Azərbaycan Respublikasının Auditorlar Palatası Şurasının növbəti iclası keçirilmişdir.
2017-ci il 29 dekabr tarixində Azərbaycan Respublikası Auditorlar Palatasının növbəti Şura iclası keçirilmişdir. Şura üzvlərinin və Palata Şurası yanında Komitə sədrlərinin iştirak etdiyi Şura iclasında aşağıdakı məsələlər müzakirə edilmiş və müvafiq qərarlar qəbul edilmişdir:
1. Auditor xidmətinin keyfiyyətinə kənar nəzarətin aparılması və onun nəticələrinə dair icmalın hazırlanması barədə;
2. Auditor xidmətinin normativ hüquqi bazasının təkmilləşdirilməsi barədə;
3. Məcburi auditdən yayınmanın qarşısının alınması ilə bağlı tədbirlərin həyata keçirilməsi barədə;
4. Azərbaycanda auditor xidməti bazarının təhlili barədə.
Auditorlar Palatası müstəqil maliyyə nəzarəti orqanıdır. Auditorlar Palatasının əsas vəzifəsi mülkiyyət formasından asılı olmayaraq bütün təsərrüfat subyektlərində maliyyə və mühasibat uçotunun dəqiq və dürüst aparılmasını təmin etmək məqsədilə ölkədə auditor xidmətinin işini təşkil etməkdən və mövcud qanunvericiliyə uyğun olaraq, onun inkişafı və fəaliyyətinin təkmilləşdirilməsi üçün tədbirlər həyata keçirməkdən ibarətdir.
