“Tesla” şirkətinin qurucusu və sahibi Elon Musk, ötən ilin yekunlarına görə ABŞ-da ən yüksək ödəniş edilən baş direktor olub. Sözügedən reytinq “Forbes” jurnalında dərc edilib.
2018-ci ildə Musk “Tesla” şirkətində öz əmək haqqından imtina etmişdi. Bunun əvəzində isə o, işlədiyi şirkətdə səhmlərə görə opsionlar qismində mükafat əldə edir. “Forbes” jurnalı 2020-ci ildə sahibkarın avtomobil konserninin səhmlərinə görə 11 milyard dollar dəyərində opsionlar əldə etdiyi barədə məlumat verib.
Reytinqdə ikinci yeri 211 milyon dollarla “Paycom” biznes üçün proqram təminatının tərtibatçısı Chad Richison tutub. Üçüncü yerdə 199 milyon dollarla “1Life Healthcare” tibb şirkətinin baş direktoru Amir Den Rubin qərarlaşıb.
Bundan əvvəl “Tesla” şirkətinin 2021-ci ilin birinci rübünü rekord gəlirlə başa vurduğu məlum olmuşdu. Qazanc ötən ilin analoji dövrü ilə müqayisədə (16 milyon dollar) 27 dəfə artaraq, yanvar-mart ayları ərzində (hər səhmə görə 0,39 dollar) 438 milyon dollar təşkil etmişdi.
Gəlir 5,99-dan 10,39 milyard dollara yüksəlib. Lakin hesabat dərc olunduqdan sonra istehsalçının səhmlərinin dəyəri 3,1 faiz azalıb, çünki şirkət bu il üçün avtomobil tədarükü ilə bağlı konkret rəqəm göstərməyib.
TELEGRAM KANALIMIZA ÜZV OLUN
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN
Mühasibat, Audit və Kadr Xidmətləri üçün linkə daxil olun
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun
