Blog Full

Bu işçilərin sosial müdafiəsi gücləndirilir

Prezident İlham Əliyev “Xüsusi karantin rejimi dövründə sosial xidmətlər göstərilməsində iştirak edən işçilərin sosial müdafiəsinin gücləndirilməsi haqqında” sərəncam imzalayıb.

Sərəncam koronavirus pandemiyasına qarşı mübarizə sahəsində ölkədə elan edilmiş xüsusi karantin rejimi dövründə çətin vəziyyətdə olan şəxslərə və tənha yaşayan 65 yaşdan yuxarı vətəndaşlara sosial xidmətlər göstərilməsinin səmərəli təşkili məqsədi daşıyır. Sənədə əsasən, sosial xidmətlər göstərilməsinə cəlb edilən Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun rayon (şəhər) şöbələrində və tabeliyindəki sosial xidmət müəssisələrində çalışan işçilərin əməkhaqlarına aylıq vəzifə (tarif) maaşının bir misli miqdarında müddətli əlavə müəyyən edilib.

Azərbaycan Respublikasının Nazirlər Kabinetinə müddətli əlavənin şamil olunacağı işçilərin əhatə dairəsini və əlavənin ödənilmə müddətini müəyyən etmək tapşırılıb.

Xüsusi karantin rejimi dövründə sosial xidmətlər göstərilməsində iştirak edən işçilərin sosial müdafiəsinin gücləndirilməsi haqqında Azərbaycan Respublikası Prezidentinin Sərəncamı

Koronavirus pandemiyasına qarşı mübarizə sahəsində ölkədə elan edilmiş xüsusi karantin rejimi dövründə çətin vəziyyətdə olan şəxslərə və tənha yaşayan 65 yaşdan yuxarı vətəndaşlara sosial xidmətlər göstərilməsinin səmərəli təşkili məqsədilə Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Xüsusi karantin rejimi dövründə sosial xidmətlər göstərilməsinə cəlb edilən Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun rayon (şəhər) şöbələrində və tabeliyindəki sosial xidmət müəssisələrində çalışan işçilərin əməkhaqlarına aylıq vəzifə (tarif) maaşının 1 (bir) misli miqdarında müddətli əlavə müəyyən edilsin.

2. Azərbaycan Respublikasının Nazirlər Kabineti:

2.1. bu Sərəncamın 1-ci hissəsi ilə müəyyən edilən müddətli əlavənin şamil olunacağı işçilərin əhatə dairəsini və əlavənin ödənilmə müddətini müəyyən etsin;

2.2. bu Sərəncamdan irəli gələn digər məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 14 aprel 2020-ci il.

Mənbə: president.az

Bax: Bu şirkətlər üçün icazə almaq asanlaşdı

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Tikinti şirkətləri üçün onlayn rejimdə icazə almaq asanlaşdı.

Dövlət Şəhərsalma və Arxitektura Komitəsi “Evdə qal, işlərindən qalma!” devizi ilə tikinti şirkətlərinə müraciət edərək “Bir pəncərə” elektron sisteminin imkanlarından yararlanmağa çağırır.

Bu barədə Komitənin açıqlamasında bildirilir.

Məlumata görə, Prezident İlham Əliyevin tapşırığına əsasən istifadəyə verilmiş “Bir pəncərə” elektron müraciət sistemi şəffaflığı və istifadədə rahatlığı sayəsində inşaat obyektlərinin tikintisinə və istismarına icazənin alınması presedurunu əhəmiyyətli dərəcədə asanlaşdırıb, məmur-sahibkar ünsiyyətini minimuma endirərək iş adamlarının əlavə vaxt itkisinin qarşısını alıb.

Nazirlər Kabineti yanında Operativ Qərargahın koronavirus (COVID-19) infeksiyasının ölkə ərazisində yayılmasının qarşısının alınması məqsədilə elan etdiyi xüsusi karantin rejimi ilə əlaqədar tikinti sektorunda çalışan sahibkarlar www.birpencere.arxkom.gov.az internet səhifəsi vasitəsilə onlayn rejimdə icazə ala bilər.

Komitə tərəfindən təmin edilmiş bu imkan sayəsində tikinti niyyəti olan hər bir iş adamı olduğu yeri tərk etmədən “Bir pəncərə” sisteminə internet vasitəsilə elektron qaydada müraciət edərək Şəhərsalma və Tikinti Məcəlləsinin 89-cu maddəsində nəzərdə tutulan ekspertizasının keçirilməsi tələb olunmayan müxtəlif parametrli tikinti obyektləri və anbar binalarının tikintisinə icazəni 15 iş günü müddətində, istismarına icazəni isə 10 gün müddətində onlayn əldə edə bilər. Bu növ tikinti obyektləri üçün hər iki icazə pulsuzdur. Sifarişçi tərəfindən hər hansı ödənişin edilməsi tələb olunmur.

Bununla yanaşı, sistem vasitəsilə ekspertizasının keçirilməsi tələb olunan tikinti obyektlərinin də istismarına icazə almaq mümkündür. İstənilən istifadəçi sistemdə şəxsi kabinetə daxil olmadan “kalkulyator” bölümündən tikinti obyektinin istismarına icazə verilməsi ilə bağlı baxışın keçirilməsinə görə xidmət haqqını öyrənə bilər. Bunun üçün sistemdə göstərilən xəritədə zonalar üzrə seçim edilir, obyektin sahəsi qeyd olunur və əmsal müəyyənləşərək məbləğ çıxarılır. Tikinti sifarişçiləri tələb olunan sənədləri yükləyərək müraciəti tamamlayır. İstismara icazə ilə bağlı bu müraciətə 20 gün müddətində baxılır.

Eyni zamanda “Bir pəncərə” sistemi xidmətin göstərilməsi üçün tərəflər arasında müqavilənin elektron formada imzalanmasına və sifarişçinin onlayn ödəniş etməsinə də imkan verir. Bütün prosedur başa çatdırıldıqdan sonra icazə sənədi elektron formada təqdim olunur.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Karantin dövründə icarə necə dayandırılmalıdır? / 3-cü hissə

2-ci hissəni oxumaq üçün keçidə daxil olun.

Əgər şirkət öz fəaliyyətini müvəqqəti dayandırmışsa, məsafədən iş rejiminə keçmişdirsə və ya karantin tədbirləri nəticəsində maliyyə çətinlikləri yaşayırsa, binanın icarəsi üçün ödənişlərlə nə etməli?

“Norma” şirkətinin hüquq məsələləri üzrə  ekspertləri  Eleonora Mazurova və Albert Safin problemin mümkün həlli variantlarını izah ediblər.

Bu vəziyyətdə özəl təhsil müəssisələri istisna təşkil edir. Uşaq bağçalarının, məktəblərin və digər təhsil müəssisələrinin işi hökumətin iradəsi ilə qəbul edilən qərarla dayandırılıb. Bu halda da fors-major koronavirus infeksiyasının pandemiyası deyil, məhz hökumətin respublikanın bütün təhsil müəssisələrinin işinə qadağa qoymaq qərarıdır. Buna əsasən, təhsil fəaliyyəti ilə məşğul olan bütün müəssisələr öz icarəçilərinə dövlət sərəncamının ləğv edilməsinə qədər icarə haqqının dayandırılması barədə məlumat verərək, məcburi boşdayanma vaxtına görə icarə haqqını ödəyə bilməzlər.

Ancaq fəaliyyətə birbaşa qadağa qoyulmadığı başqa bir də vəziyyət var. Məsələn, turizm şirkəti turları ona görə təşkil edə bilmir ki, bunu ona qadağan ediblər, ona görə ki, xarici sərhədlər bağlanıb və ölkə daxilində insanların hərəkəti məhdudlaşdırılıb. Bu cür tədbirlər turizm biznesini tam şəkildə iflic edir. Nəticədə turizm operatoru icarə haqqını ödəməkdən ötrü vəsait əldə edə bilmir. Sözügedən halda, əgər siz hökumətin qərarına fors-major vəziyyəti kimi istinad etsəniz, onda öz biznesinizin birbaşa tətbiq olunan məhdudiyyətlərdən asılı olduğunu sübut etməli olacaqsınız.

İcarəyə götürülmüş yerin başqa birisinə (subicarə) icarəyə verilməsi.

Sözügedən mürəkkəb vəziyyətdən çıxış yollarından biri də – icarəyə götürülən yerin boşdayanma halında müvəqqəti olaraq bir başqasına subicarəyə verilməsidir. Əgər sizin icarə müqavilənizdə bunu birbaşa qadağan edən şərt yoxdursa, onda belə edə bilərsiniz.

Sözügedən əməliyyat üçün icarədarın razılığını alın. Yox, əgər icarə müqaviləsində subicarə imkanı qeyd olunubsa, onda buna görə ayrıca icazənin alınmasına lüzum yoxdur. Bu üsuldan istifadə etməklə siz icarə ödənişlərinin bir hissəsini bağlaya və kommunal xidmətlər üçün ödənişlər edə bilərsiniz.

Diqqət.

Yerin subicarəyə verilməsi müddəti əsas icarə müddətini ötməməlidir.

4-cü hissəni oxumaq üçün keçidə daxil olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun