Blog Full - Muhasibat.Az

Son günlər daşınmaz əmlakın icbari sığortası mətbuat və ictimaiyyətdə geniş müzakirə mövzusuna çevrilib. Bu barədə “Azərbaycan Sığortaçılar Assosiasiyası” (ASA) İctimai Birliyinin açıqlamasında bildirilir.

“Yayılan məlumatlara aydınlıq gətirmək və əhalini bu istiqamətdə maarifləndirmək məqsədilə bildiririk ki, daşınmaz əmlakın icbari sığortası 24 iyun 2011-ci ildə qəbul edilmiş “İcbari sığortalar haqqında” qanuna əsasən tətbiq olunur. Bu sığorta məhsulu əhalinin sosial rifahını, sahibkarlıq subyektlərinin mənafeyini, eləcə də maliyyə sabitliyini qorumaq məqsədilə beynəlxalq təcrübəyə uyğun olaraq yaradılıb. Məhsul, hüquqi və fiziki şəxslərə məxsus tikililərin, yaşayış və qeyri-yaşayış sahələrinin, yaşayış evləri və binalarının eləcə də mənzillərin yanğın, təbii fəlakət, texnogen qəza və üçüncü şəxslərin hərəkətləri nəticəsində zədələnməsi, məhv olması, yaxud hər hansı formada itkisi ilə bağlı dəyən zərərin əvəzinin ödənilməsi məqsədi ilə sığortalanmasını nəzərdə tutur.

Son illər ərzində ölkədə baş vermiş təbii fəlakətlər və iri həcmli yanğın hadisələrindən sonra vətəndaşlara və sahibkarlara dəymiş zərərin ödənilməsi kontekstində gündəmə gəlmiş çətinliklər daşınmaz əmlakın icbari sığortasının vacibliyini təkrarən vurğulayıb. Bu məqsədlə, “İcbari sığortalar haqqında” qanunun tətbiqi ilə əlaqədar yerli icra hakimiyyəti orqanları və Fövqəladə Hallar Nazirliyi, eləcə də ASA təbliğat və təşviqat işlərini aktivləşdirib. Bir sıra hallarda, təəssüf ki, bu fəaliyyət əmlakın icbari sığortası vasitəsilə fiziki və hüquqi şəxslərin əldə edəcəkləri fayda və risklərə qarşı təminatın təbliği ilə yanaşı daha çox qanunvericilikdən irəli gələn cərimələrin qabardılması tərzində aparılıb.

ASA-nın mövqeyi ondan ibarətdir ki, qanunvericiliklə müəyyən edilmiş inzibati tənbeh tədbirlərinin tətbiqinin aidiyyəti dövlət orqanlarının səlahiyyətinə aid olduğunu nəzərə alaraq, sığora şirkətləri və sığora vasitəçiləri tərəfindən daşınmaz əmlakın icbari sığortası üzrə təbliğat mümkün sanksiyalar aspektindən deyil, daşınmaz əmlak sahiblərinin maarifləndirilməsi kontekstində aparılmalıdır. Bu istiqamətdə əhalinin maliyyə savadlığının artırılması ölkədə sığorta mədəniyyətinin dərinləşməsinə xidmət edəcək.

İl ərzində ASA əhalinin sığorta sahəsində maarifləndirilməsi istiqamətində müxtəlif kampaniya və tədbirlər həyata keçirməyi planlaşdırır”, – açıqlamada qeyd olunub.

Xatırladaq ki, ASA ümumi maraqlar əsasında birləşmiş, könüllülük, üzvlərin hüquqi bərabərliyi prinsipləri əsasında yaradılan, öz fəaliyyətinin əsas məqsədi kimi gəlir əldə etməyi nəzərdə tutmayan və əldə edilən gəliri öz üzvləri arasında bölməyən qeyri-hökumət təşkilatıdır. Qurumun əsas məqsədi ölkədə fəaliyyət göstərən və üzvləri olan sığorta və təkrarsığorta şirkətlərinin inkişaf etməsinə köməklik göstərmək, onların sosial- iqtisadi, məlumat və digər inkişaf proqramlarını inkişaf etdirmək və bu sahədə elmi bilgiləri artırmaqdan ibarətdir. Azərbaycanın sığorta bazarında fəaliyyət göstərən 20 sığorta şirkəti, 1 təkrarsığorta şirkəti və 5 hüquqi şəxs sığorta vasitəçisi İctimai Birliyin üzvüdür.

Mənbə: report.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

Azərbaycan Sığortaçılar Assosiasiyası,

15 Yan 2020

İqtisadiyyat naziri və müavinləri vətəndaşları qəbul edəcəklər

by | posted in: iqtisadiyyat, Xəbər | 0

İqtisadiyyat naziri Mikayıl Cabbarov 17 yanvar 2020-ci il tarixində, saat 11:00-dan etibarən Kürdəmirdə (ünvan: Kürdəmir şəhəri, Bakı prospekti, 18, Heydər Əliyev Mərkəzi) rayon sakinlərini qəbul edəcək.

Həmin gün İqtisadiyyat nazirinin müavinləri Niyazi Səfərov saat 11:00-dan etibarən Ağsuda (ünvan: Ağsu şəhəri, M.Ə.Rəsulzadə küçəsi, Yeni Azərbaycan Partiyasının Ağsu Rayon Təşkilatının inzibati binası), Sahib Məmmədov isə Ucarda (ünvan: Ucar şəhəri, Heydər Əliyev prospekti, 153, Heydər Əliyev Mərkəzi) rayon sakinlərini qəbul edəcək.

Qəbula gəlmək istəyənlər qeydiyyat üçün İqtisadiyyat Nazirliyinin elektron poçt ünvanı və (012) 493-14-56, (012) 310-28-00 (daxili 21-79) nömrəli telefonlar, Nazirliyin 195-2 Çağrı Mərkəzi, həmçinin, Kürdəmirdə və Ucarda keçiriləcək vətəndaş qəbulları üçün Nazirliyin Aran regional bölməsi (ünvan: Yevlax şəhəri, Bakı prospekti, 5, İnzibati bina, əlaqə telefonu: (012) 585-04-06, elektron poçt ünvanı: ), Ağsuda keçiriləcək qəbul üçün isə Nazirliyin Dağlıq Şirvan regional bölməsi (ünvan: Şamaxı şəhəri, Heydər Əliyev küçəsi, 27, İnzibati bina, əlaqə telefonu: (020) 265-17-87, elektron poçt ünvanı: ) vasitəsilə müraciət edə bilərlər.

Mənbə: vergiler.az

TELEGRAM KANALIMIZA ÜZV OLUN

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun

İqtisadiyyat naziri,

15 Yan 2020

2019-cu ildə kommersiya qurumlarının sayı 14 faizdən çox artıb

by | posted in: Xəbər | 0

2020-ci il 1 yanvar tarixinə Azərbaycanda uçotda olan vergi ödəyicilərinin ümumi sayı 1 milyon 056 min 934 olub. Onlardan 916 min 091-i və ya 86,7 faizini fiziki şəxslər, 140 min 843-ü və ya 13,3 faizi isə hüquqi şəxslər və digər təşkilatlar təşkil edib. (kommersiya qurumları)

2019-cu il ərzində vergi ödəyicilərinin ümumi sayı 86 min 594 vahid (108,9 faiz) artıb. Bunun 70 min 895 vahidi fiziki şəxslərin, 15 min 699 vahidi isə hüquqi şəxslərin sayının artması hesabına baş verib. Hüquqi şəxs kimi uçotda olan vergi ödəyicilərinin sayının artması əsasən (98,8 faiz) kommersiya qurumları hesabına mümkün olub. İl ərzində kommersiya qurumlarının sayı 15 min 514 vahid və ya 14,1 faiz artaraq 2020-ci ilin əvvəlinə 125 min 407 vahid təşkil edib. Qeyri-kommersiya qurumlarının sayı isə 15 min 436 vahid olub. Burada da 2019-cu il yanvarın 1-i ilə müqayisədə 185 vahid (1,2 faiz) artım müşahidə edilib.

2019-cu ildə 15 min 888 kommersiya qurumu dövlət qeydiyyatından keçib. 10 min 758-i isə fəaliyyətini bərpa edib. Fəaliyyəti dayandıran kommersiya qurumlarının sayı isə 16 min 162 vahid olub. 470 qurumun isə qeydiyyatı ləğv edilib. Müqayisədə ötən il ərzində qeydiyyata alınan və fəaliyyətini bərpa edən kommersiya qurumlarının sayı fəaliyyəti passivləşmiş qurumların sayından 10 014 vahid çox olub.

2020-ci ilin əvvəlinə qeydiyyatda olan kommersiya qurumlarının 31,2 faizi xidmət, 28,1 faizi ticarət, 10,9 faizi tikinti, 7,4 faizi sənaye, 6,5 faizi kənd təsərrüfatı, 3,2 faizi rabitə, 2,2 faizi nəqliyyat, 0,9 faizi maliyyə sektorunda fəaliyyət göstərirlər.

İl ərzində fəaliyyəti aktiv olan hüquqi şəxslərin 84,8 faizi kommersiya qurumları olub. Ümumiyyətlə, 125 min 407 kommersiya qurumundan 69 min 188-nin və ya ümumi kommersiya qurumlarının 55,2 faizinin vəziyyəti aktiv olub. Aktiv kommersiya qurumlarının sayı 12 min 959 vahid və ya 23 faiz, xüsusi çəkisi isə 4 faiz artıb.
Qeyd edək ki, kommersiya qurumlarının tərkibində aktiv ƏDV ödəyicilərinin sayı 2019-cu il ərzində 32,2 faiz artaraq 20 min 120 vahid təşkil edib. Onların xüsusi çəkisi isə 2 faiz çox olub. Ümumiyyətlə, 2018-ci illə müqayisədə kommersiya qurumlarının tərkibində ƏDV ödəyicilərinin sayı 23,4 faiz artaraq 33 min 922 vahid təşkil edib.

Mənbə: vergiler.az