Oxunma sayı: 137. 733
13 Apr 2021

Rəqəmsal tipli iqtisadiyyatın mahiyyəti (II hissə)

by | posted in: Xəbər | 0

Rəqəmsal tipli iqtisadiyyat

İnformasiya cəmiyyətinin rəqəmsal iqtisadiyyatının inkişafı tendensiyaları və problemləri

1960-cı illərdə dünyanı bürümüş və bu günə qədər də davam edən rəqəmsal inqilab, rəqəmsal iqtisadiyyata keçidin və informasiya cəmiyyətinin formalaşmasının bünövrəsinə çevrilib.

Birinci mərhələdə, rəqəmsal inqilabın ortaya çıxmasının başlanğıcında, texnologiyaların və iş proseslərinin avtomatlaşdırılmasına keçid baş verdi. Sonra isə demək olar ki, sonsuz imkanlar açan İnternet yaradıldı. Mobil rabitə peyda oldu. İnternetin bütün dünya üzrə yayılması sosial şəbəkələrin və “messenger”-lərin inkişafına kömək etdi.

Nəticədə rəqəmsal texnologiyaların yayılması təkcə iqtisadi prosesləri deyil, cəmiyyətin həyat tərzini də dəyişdirə bildi. Bu gün, o, daha çox məlumat xüsusiyyətləri əldə edib.

İnformasiya cəmiyyətinin inkişafı rəqəmsal tipli iqtisadiyyatın qurulması və ümumi robotlaşma ilə sıx bağlıdır. Onun əsasını İKT-dən istifadə təşkil edir. Cəmiyyət üçün irəli sürülən və onu xarakterizə edən əsas tələblər aşağıdakılardır:

  • əməyin xarakterinin dəyişilməsi (intellektual, yaradıcı əməyin rolunun artırılması);
  • məşğulluğun xarakterinin dəyişilməsi (müasir İKT-lər vasitəsilə məsafədən çalışma);
  • təhsil səviyyəsinə və peşə ixtisasına olan ümumi tələblərin artırılması.

Bu gün bilik və məlumatlar, onları təqdim etmək bacarığı, vaxtında emal etmək və onlardan istifadə etmək qabiliyyəti daha çox dəyərləndirilir. Əməyin öz xarakteri və əmək münasibətləri dəyişir. Biznes-proseslər daha çox onlayna keçirilir, özü də bu cəmiyyət həyatının bütün sahələrinə aiddir.

I hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

13 Apr 2021

İnternat evlərinə yardım göstərən hüquqi şəxsə vergi güzəşti tətbiq edilirmi?

by | posted in: Xəbər | 0

gəlir vergisi, gelir vergisi,Hüquqi şəxs Təhsil Nazirliyinin tabeliyində olan xüsusi internat evlərinə köçürmə yolu ilə deyil, natura şəklində yardım göstərmək niyyətindədir. Vergi Qanunvericiliyinə görə bu əməliyyat üzrə vergi güzəşti tətbiq olunurmu və natura şəklində internat evlərinə verilən mallara görə elektron qaimə-faktura təqdim edilməlidirmi?

Dövlət Vergi Xidmətindən bildirilib ki, hüquqi şəxs tərəfindən internat məktəblərinə yardım natura formasında göstərildiyindən Vergi Məcəlləsinin 106.1.18-ci maddəsi ilə müəyyən edilmiş vergi güzəşti təşkilata tətbiq edilmir.

Bununla yanaşı, vergi qanunvericiliyinin müddəalarına əsasən, sorğuda qeyd olunan halda hüquqi şəxs tərəfindən internat məktəblərinə natura formasında yardımın göstərilməsi (uşaq yeməklərinin əvəzsiz qaydada verilməsi) malların təqdim edilməsi hesab olunur. Həmin mallara görə isə vergiödəyicisi olan qarşı tərəfə elektron qaimə-faktura təqdim edilməlidir. Təqdim edilən malların elektron qaimə-fakturada yardım kimi verilməsinin qeyd olunmasına qanunvericilikdə məhdudiyyət nəzərdə tutulmayıb.

Həmçinin hüquqi şəxs tərəfindən natura formasında yardımın verilməsi (uşaq yeməklərinin əvəzsiz təqdim edilməsi) Vergi Məcəlləsi ilə müəyyən edilmiş qaydada malların təqdim edilməsi hesab edilir, ƏDV-nin və mənfəət vergisinin vergitutma obyektini yaradır.

Mənbə: vergiler.az

Bax:

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

12 Apr 2021

Dövlət Vergi Xidməti mühasiblərlə onlayn görüş keçirib

by | posted in: Xəbər | 0

Vergi inzibatçılığı, Rəqəmsal vergi idarəetməsi, elektron dövlət qeydiyyatı, icbari tibbi sığorta, Rəqəmsal Transformasiya Şurası, alt fəaliyyət növləri, Vergi orqanları, ikiqat vergitutma, Dövlət Vergi Xidməti, vergi sistemi, DVX, vergi xidməti, peşə bayramı,işə qəbul, DTA-03 ərizə forması, DTA-05 ərizə forması, ərizə formaları, Müvəqqəti vergi rejimi, Sosial sığorta haqqı, Nəqliyyat vasitələrinin fəaliyyəti, Vergi Xidməti, Vergi bəyannamələri, icarə müqaviləsi, Obyekt kodu, İcarə müqaviləsi, sərəncam, sahibkar, onlayn növbə, Könüllü vergi ödəyicisi, Bəyannamələrin elektron forması, Vergi güzəştləri, bəyannamə formaları, Fərdi sahibkarlar, maliyyə dəstəyi, ƏDV-nin qaytarılması, Riskli vergi ödəyiciləri, elektron alış aktı, alış aktları, Vergi ödəyicilərinin qəbulu, qeyri-rezident, ödənilmiş vergilər, vergi hesabatları, vergi hesabatlarının vaxtıİqtisadiyyat Nazirliyi yanında Dövlət Vergi Xidmətinin biznes assosiasiyaları ilə keçirdiyi müzakirələrin davamı kimi bir sıra kommersiya qurumlarının mühasiblərinin və mühasibatlıq xidmətləri həyata keçirən şirkətlərin nümayəndələrinin iştirakı ilə onlayn formatda görüş keçirilib.

Bu barədə qurumdan bildirilir.

Məlumatda deyilir ki, qanunvericiliyin icra mexanizmlərinin effektivliyinin artırılması əlverişli biznes mühitinin formalaşdırılmasında böyük əhəmiyyət daşıyır. Bu baxımdan, vergi ödəyiciləri, biznes assosiasiyaları ilə qarşılıqlı əməkdaşlıq, vergi sahəsində qarşıya çıxan məsələlərin müzakirə edilməsi və təkliflərin öyrənilməsi, qanunvericilik və inzibatçılığın təkmilləşdirilməsi vacib amillərdəndədir.

Tədbirin keçirilməsində əsas məqsəd iş prosesi zamanı mühasiblərin qarşılaşdıqları inzibati və texniki problemlərin müzakirə olunması, müvafiq izahların verilməsi və ya düzəlişlərin edilməsi olub. Görüşdə bir sıra bölmələr üzrə – elektron qaimə-faktura, şəxsi hesab vərəqəsi, elektron kabinet, sərəncamların icrası, idxal əməliyyatları üzrə rəsmiləşdirmələr və s. mövzularda toplanmış və emal edilmiş 100-ə yaxın fərqli təklif ətraflı müzakirə edilib. Tədbirdə sadalanan bir sıra problemlərin artıq öz həllini tapdığı, bir qisminin həll edilməsi üçün zəruri düzəlişlərin tətbiq olunacağı, bəzi təkliflərin isə texniki imkanlar nəzərdən keçirildikdən sonra mərhələli şəkildə təmin ediləcəyi diqqətə çatdırılıb.

Səmərəli keçən görüşdə sahibkarlıq subyektlərinin inzibatçılıq yüklərinin azaldılması və optimallaşdırılması istiqamətində tədbirlərin davamlılığı, dövlət-biznes münasibətlərində dialoq platformasının bundan sonra da inkişaf etdiriləcəyi vurğulanıb.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

12 Apr 2021

Dünya iqtisadiyyatında qadın rəhbərlərin rolu (I hissə)

by | posted in: Xəbər | 0

Dünya iqtisadiyyatında qadın rəhbərlər

Dünya iqtisadiyyatı hər il kişilərə görə trilyonlarla dollar itirir. Qadınlar vəziyyəti necə düzəldəcəklər?

Son illər bütün dünya üzrə şirkətlərin rəhbərliyində daha çox qadınlar təmsil olunurlar. Qadın rəhbərlər firmalara daha çox gəlir gətirirlər və mürəkkkəb tapşırıqlı işlərin öhdəsindən ümumilikdə daha yaxşı gəlirlər. Lakin gender bərabərliyindəki uğurlar hazırda təhlükə altındadır, çünki koronavirus böhranından ən çox zərbə alan sənaye sahələrində fəal iştirak edən qadınlardır. Epidemiya qadınların uğurlarını nəzərəçarpacaq dərəcədə geri atıb və onların hüquqlarını pozub. Bu da dünya iqtisadiyyatı üçün trilyonlarla dollarlıq itkiyə səbəb ola bilər.

Yumşaq güc

Bu gün demək olar ki, bütün beynəlxalq şirkətlər rəngarənglik prinsipinə – özü də təkcə irqi, dini, mədəni, yaş müxtəlifliyinə deyil, həm də gender prinsipinə əməl edirlər. Bütün dünya üzrə direktorlar şuralarında qadın nümayəndələrin sayı artmaqdadır, amma, onların arasında sədr postunu tutanların sayı hələ də böyük deyil. Direktorlar şuralarındakı yerlərin 12 faizi qadınların payına düşür. Lakin onlar yalnız direktolar şurasının yalnız 4 faizinə rəhbərlik edirlər.

Trend son bir neçə ildə sürət götürməyə başlayıb: 2021-ci ildə qadınlar Fortune 500 (bu siyahıya ümumi gəlirinə görə 500 ən nəhəng amerikan korporasiyaları daxildir) siyahısından olan 41 şirkətə başçılıq edirlər. 2018-ci ildə isə CEO mövqeyinə cəmi 28 qadın iddia edirdi. Qadın-rəhbərlərin sayına görə Avropa ölkələri lider olaraq qalırlar, uzun illər birinciliyi İsveç qoruyub saxlayırdı. Lakin 2021-ci ildə bu ölkə öz mövqeyini itirib və yerini Fransa və Norveçə verib: bu ölkələrdə şirkətlərin rəhbərliyində təmsil olunan qadınların payı müvafiq olaraq 45 və 40 faiz, İsveçdə isə 38 faiz təşkil edir.

Lider dəyişikliyi dövlət siyasəti ilə izah olunur: Fransa və Norveçdə kvotalar tətbiq edilib, belə ki, korporasiyaları 40 faizlik həmin kovotaya məcburi əməl etməlidirlər. Almaniya da belə bir taktika seçib: indi üç və daha artıq adamdan təşkil olunan direktorlar şurasında ən azından bir nəfər qadın olmalıdır. İtaliyada ictimai və dövlət şirkətlərinin idarə heyəti və müşahidə şuralarının üzvləri arasında qadınların sayı 33 faizdən az olmamalıdır, Avstriyada isə dövlət təşkilatlarının rəhbərliyində 35 faiz qadınlar təmsil olunmalıdırlar.

II hissəyə nəzər yetirmək üçün keçidə daxil olun

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

1 … 983 984 985 986 987 988 989 … 2. 683