İsveçin karantindən imtina etməsinin uğuru izah edildi
İsveç iqtisadiyyatı böhranı digər ölkələrin iqtisadiyyatlarından daha yaxşı yaşaya bilər. Bunu Svenska Dagbladet qəzetinə müsahibəsində İsveçin keçmiş maliyyə naziri Anders Borq bəyan edib. Karantindən imtina etməklə yanaşı, ekspertlər ölkənin turizmdən zəif asılılığını və inkişaf etmiş sosial müdafiə proqramları ilə uğur qazanmasını da izah ediblər.
Borg əmindir ki, İsveç rüb ərzində ÜDM-in enməsinin ən az əhəmiyyətli olacağı Avropa ölkələri arasında olacaqdır. Bunun səbəblərini o, ölkə vətəndaşlarının başqalarından əvvəl daha sərbəst hərəkət etməyə başlamalarında görür. Bundan əlavə, yaxşı internet sayəsində bir çoxları evdən də işləməyi bacarıblar.
“Bizdə istehlak elə də çox aşağı düşməyib, güman edirəm ki, biz digər ölkələrə nisbətən vəziyyətin öhdəsindən yaxşı gələ bilirik”, – Borq belə qeyd edib. Skandinaviska Enskilda Banken (SEB) bankının iqtisadçıları, ikinci rüb üçün İsveçin ÜDM-in ötən illə müqayisədə 8 faiz azalacağını proqnozlaşdırıblar.
Standard & Poors reytinq agentliyi də İsveçin bir çox Avropa dövlətlərindən daha sürətli böhrandan çıxacağını proqnozlaşdırır. Amma digər Skandinaviya ölkələri ilə müqayisədə göstəricilər o qədər də yaxşı deyil. “İflas və işsizlik statistikasına baxsanız, İsveçdəki vəziyyətin Norveç və Danimarkadakı vəziyyətdən daha pis olduğu ortaya çıxır”, – analitiklər belə qeyd edirlər.
İsveç hökumətinin sərt karantin tətbiq etməməsi ilə bağlı qərarı iqtisadçıların çoxsaylı mübahisələrinə səbəb olmuşdu. Onlardan bəziləri iddia edirdilər ki, ölkə üçün nəticələr uzunmüddətli perspektivdə daha dağıdıcı olacaq.
Təşkilat rəhbərlərinin əksəriyyəti öz əlində mənfi amillərin və bu amillərin həm özlərinə, həm də bütövlükdə təşkilata təsirinin minimuma endirilməsi mexanizmlərinin idarə edilməsi üçün müəyyən üsullara malikdir. Eyni zamanda, təmizlik işçiləri və ya dalandar öz işlərini yerinə yetirərkən bu səviyyə amillərinin təsirini o qədər də hiss etmirlər. Çünki öz fəaliyyətlərinə görə nə nəzarət-nəzarətedici orqanlar ilə, nə tərəfdaşlarla, nə də rəqiblərlə daimi peşəkar münasibətlərə malik deyillər.
Avqustun 12-də, saat 15.00-da İqtisadiyyat Nazirliyinin dəstəyi, Kiçik və Orta Biznesin İnkişafı Agentliyinin təşkilatçılığı ilə “Malların daxildə emal xüsusi gömrük proseduru ilə rəqabətqabiliyyətli ixrac imkanları” mövzusunda onlayn təlim keçiriləcək.
İyun ayında Almaniyanın ixracı ötən ay ilə müqayisədə 14,9 faiz yüksəlib ki, bu da 1990-cı ildən bəri bütün müşahidə tarixi ərzində rekord hesab oluna bilər. Bu haqda ölkənin Federal statistika agentliyi (Destatis) məlumat verib.