Oxunma sayı: 162. 957
25 Okt 2018

Kreditlə və ya lizinq ilə alınan əsas vəsaitlər balansa salına bilərmi?

by | posted in: Xəbər | 0

lizinq ilə alınan əsas vəsaitlərKreditlə və ya lizinq ilə alınan əsas vəsaitlər balansa salına bilərmi?

Sual: Kreditlə və ya lizinq ilə alınan əsas vəsaitlər balansa salına bilərmi? Əgər balansa sala bilərəmsə dəyərini nə qədər göstərməliyəm? Faizlər üstünə əlavə olunurmu?
Aydın Kərimovla mühasibat uçotu kursu

Cavab: Bildiririk ki, Mülki Məcəllənin müddəalarına uyğun olaraq maliyyə lizinqi əsasında lizinq alana verilmiş lizinq obyekti tərəflərin qarşılıqlı razılığı əsasında lizinq verənin və ya lizinq alanın balansında uçota alınmalıdır.

Eyni zamanda bildiririk ki, əsas vəsaitlərin istismara və balansa qəbulu qaydaları ilə bağlı ətraflı məlumat almaq üçün Azərbaycan Respublikasının Maliyyə Nazirliyinə müraciət etməyiniz tövsiyə olunur.

Bax: Mülki Məcəllənin 748-3-cü maddəsi, Azərbaycan Respublikasının Prezidentinin 9 fevral 2009-cu il tarixli, 48 nömrəli Fərmanı ilə təsdiq edilmiş “Azərbaycan Respublikasının Maliyyə Nazirliyi haqqında Əsasnamə”.

Sual: Lizinq zamanı əmlak vergisi və sığorta xərclərini kim ödəməlidir?

Cavab: Bildiririk ki, maliyyə lizinqi əsasında lizinq alana verilmiş lizinq obyekti tərəflərin qarşılıqlı razılığı əsasında lizinq verənin və ya lizinq alanın balansında uçota alınmalıdır. Əmlakın öz balansında uçota almış şəxs Vergi Məcəlləsinin 197-ci maddəsinə müvafiq olaraq əmlak vergisini ödəməlidir.

Eyni zamanda bildiririk ki, lizinq müqaviləsində ayrı qayda nəzərdə tutulmayıbsa, satıcı əmlakı lizinq verənə verdiyi andan lizinq müqaviləsinin müddəti başa çatanadək lizinq obyektini itirilmə (məhv olma), çatışmazlıq və ya zədələnmə risklərindən sığortalamalıdır. Sahibkarlıq (maliyyə) risklərinin sığortası isə lizinq müqaviləsi tərəflərinin razılığı ilə həyata keçirilə bilər. Sığorta edənin öhdəliklərini yerinə yetirən və qazanc götürən tərəflər, həmçinin sığortanın müddəti lizinq müqaviləsi ilə müəyyənləşdirilir. Öz işçilərinin xeyrinə əmlakın zərərdən sığortalanması, habelə xarici sığortaçılar ilə bağlanmış həyat sığortası müqavilələri üzrə sığorta haqları istisna olmaqla, sığortalının ödədiyi sığorta haqları gəlirdən çıxılır.

Mənbə: taxes.gov.az

Həmçinin bax: İcarəyə götürülmüş əsas vəsaitlərin təmir xərclərini nə zaman gəlirdən çıxa bilərik?

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün bu linkə daxil olun.

25 Okt 2018

1000 manat məvaciblə “əmək haqqının hesablanması üzrə mühasib” axtarılır

by | posted in: İş elanı, muhasibat, Xəbər | 0

Əmək haqqının hesablanmasıVəzifə: Əmək haqqının hesablanması üzrə mühasib

İşəgötürən: AZZA Cake House

Vəzifə öhdəlikləri:

1) İşçilərin aylıq əmək haqlarının, gəlir vergisi və sosial sığorta ayırmalarının hesablanması;
2) Əmək haqqı üzrə müxabirləşmələrin verilməsi və hesabların sistemdə yoxlanması;
3) Məzuniyyət haqlarının,  xəstəlik vərəqəsi üzrə ödəmələrin, mükafatların və son haqq-hesab ödənişlərinin hesablanması və ödənişi;
4) DSMF tərəfindən ödənilən müavinətlərın dövlət elektron sistemində işlənməsi;
5) Təhtəl-hesab şəxslərlə hesablaşmaların və ezamiyyə haqlarının yoxlanması və müvafiq vergilərin tutulması;
6) Muzdlu işlə əlaqədar gəlir vergisinin bəyannaməsinin hazırlanması və təqdim olunması;
7) Sosial sığorta ayırmaları üzrə hesabatın hazırlanması və təqdim olunması;
8) İşçilər üçün bank kartlarının sifarişi və əmək haqqı kartları ilə bağlı problemlərin həllində dəstək;
9) İşçilərin əmək haqqı ilə bağlı suallarının vaxtlı-vaxtında cavablandırılması;
10) Əmək haqqı ilə bağlı Vergiləri Nazirliyi, DSMF və Dövlət Statistika Komitəsi tərəfindən tələb olunan məlumatların, ərizələrin hazırlanması və sualların cavablandırılması;
11) Rəhbərliyin digər əlaqədar tapşırıqların yerinə yetirilməsi.

Aydın Kərimovla mühasibat uçotu kursu

Namizədə olan tələblər:

1) Maliyyə, vergi və  ya mühasibat uçotu sahəsində ali təhsil;
2) Müvafiq sahədə ən azı 2 il iş təcrübəsi (hər hansı ERP-də əmək haqqının hesablama təcrübəsi olan şəxslərə üstünlük verilir);
3) Əmək Məcəlləsi və Vergi Məcəlləsi üzrə müvafiq biliklər;
4) Azərbaycan və rus dili bilikləri (ingilis dili bilənlərə üstünlük verilir);
5) Microsoft Ofis proqramlarında sərbəst işləmə bacarığı;
6) Məsuliyyətli, tez öyrənən, ünsiyyətcil olmaq və komandada işləmək bacarığı;
7) İdarəetmə, analitik təhlil və təşkilatçılıq qabiliyyəti.

Bax: 3000 manat məvaciblə Maliyyə Meneceri tələb olunur

Əlavə məlumatlar:

1) Əmək haqqı 900-1000 AZN;
2) Nahar şirkət tərəfindən verilir;
3) 6 günlük iş qrafiki.

Göstərilən tələblərə cavab verən namizədlər öz CV–lərini   elektron ünvanına, mövzu hissəsində vəzifənin adı “Əmək haqqı üzrə mühasib” qeyd olunmaqla, göndərə bilərlər.

Mənbə: jobsearch.az

Bax: 1500 manat məvaciblə Auditor tələb olunur

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

24 Okt 2018

İşəgötürənin ödədiyi məcburi dövlət sosial sığorta haqları azaldılır

by | posted in: Xəbər | 0

sığorta haqlarıMəcburi dövlət sosial sığorta haqları üzrə ümumi yükün işəgötürən və işçi üzərinə düşən nisbətlərin tənzimlənməsi ilə bağlı islahat aparılacaq.

Məlumat 2019-cu ilin dövlət büdcə zərfində öz əksini tapıb. Belə ki, neft-qaz sahəsində fəaliyyəti olmayan və qeyri-dövlət sektoruna aid edilən sığortaedənlərdə işləyənlərə münasibətdə sosial sığorta haqqı dərəcəsinin aylıq gəlir məbləği 200 manatadək olduqda işçi üzrə 3%, işəgötürən üzrə 22%, aylıq gəlir məbləği 200 manatdan çox olduqda isə işçi üzrə 6 manat və 200 manatdan yuxarı olan hissəsinin 10%-i, işəgötürən üzrə 44 manat və 200 manatdan yuxarı olan hissəsinin 15%-i həddində müəyyənləşdirilməsi nəzərdə tutulub.

Bax: Bəzi vergi ödəyicilərinə gəlir vergisi üzrə güzəştlər ediləcək

“Təklif olunan islahatın tətbiqi nəticəsində dövlət büdcəsinin fiziki şəxslərin gəlir vergisi üzrə daxilolmaların ilkin olaraq azalması ehtimal olunur. Bununla belə növbəti illərdə iqtisadi fəaliyyətin stimullaşdırılması, iş yerlərinin “kölgədən çıxması” və müvafiq olaraq ödənilən əmək haqlarının şəffaflaşdırılması, habelə vergi inzibatçılığının təkmilləşdirilməsi hesabına həmin azalmanın aradan qaldırılmasına və bedcə daxilolmalarının artaraq mövcud səviyyəni üstələməsinə şərait yaranacaq”, – deyə büdcə zərfində vurğulanıb.

Büdcə zərfinin ilkin layihəsində qeyd olunub ki, həyata keçirilən islahatla sosial sığorta və işsizlikdən sığorta haqlarının vaxtında və tam həcmdə hesablanmasına və ödənilməsinə nəzarət vergi orqanları tərəfindən təmin ediləcək.

Mənbə: report.az

Bax: Azərbaycanda şirkət yaratmaq istəyən əcnəbilərə şad xəbər

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.       

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

24 Okt 2018

Azərbaycanda şirkət yaratmaq istəyən əcnəbilərə şad xəbər

by | posted in: Xəbər | 0

şirkət yaratmaq“Azərbaycanın səfirlikləri və diplomatik nümayəndəlikləri vasitəsilə ilə qeyri-rezidentlərə elektron imzanın verilməsi qaydasına əsasən elektron rezidentliyi həyata keçirdik”.

Bunu Bakıda keçirilən “Rəqəmsal Ticarət Qovşağının ikinci beynəlxalq konfransı: Elektron və Mobil Rezidentlik Proqramının Açılış Mərasimi”nində jurnalistlərə açıqlamasında Rəqəmsal Ticarət Qovşağının meneceri Nicat Əsədli deyib.

Bax: Bəzi vergi ödəyicilərinə gəlir vergisi üzrə güzəştlər ediləcək

Onun sözlərinə görə, proqramın ümumi ideyası ondan ibarətdir ki, elektron və mobil rezidentlər Azərbaycana gəlmədən bunu identikləşdirərək Azərbaycanın rəqəmsal vətəndaşlığını əldə edirlər. Son nəticədə onlar Azərbaycanda təqdim olunan bütün elektron xidmətlərdən ölkəyə gəlmədən, heç bir miqrasiya prosesindən keçmədən istifadə edə bilərlər.

“Bu xidmət vasitəsilə onlar ölkədə yeni şirkətin qeydiyyatı apara, müxtəlif ödənişlər həyata keçirə, sənədləri təsdiq etdirə, bütün vergiləri onlayn ödəyə bilərlər”, – deyə o, qeyd edib.

Bax: Gələn il üçün yaşayış minimumu məlum olub

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.       

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

1 … 2. 103 2. 104 2. 105 2. 106 2. 107 2. 108 2. 109 … 2. 700