əldə edilən elektron qaimə-fakturaların dəyərinin, müvafiq olaraq, 70,1 faiz və 56,3 faiz artmasıdır.
İqtisadçı rəyi
“Ekonomiks” Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifov bildirib ki, cari ilin son beş ayının statistikasına nəzər salsaq, ölkədə aparılan vergi islahatlarının səmərəliliyini əks etdirən nəticələrin tam pozitiv olduğunu görərik: “Vergilər Nazirliyinin xətti ilə büdcə daxilolmalarına dair proqnozlara 108,3 faiz əməl edilib. Vergi daxilolmaları sahəsindəki vəziyyətə dərindən nəzər salsaq, onda bu sahədə çox ciddi uğurların qazanıldığını aydın görə bilərik”.
F.Yusifov qeyd edib ki, əvvəllər vergi daxilolmaları zamanı sahibkarların növbəti dövrlər üçün vergi ödəmək praktikasından geniş istifadə edilirdi: “İndi daxilolmalar müəssisələrin faktiki fəaliyyəti əsasında ödənilən vergilərdir. Digər tərəfdən, unutmayaq ki, 2018-ci ilin dövlət büdcəsinin ilkin variantı ilə müqayisədə vergi yığımı üzrə proqnozlarda kifayət qədər böyük artımlar baş verib. Deməli, bir qədər dərindən yanaşdıqda, bütövlükdə vergi daxilolmaları sahəsində nə qədər uğurlu nəticələrin əldə edildiyini görmək mümkündür. Bu nəticələr ölkədə aparılan vergi islahatları və Vergilər Nazirliyinin fəaliyyətinin yeni islahatlara uyğun yenidən qurulması nəticəsində mümkün olub”.
Mənbə: vergiler.az