Blog Full - Muhasibat.Az

Oxunma sayı: 162. 886

30 Okt 2018

Azərbaycanda uçot dərəcəsi aşağı salınıb

by | posted in: Xəbər | 0

Azərbaycan Mərkəzi Bankının (AMB) İdarə Heyəti uçot dərəcəsinin 10%-dən 9,75%-ə endirilməsi, faiz dəhlizinin yuxarı və aşağı həddinin buna müvafiq olaraq+/-2% olması barədə qərar qəbul edib.

Bu barədə AMB-nin sədri Elman Rüstəmov bu gün keçirdiyi mətbuat konfransında məlumat verib.

Bax: Hüquqi şəxsin filialının uçot məlumatlarının dəyişdirilməsi

Xatırladaq ki, qurumun İdarə Heyəti 12 fevral 2018-ci il tarixində uçot dərəcəsinin 15%-dən 13%-ə, faiz dəhlizinin yuxarı həddinin 18%-dən 16%-ə, aşağı həddinin isə 10%-dən 8%-ə endirilməsi, 2018-ci il aprelin 9-da uçot dərəcəsinin 13%-dən 11%-ə endirilməsi, faiz dəhlizinin yuxarı və aşağı həddinin isə +/- 3% səviyyəsində olması, 2018-ci il iyunun 14-də uçot dərəcəsinin 11%-dən 10%-ə endirilməsi, faiz dəhlizinin yuxarı və aşağı həddinin buna simmetrik diapazonda +/-2% səviyyəsində olması, 2018-ci il avqustun 1-də də eyni səviyyədə (uçot dərəcəsinin 10%, faiz dəhlizinin yuxarı həddi 12%, aşağı həddi 8%) saxlanılması barədə qərar qəbul etmişdi.

Mənbə: report.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Mühasibat, Audit və Kadr Xidmətləri üçün linkə daxil olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

30 Okt 2018

Kredit Departamentində Ödənişli təcrübə proqramı

by | posted in: İş elanı, Xəbər | 0

Vəzifə: Kredit Departamentində Təcrübə Proqramı

“Optimal Elektronika” MMC 1997-ci ildə yaradılmışdır. Azərbaycanda BOSCH, Vestel, Samsung, Simfer, Carrier, Singer, Eksen, Aldora Mebel, Konfor Mebel və dünyaca tanınmış digər brendlərin rəsmi distribüteri və satış təmsilçisidir. Keyfiyyətli və geniş çeşidli məhsulların satışını həyata keçirən Optimal Şirkəti müştəriləri üçün audio-video və rəqəmsal texnika, iri və xırda məişət avadanlıqları, mobil telefon, keyfiyyətli və zövqlü mebellər təqdim edir. Təklif etdiyi məhsulların yüksək keyfiyyətinə və müştəriyönümlü satış strategiyasına və satış sonrası göstərdiyi servis xidmətinə görə “Optimal Elektronika” MMC Azərbaycan bazarında aparıcı mövqelərdən birini tutmuşdur. Azərbaycanda ilk dəfə olaraq “Mobil servis” layihəsini həyata keçirməklə bir ilkə imza ataraq müştəri məmnuniyyətinə önəm verdiyini bir daha sübut etmişdir.

“Optimal Elektronika” MMC davamlı olaraq inkişafı üzərində çalışır və bu məqsədlə istedadlı mütəxəssislərin cəlb olunması, onların karyera inkişafı, mütəmadi təhsili, peşəkarlıq səviyyəsinin yüksəldilməsi və işgüzarlıq keyfiyyətlərinin qaldırılması yönümdə fəal iş aparır.

Niyə məhz Optimal?

– Hər bir işçiyə gələcəyin meneceri kimi yanaşırıq!
– Pozitivlik bizim ən böyük uğurumuzdur!
– Kreativ ideyaları yaradırıq!
– İstedadlı gənclərə yol açırıq!

Bax: 1000 manat məvaciblə Mühasib axtarılır

“Optimal Elektronika” MMC Kredit Departamentində Təcrübə Proqramını açıq elan edir.

Tələblər:

Ali təhsil müəssissini yeni bitirməlidir. (Maliyyə, kredit ixtisası üzrə);
Azərbaycan dilində səlist yazmaq və danışmaq bacarığı olmalıdır;
İnkişafa meylli olmalıdır;
Microsoft Office proqramlarını yaxşı bilməlidir.

Bax: Ticarət mərkəzinə Mühasib köməkçisi tələb olunur

Biz Sizə təklif edirik;

Karyera inkişafı;
Əmək Məcəlləsinə əsasən rəsmiləşmə;
6 günlük iş rejimi;
Şirkət hesabına nahar;
Ödənişli təcrübə proqramından fayadalanma imkanı.

Maraqlanan şəxslər CV-lərini müvzu yerində “Kredit Departamentində Təcrübəçi” qeyd etməklə, recruitment@optimal.az / info@finstaff.az ünvanına göndərə bilərlər.

Son tarix: 30.11.2018

Mənbə: jobsearch.az

Bax: Turizm şirkəti mühasib axtarır

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

30 Okt 2018

ƏDV bəyannaməsinin 307-ci sətrində, sadələşdirilmiş vergi ödəyicisi olduğu dövrə aid borcun daxil olması qeyd edilməlidir?

by | posted in: Vergi, Xəbər | 0

Sual: Sualım Sadələşdirilmiş vergi ödəyicisinin ƏDV-yə keçən zaman uçotda yaranan çətinliklə bağlıdır.

A müəssisəsi 01.05.2018-ci il tarixə qədər sadələşdirilmiş vergi ödəyicisi olmuşdur. Müəssisə 01.05.2018-ci il tarixdən ƏDV qeydiyyatına alınmışdır. 01.04.2018-ci il tarixdə A müəssisəsi B müəssisinə 20.000 manatlıq xidmət göstərmişdir. Göstərilmiş xidmətin 5000 manatı 15.04.2018-ci il tarixdə, qalan 15000 manat məbləği isə 18.05.2018-ci il tarixdə ödənilmişdir. 01.05.2018-ci il tarixdən ƏDV qeydiyyatına alındığı üçün müəssisə tərəfindən 2018-ci il 2-ci rüb Sadələşdirilmiş verginin ləğv bəyannaməsi təqdim edilmişdir. Təqdim edilmiş 2018-ci il 2-ci rüb ləğv bəyannaməsində AR VM 219.1-ci maddəsinə əsasən 801-1-ci sətrində 20.000 manat, 804-cü sətirində isə 5000 manat göstərilmişdir, həmçinin müvafiq olaraq Əlavə 1-də 1.4-cü sətirdə debitor borcları üzrə hesabat dövrünün sonuna 15000 manat göstərilmişdir.

Bax: Sosial şəbəkələrdə olan reklamlara görə Qeyri-rezidentə ödənişlər ƏDV bəyannaməsində necə əks etdirilməlidir?

Sual 18.05.2018-ci il tarixdə ödənilmiş 15000 manat (yəni sadələdirilmiş vergi ödəyici olduğu dövrdə göstərdiyi xidmətə görə ödənilmiş) məbləği ƏDV bəyannaməsinin hansı sətirində göstərilməlidir. Aydındır ki 15000 manat məbləğ ƏDV-yə cəlb olunan əməliyyat olmayacaqdır.

Cavab: Bildiririk ki, sadələşdirilmiş verginin ödəyicisi olduğunuz dövrdə göstərdiyiniz xidmətin ödənilməmiş dəyəri (debitor borcu) ƏDV ödəyicisi olduğunuz dövrdə daxil olduqda, həmin dəyər daxil olduğu hesabat rübündə sadələşdirilmiş vergiyə cəlb edilməli, bu barədə Sadələşdirilmiş verginin bəyannaməsi qeyd edilən hesabat rübündən sonrakı ayın 20-dən gec olmayaraq vergi orqanına təqdim edilməli və bəyan edilmiş vergi məbləği həmin müddətdə dövlət büdcəsinə ödənilməlidir.

Bu əməliyyata ƏDV tətbiq edilmədiyi üçün ƏDV-nin bəyannaməsində də əks etdirilmir.

Bax: Vergi Məcəlləsinin 219.1-ci və 221.3-cü maddələri.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Mühasibat, Audit və Kadr Xidmətləri üçün linkə daxil olun.

30 Okt 2018

2018-ci ilin noyabr ayı ərzində vergi orqanına təqdim edilməli olan bəyannamələr və ödənilməli vergilər barədə YADDAŞ

by | posted in: Vergi, Xəbər | 0

2018-ci ilin noyabr ayı ərzində vergi orqanına təqdim edilməli olan bəyannamələr və ödənilməli vergilər barədə

Y A D D A Ş

2018-ci ilin oktyabr ayına görəvergi ödəyiciləri tərəfindən tədiyəçisi olduqları

Əlavə dəyər vergisi bəyannaməsi,
Aksiz bəyannaməsi,
Yol vergisi bəyannaməsi,
Mədən vergisi bəyannaməsi,
Pul vəsaitlərinin nağd çıxarılmasına görə Sadələşdirilmiş verginin bəyannaməsi və
Uduşlardan (mükafatlardan) əldə edilən gəlirdən ödəmə mənbəyində tutulan vergi bəyannaməsi

cari ilin noyabr ayının 20-dən gec olmayaraq vergi orqanına təqdim edilməli və təqdim edilmiş bəyannamələr üzrə hesablanmış vergilər həmin müddətədək tam həcmdə dövlət büdcəsinə ödənilməlidir.

Daşınmaz əmlakın təqdim edilməsi üzrə Sadələşdirilmiş verginin bəyannaməsi cari ilin noyabr ayının 20-dən gec olmayaraq vergi orqanına təqdim edilməlidir (vergi əməliyyat aparıldığı gün – 1 bank günü ərzində ödənilir).

Muzdlu işlə əlaqədar 2018-ci ilin oktyabr ayı üzrə ödəmə mənbəyində hesablanaraq tutulan vergi cari ilin noyabr ayının 20-dən gec olmayaraq dövlət büdcəsinə ödənilməlidir (ƏDV və Sadələşdirilmiş vergi ödəyiciləri bəyannaməni illik – növbəti ildə yanvar ayının 31-dən gec olmayaraq, digər vergi ödəyiciləri 2018-ci ilin 4-cü rübü üzrə bəyannaməni növbəti ildə yanvar ayının 21-dən gec olmayaraq təqdim edirlər).

Xüsusi notariusların 2018-ci ilin oktyabr ayı üzrə hesabladığı gəlir vergisi cari ilin noyabr ayının 20-dən gec olmayaraq dövlət büdcəsinə ödənilməlidir (2018-ci ilin 4-cü rübü üzrə bəyannamə növbəti ildə yanvar ayının 21-dən gec olmayaraq təqdim edilməlidir).

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Əmlak və torpaq vergisinin ödəyiciləri olan müəssisələr

2018-ci il üzrə hesablanmış Torpaq vergisinin qalanını (yarısını) cari ilin noyabr ayının 15-dən gec olmayaraq dövlət büdcəsinə ödəməlidirlər.

2018-ci ilin 4-cü rübü üzrə hesablanmış əmlak vergisinin cari ödəmələrini noyabr ayının 15-dən gec olmayaraq dövlət büdcəsinə ödəməlidirlər.

Qeyd: 20.01.2019-cu il tarixi qeyri-iş gününə təsadüf etdiyindən həmin tarixdə təqdim edilməli bəyannamələrin təqdim edilməsinin son müddəti 21.01.2019-cu il tarixə keçirilmişdir.