ABŞ-ın ən zəngin şəhəri olan Nyu-York sakinlərinin ümumi sərvəti son bir ildə koronavirus pandemiyasının nəticələrinə görə təxminən 336 milyard dollar (13 faiz) azalmışdır. Bu haqda Webster Pacific and New World Wealth-ın tədqiqatlarına istinadən Bloomberg agentliyi məlumat verib.
Ölkənin böyüklüyünə görə ikinci şəhəri sayılan San-Fransisko isə 105 milyard dollar (beş faiz) kasıblayıb. Orada milyarderlərin sayı iki nəfər (43 nəfərə kimi) azalıb, Nyu-Yorkda isə milyarder sayı beş nəfər (hazırda 60 nəfərdir) azalıb. İyunun 30-na olan vəziyyətə görə ölkə sakinlərinin payına 58 trilyon və ya bütün dünya sərvətinin 30 faizinə yaxını düşür. Orta hesabla hər bir insana 178 min dollar.
İş yerlərinin itirilməsi, gəlir səviyyəsinin və elit daşınmaz əmlakın dəyərinin azalması, 2020-ci ilin birinci yarısında ABŞ-da doqquz faiz səviyyəsində ümumi sərvətin azalmasına gətirib çıxarıb. Lakin ABŞ digər ölkələrlə müqayisədə daha yaxşı vəziyyətdədir, hesabatda belə deyilir. Belə ki, dünyada rifah səviyyəsi 14 faiz, Rusiya və Braziliyada isə 20 faiz aşağı düşüb.
İkinci rübdə Amerika iqtisadiyyatı müharibədən sonrakı dövrdə ən böyük tənəzzülə uğramışdır. ÜDM keçən ilin eyni dövrü ilə müqayisədə 32,9 faiz azalıb.