Blog Full

Hər bir insanın aparmalı olduğu 7 siyahı.

Həyatı təşkil etməyin ən sadə və geniş yayılmış üsullarından biri siyahılardır. Biz belə siyahılara o qədər vərdiş etmişik ki, bunların bəşəriyyətin ən əla icadlarından biri olduğu haqqında hətta heç fikirləşmirik də. Bu yazıda biz sizə onların nə olduğunu və hər bir ağıllı insanın hansı siyahıları aparmalı olduğundan  söz açacağıq.

1. Kreativ ideyalar.

   Yaradıcılıq – bu spontan bir prosesdir, onu normalar çərçivəsində aparmaq çətindir. O səbəbdən dəyərli ideyalar, orijinal tapıntılar, qeyri-adi düşüncələrlə bağlı siyahı tutulması, bekar vaxtlarınızda, ağlınıza yeni nəsə gəlməyən məqamlarda dadınıza çata bilər. Axı yaşayıb, yaratmaq lazımdır, bekarçılıqdan nə əldə edə bilərsiniz ki?!

2. Oxumaq lazım gələn kitablar.

   Hər dəfə bir kitabı oxuyub başa çatdıqdırdan sonra uzun müddət mütaliə etmək üçün hansı kitabı seçəcəyinizlə bağlı xeyli əziyyət çəkirsiniz. Yaxşı olmazmı ki, bir siyahı tərtib edəsiniz və ora növbəlilik əsasında oxuyacağınız kitabların adlarını daxil edəsiniz. Həmin siyahıya dostlarınızın, hətta metroda qonşuluqda əyləşən birinin sizə oxumağı tövsiyə etdiyi kitabların adını da daxil edə bilərsiniz. Yeri gəlmişkən, həmin siyahının köməyilə oxuduğunuz kitabların dəqiq sayını və hətta oradan sizə ən faydalı olan fikirləri də xatırlaya bilərsiniz.

3. Maraqlı hadisələr.

   Ən dəhşətlisi odur ki, siz həyatınızda olan, baş verən maraqlı yerlər, təəssüratlar və hadisələrlə bağlı siyahı tutmaq istəyirsiniz və bu zaman dərk edirsiniz ki, həmin siyahını doldurmaq üçün heç bir faktınız yoxdur. Elə bu faktın özü sizi həmin məsələyə yenidən baxmağa və məqsədyönlü şəkildə həyatınızda baş verənləri qələmə almağa motivasiya edə bilər. Heç olmasa, həyatınızın sonrakı dönəmlərində baş verən maraqlı hadisə, təəssürat və yerləri qələmə almağa başlayın.

4. Görüləcək cari işlərin siyahısı.

   Bəli, bu usandırıcı və bayağı görünə bilər, lakin, biz bu növ siyahını diqqətdən qaçıra bilməzdik. Bu bizə gündəlik mühafizəkarlıq kimi görünən işlərin öhdəsindən daha yaxşı gəlməyə, hər yerə vaxtında çatmağa və gecikməməyə kömək edə bilər. Eləcə də səliqəli şəkildə qeyd olunmuş məsələlərin həlli əmək gününün sonunda insana sadəcə hüzur gətirir.

5. Baxmaq üçün film siyahısı.

   Kitablarla bağlı siyahıda olduğu kimi burada da eyni cür planlaşdırma gedir. İndi o qədər boş və mənasız filmlər çəkilir ki, cəfəng şeylərə vaxt itirmək sadəcə əbəsdir. Yaxşı düşünülmüş bir film siyahısı sizi təsadüfi filmləri izləməkdən xilas edəcək və maraqlarınıza cavab verən ekran əsərlərinə baxmaqda sizin yardımçınız olacaq.

6. Arzuların siyahısı.

   Arzularla bağlı böhran yaşanması, həqiqətən zarafat məsələ deyil. Əgər siz bir gözəl anda ümumdünya darıxıdırıcılığı duysanız və dərk etsəniz ki, heç nə etmək istəmirsiniz, bax, bu arzuların böhranı olacaq. Öz arzularınızı sevmək, qorumaq və ölçüb-biçmək lazımdır. Onların daha yaxşı boy atması üçün xüsusi siyahı tutmaq və ora qeyd etmək lazımdır, hansı ki, bu 101 bənddən az olmamalıdır.

7. Anti-siyahı.

   Hamı qarşıda duran məsələlərin həlli ilə bağlı siyahı tutmağa vərdiş edib. Amma, bəzi hallarda heç vaxt etmək lazım gəlməyən işlərin də siyahısını tutmaq, çox faydalıdır. -İçki içmək; Yenidən siqaret çəkməyə başlamaq; Gününü televizor qarşısında keçirmək; Yalan danışmaq. Günü başa vurursan və həmin qara siyahıdakı hər bir bəndə əməl edirsən. Bu o deməkdir ki, düzgün istiqamətdə irəliləyirsən.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.