Blog Full - Muhasibat.Az

Oxunma sayı: 137. 208

6 Yan 2021

Azərbaycanda bələdiyyə torpaqlarına görə vergi ödənilməsi qaydası dəyişdi

by | posted in: Xəbər | 0

Prezident İlham Əliyev “Bələdiyyə torpaqlarının idarə edilməsi haqqında qanun”da dəyişiklik edilməsi barədə qanunu imzalayıb.

Dəyişikliyə əsasən, bundan sonra digər təyinatlı bələdiyyə torpaqları üzrə torpaq sahəsinin hər 100 kvadratmetrinə görə verginin məbləği Vergi Məcəlləsi əsasında müəyyən ediləcək.

İndiyə qədər həmin məbləğ ləğv olunmuş şərti maliyyə vahidinin (1,1 manat) müəyyən misli ilə müəyyən olunurdu.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

6 Yan 2021

“Mühasibat uçotu haqqında” Qanuna dəyişiklik edildi

by | posted in: Xəbər | 0

“Mühasibat uçotu haqqında” Azərbaycan Respublikasının Qanununda dəyişiklik edilməsi barədə Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 27-ci bəndini rəhbər tutaraq qərara alır:

“Mühasibat uçotu haqqında” Azərbaycan Respublikasının Qanununda (Azərbaycan Respublikasının Qanunvericilik Toplusu, 2004, № 8, maddə 605; 2008, № 12, maddə 1049; 2010, № 4, maddələr 265, 276; 2012, № 6, maddələr 512, 529; 2013, № 1, maddə 18; 2015, № 7, maddə 819; 2016, № 10, maddələr 1601, 1609, № 11, maddə 1754; 2017, № 3, maddə 333; 2018, № 6, maddə 1179; 2019, № 1, maddə 28, № 4, maddə 599, № 5, maddə 797, № 8, maddə 1365) aşağıdakı dəyişikliklər edilsin:

1. 3.2-ci maddənin ikinci cümləsindən hər iki halda, 9-cu maddənin adından, 9.1-ci maddənin birinci abzasından, 9.1.1-ci maddədən, 9.1.2-ci maddənin ikinci cümləsindən və 9.2-ci maddədən “və kiçik” sözləri çıxarılsın.

2. 3.4-cü maddəyə “iri” sözündən sonra “, orta” sözü əlavə edilsin.

3. 10-cu maddənin adında, 10.2-ci, 10.3-cü, 10.4-cü və 10.5-ci maddələrdə “və orta” sözləri “, orta və kiçik” sözləri ilə əvəz edilsin.

4. 10.1-ci maddəyə “İri” sözündən sonra “və orta” sözləri əlavə edilsin.

5. 10.1.1-ci maddənin ikinci cümləsinə “iri” sözündən sonra “ və orta” sözləri əlavə edilsin.

6. 10.1-1-ci maddənin birinci abzasında “Orta” sözü “Kiçik” sözü ilə əvəz edilsin.

7. 10.1-1.2-ci maddənin ikinci cümləsində və 10.1-2-ci maddədə “orta” sözü “kiçik” sözü ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 22 dekabr 2020-ci il.

Mənbə: president.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

6 Yan 2021

Hesablama Palatası: DSMF və vergi orqanları əməkdaşlığı genişləndirməlidir

by | posted in: Xəbər | 0

“Dövlət sosial müdafiə fondunun 2021-ci il büdcəsi haqqında” qanun layihəsində “Fondun büdcəsinin balanslaşdırılması məqsədilə ayrılan vəsait” anlayışının mövcud normativ-hüquqi aktlara uyğunlaşdırılması zəruridir. Bunu Hesablama Palatası qanun layihəsinə verdiyi rəydə bildirib.

Qurum həmçinin

– Ölkədə dövlət vəsaitləri üzərində hesabatlılığın tamlığının təmin edilməsi, maliyyə inzibatçılığının gücləndirilməsi, həmçinin “Hesablama Palatası haqqında” qanunun tələblərinin icrasına şəraitin yaradılması məqsədilə büdcədənkənar dövlət fondlarının büdcələrinin icrasının, dövlət büdcəsində olduğu kimi, qanunla təsdiq edilməsini, həmçinin bu fondların layihələrinin Milli Məclisə təqdim edilməsi prosesi üzrə normalarının müəyyən olunmasını;

– Məcburi dövlət sosial sığorta haqları ilə bağlı hesabatlılığın gücləndirilməsi məqsədilə Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu (DSMF) və İqtisadiyyat Nazirliyi yanında Dövlət Vergi Xidməti arasında əlaqələndirmə və məlumat mübadiləsinin daha da genişləndirilməsi istiqamətində müvafiq tədbirlərin görülməsini;

– Fondun gəlirlərinin tədiyyə növləri üzrə düzgün bölüşdürülməsi üçün müvafiq tədbirlərin həyata keçirilməsini;

– Fondun büdcəsinin maliyyə dayanıqlılığının artırılması, öz xərclərini öz gəlirləri hesabına ödəmə qabiliyyəti və hətta gəlirlərin xərclərdən artıq hissəsindən məqsədli istifadə baxımından müvafiq büdcələrin öhdəliklərinin dəqiq müəyyənləşdirilməsi və maliyyələşdirmənin də həmin öhdəliklərə müvafiq həyata keçirilməsini;

– Fondun gələcək dövrlərdə maliyyə dayanıqlılığının təmin edilməsi üzrə potensialının müəyyyənləşdirilməsində əsas elementlərdən hesab edilən sığorta ehtiyatlarının tərkibi və onlardan istifadə üzrə hesabatlılığın formalaşdırılması;

– Əlilliyə görə əmək pensiyası hüququnun qazanılması üçün tələb kimi pensiyanın minimum məbləğinin tam deyil, müəyyən faiz nisbəti ilə nəzərə alınması məsələsinə baxılmasını;

– Keçmiş dövrlərdə yaranmış pensiya hüquqları üzrə pensiyaçılara ödənilməli olan vəsaitlərin hesablanması və ödənilməsi istiqamətində hesabatlılığın və inzibatçılığın gücləndirilməsini;

– Məcburi dövlət sosial sığorta haqları vəsaiti hesabına ödənilən müavinətlərin ayrı-ayrı növlərinin maliyyələşdirilməsi üzrə növbəti il üçün proqnozlaşdırılan vəsaitin məbləğinə yenidən baxılmasını tövsiyyə edib.

Rəy Hesablama Palatası Kollegiyasının 22 dekabr tarixli qərarı ilə təsdiq edilib.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN

Mühasibat, Audit və Kadr Xidmətləri üçün linkə daxil olun

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

6 Yan 2021

Kapital Bank-la onlayn satışlar daha rahat və sərfəlidir

by | posted in: Xəbər | 0

Cari ildə ölkədə xüsusi karantin rejiminin tətbiqi nəticəsində, müştərilərlə birbaşa təması minimuma endirmək məqsədilə bir sıra mağazalar onlayn fəaliyyət göstərir. Bunu nəzərə alaraq Kapital Bank-la əməkdaşlıq etmək istəyən Elektron Ticarət (e-Commerce) ilə məşğul olan şirkətlər bir sıra endirim və güzəştlərdən bəhrələnə bilərlər.

Belə ki, e-Commerce sahəsində Kapital Bank-la əməkdaşlıq etmək istəyən sahibkarlara, dövriyyələrindən asılı olaraq xidmət komissiyalarına 0,7%-dən başlayan tariflər təqdim edilir. Bundan başqa xidmətə qoşulma, aylıq/illik xidmət haqqı, texniki dəstək, Müştəri Bank sisteminə qoşulma tam olaraq pulsuz təqdim edilir.

Müraciət etmək istəyənlər (+994 50) 245 10 60, (+994 51) 206 52 49 nömrələri və ya ünvanı ilə əlaqə saxlaya bilərlər. Xidmətlər barədə ətraflı məlumatı saytdan əldə etmək olar – https://kbl.az/e-commerce.

Bundan başqa sahibkarlar qapıda ödəniş etmək istəyən müştərilər üçün yeni nəsil Smart kassaları da Kapital Bank-dan əldə edə bilərlər. Yeni nəsil “ağıllı” kassalar – POS terminal xidməti, kassa aparatı, NFC (təmassız), QR, taksitlə (aylara bölünərək ödəmə) ödənişlərin qəbulu, Cash-back və millərin dərhal hesablanması, BirBank ürəklər və ya analoji digər loyallıq sistemləri üzrə əməliyyatların aparılması, anbarda olan qalıq məhsullara nəzarət, Bar kodun oxunması, müştəri imzasının touch screen ekranda qoyulması və sair digər funksiyalara malikdir.

Azərbaycanda ən böyük filial şəbəkəsinə malik olan Kapital Bank, 102 filialı və 19 şöbəsi ilə müştərilərin xidmətindədir. Bankın məhsul və xidmətləri barədə daha ətraflı məlumat almaq üçün www.kapitalbank.az saytına, 196 Sorğu Mərkəzinə və ya Bankın müxtəlif sosial şəbəkələrdə olan səhifələrinə müraciət edə bilərsiniz.