İT mütəxəssisləri üçün yeni vergi güzəşti tətbiq olunacaq.
Bu, Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirəyə çıxarılan Vergi Məcəlləsinə təklif edilən dəyişiklikdə əksini tapıb.
Qüvvədə olan qanuna əsasən, 2026-cı il yanvarın 1-dən 7 il müddətində texnologiyalar parkının rezidenti kimi texnologiyalar parkından kənar fəaliyyət göstərən sistem inteqrasiyası, proqram təminatının hazırlanması və inkişaf etdirilməsi fəaliyyətini həyata keçirən vergi ödəyicilərində bu sahə üzrə işləyən mütəxəssislərin muzdlu işdən əldə edilən aylıq gəlirlərindən gəlir vergisi aylıq gəlirin 5 faizi həcmində tutulur.
Layihəyə əsasən, 2026-ci il iyulun 1-dən 20 il müddətində bu mütəxəssislərin muzdlu işdən əldə edilən aylıq gəlirlərindən gəlir vergisi tutulmayacaq, vergi dərəcəsi 0 faiz olacaq.
Mənbə: iqtisadiyyat.az
