Sual: AR VM-nin 164.1.37-ci maddəsinə əsasən quş ətinin satışı əlavə dəyər vergisindən azaddır. İşlədiyim müəssisə idxal olunmuş quş ətini onu idxal edən təchizatçıdan ƏDV-li qiymətlə alır. Sualım budur ki, işlədiyim müəssisə bu quş ətini əlavə dəyər vergisinə cəlb etmədən satmalıdır, yoxsa ƏDV-yə cəlb etməlidir? Ümumiyyətlə, sözügedən maddə Azərbaycan istehsalı olan quş ətinə aiddir? (Quş ətinin idxalı)
Cavab: Bildiririk ki, quş ətinin satışı 01.01.2017-ci il tarixdən 3 il ərzində əlavə dəyər vergisindən azad edilmişdir və müraciətinizdə qeyd olunan müəssisənin quş ətinin satışından əldə etdiyi gəlirlər ƏDV-dən azaddır.
Lakin quş ətinin idxalı əlavə dəyər vergisindən azad edilmədiyi üçün həmin məhsulların idxalı ƏDV-nin vergitutma obyekti hesab olunur.
Müəssisənin ödədiyi əlavə dəyər vergisini əvəzləşdirmək hüququ olmadığı üçün əvəzləşdirilə bilməyən əlavə dəyər vergisi məbləği məhsulun maya dəyərinə aid edilir.
Vergi Məcəlləsinin 159.8-ci maddəsinin müddəalarına əsasən, əlavə dəyər vergisindən azad edilən, lakin əlavə dəyər vergisi tətbiq etməklə aparılan əməliyyatlar əlavə dəyər vergisinin vergitutma obyekti sayılır.
Əsas: Vergi Məcəlləsinin 159.8-ci və 164.1.37-ci maddələri.
Mənbə: taxes.gov.az
Bax:
-
Alıcı biznes kartla Pos-terminaldan ödəniş edib, sonra e-qaimə tələb edə bilər?
-
Xaricə mal satışı zamanı bank hesablaşmaları
-
Təsisçinin borcu nağd şəkildə qaytarıla bilər?