Read More9
Read More9
Oxunma sayı: 163. 827
17 Apr 2019

2500 manat məvaciblə Baş mühasib tələb olunur

by | posted in: İş elanı, muhasibat, Vergi, Xəbər | 0

vakansiya baş mühasibVakansiya: Baş mühasib

İşəgötürən: “AGRICO” MMC

  • Şəhər: Bakı
  • Yaş: 25 – 45 yaş
  • Təhsil: Ali
  • İş təcrübəsi: 5 ildən artıq
  • Əlaqədar şəxs: Məhəmməd bəy
Vakansiya barədə məlumat

– Mühasibat və vergi uçotunun aparılması
– Mühasibat sənədlərinin düzgün tərtib edilməsi
– Bütün növ hesabatların hazırlanması və aidiyyəti orqanlara (Xüsusi Rejimli Vergi Xidməti Departamenti, DSMF və Statiştika Şöbəsi) təqdim edilməsi
– Bank əməliyyatlarının həyata keçirilməsi
– Bazar ertəsi – Cümə: 08:30-dan 17:30-dək
– Şənbə: 10:00-dan 16:00-dək
– İş yeril: Aşağı Güzdək (20 yanvar metro stansiyasından servisimiz var)

Baş mühasib üçün tələblər

– Əmək və Vergi Məcəlləsini yaxşı səviyyədə bilməlidir
– Müvafiq normativ-hüquqi sənədlər, müəssisədaxili normativ sənədlər, iş vaxtının uçotu
– Ən azı 3-5 il iş təcrübəsi (istehsalat, satış)
– Müvafiq normativ-hüquqi sənədlər
– Maya dəyərinin hesablanması qaydaları
– Avans hesablarının təlimatı
– MS Office, 1C proqramlarında sərbəst işləməyi bacarmalıdır

Maraqlanan namizədlər mövzu yerində “Baş mühasib” yazmaqla öz CV-lərini  /  ünvanına göndərə bilərlər.

Mənbə: boss.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
16 Apr 2019

Asan İmza istifadəçiləri üçün yenilik

by | posted in: Xəbər | 0

ASANAzərbaycanda vergi ödəyiciləri Asan İmza-nı bir mobil nömrədən digərinə keçirə bilərlər.

Vergi ödəyiciləri xidmət mərkəzlərinə müraciət edərək Asan İmza-nı bir mobil nömrədən digərinə keçirə bilərlər.

Bunu Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov hüquqi şəxslərin dövlət qeydiyyatı prosedurunun mahiyyəti və üstünlüklərinə həsr edilmiş mətbuat konfransında deyib.

Onun sözlərinə görə, texniki olaraq bu məsələ artıq həllini tapıb.

“Digər bir məsələ hüquqi şəxsin işçiləri ilə bağlıdır ki, bu da çox önəmli bir məsələdir. Çünki əvvəlki hallarda belə idi ki, Əmək və Əhalinin Sosial Müdafiəsi Nazirliyinin sistemi “Asan İmza” ilə təsdiq etdikdən sonra bu məlumatları qəbul edirdi. İndi isə buna ehtiyac yoxdur. Belə ki, elektron ərizədə işçi ilə bağlı bütün məlumatlar doldurularkən birbaşa nazirliyin sisteminə ötürülür və həmin işçi artıq qeydiyyata alınmış hesab olunur”, – deyə Ə. Məmmədov qeyd edib.

Mənbə: fed.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
16 Apr 2019

Maliyyə Nazirliyinin səlahiyyətlərindən biri ləğv edilib

by | posted in: Maliyyə, Xəbər | 0

MaliyyəMaliyyə Nazirliyinin səlahiyyətlərindən biri ləğv edilib

Prezident İlham Əliyev “Nizamnamə kapitalında dövlətə məxsus səhmlər olan bankların və bank olmayan kredit təşkilatlarının idarə edilməsində dövlətin iştirakı qaydası haqqında” 7 avqust 2009-cu il tarixli fərmanına dəyişiklik edib.

Dəyişikliyə əsasən, Maliyyə Nazirliyinin dövlət payının olduğu kredit təşkilatlarının Audit Komitəsinin (Təftiş Komissiyasının) üzvlərinin seçilməsi və onların səlahiyyətlərinə vaxtından əvvəl xitam verilməsi səlahiyyətləri ləğv edilib.
Bax: Könüllülər vergi ödəyicilərinə xidmət göstərəcəklər

Hazırda Nazirlik nizamnamə kapitalında dövlətə məxsus səhmlər olan banklarda və bank olmayan kredit təşkilatlarının Müşahidə Şurasının üzvlərinin seçilməsi və onların səlahiyyətlərinə vaxtından əvvəl xitam verilməsi səlahiyyətinə malikdir.

Mənbə: report.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
16 Apr 2019

Könüllülər vergi ödəyicilərinə xidmət göstərəcəklər

by | posted in: Vergi, Xəbər | 0

Vergilər Nazirliyi “ASAN könüllüləri” ilə birgə yeni layihəyə start verib. Yaxın vaxtlarda könüllü gənclər vergi ödəyicilərinə xidmət mərkəzlərində fəaliyyətə başlayacaqlar. 

Bununla bağlı Binəqədi rayonunda fəaliyyət göstərən Vergi ödəyicilərinə xidmət mərkəzində könüllü gənclərlə nazirliyin rəhbər şəxslərinin görüşü keçirilib.

Bildirilib ki, “ASAN xidmət” mərkəzlərində yaradılan könüllülük ənənəsinin digər dövlət orqanlarında da tətbiqi çərçivəsində Vergilər Nazirliyi həmin gənclərin potensialından öz strukturlarında istifadə edəcək. Layihənin daha bir məqsədi budur ki, gənc kadrlar vergi orqanlarında təcrübə yığsınlar və gələcəkdə vergi orqanlarında işləmək arzularını reallaşdıra bilsinlər.

“ASAN könüllüləri” vergi ödəyicilərinə xidmət mərkəzlərində vətəndaşların qarşılanması, növbə aparatlarından istifadə qaydalarının izah olunması, ödəyicilərə göstərilən xidmətlər barədə onlara məlumatların verilməsi, əlillərin daha asan xidmət almasına dəstək və xidmət müddətində onlara qayğı göstərilməsi, ərizələrin doldurulmasına kömək göstərilməsi, mərkəzlərdə ən çox müraciət olunan elektron xidmətlərin təmini, vətəndaşların məmnunluğunun öyrənilməsi və digər zəruri sorğuların keçirilməsi ilə məşğul olacaqlar. Bunun üçün onlar öncədən təlimatlandırılacaqlar. Könüllülərin xidmət mərkəzlərindəki işinin qiymətləndirilməsi və onlara sertifikatların təqdim edilməsi nəzərdə tutulub. Layihə uğurlu alınarsa, gələcəkdə digər sahələrdə də könüllülərin gücündən istifadə edilə bilər.

Hazırda ölkə üzrə 50-dən çox vergi ödəyicilərinə xidmət mərkəzi fəaliyyət göstərir və onlardan 4-ü paytaxtda yerləşir. Bakı şəhərində fəaliyyət göstərən mərkəzlərdə könüllü kimi çalışmaq üçün ilkin mərhələdə 30 nəfər gənc seçilib.

1 … 1. 870 1. 871 1. 872 1. 873 1. 874 1. 875 1. 876 … 2. 700
error: Content is protected !!