Blog Full

Oxunma sayı: 138. 560

1 Okt 2019

Vergilər naziri və müavinlərinin oktyabrda qəbul günləri açıqlandı

by | posted in: Vergi, Xəbər | 0

Mərkəzi icra hakimiyyəti orqanlarının, digər qurumların rəhbərlərinin və onların müavinlərinin 2019-cu ilin oktyabr ayında bölgələrdə keçiriləcək vətəndaş qəbulu cədvəli açıqlanıb. (Vergilər naziri)

Siyahıya əsasən, Vergilər naziri Mikayıl Cabbarov oktyabrın 18-də Sumqayıt şəhərində Abşeron, Siyəzən, Sumqayıt, Xızı, Qubadlı, Zəngilan, Şuşa rayonlarının sakinlərini qəbul edəcək.

VN birinci müavini Sahir Məmmədxanov Masallıda vətəndaşları qəbul edəcək. Oktyabrın 15-də keçiriləcək qəbulda Masallı, Lənkəran, Astara, Lerik, Cəlilabad, Biləsuvar rayonlarının sakinləri iştirak edə biləcəklər.

VN müavini Sahib Ələkbərov oktyabrın 24-də Hacıqabulda vətəndaşların müraciətlərini araşdıracaq. Qəbulda Hacıqabul, Şirvan, Salyan, Neftçala, Sabirabad və Saatlı rayonlarının sakinləri dinləniləcək.

Vergilər nazirinin müavini Mətin Eynullayev oktyabrın 21-də vətəndaşları Bərdə şəhərində qəbul edəcək. Görüşdə, həmin rayonla yanaşı, Mingəçevir, Yevlax, Şəki, Ağdam və Tərtər sakinləri iştirak edəcəklər.

Mənbə: vergiler.az

1 Okt 2019

Vakansiya: Mühasib köməkçisi – Altus Engineering Company

by | posted in: İş elanı, Mühasib, Vakansiya, Xəbər | 0

Vakansiya: Mühasib köməkçisi.

İşəgötürən: Altus Engineering Company.

Şəhər: Bakı
Yaş: 23 – 38 yaş
Cins: Fərqi yoxdur
Təhsil: Ali
İş təcrübəsi: 1 ildən 3 ilə qədər
Əlaqədar şəxs: HR
E-mail: /
Əmək haqqı: Razılaşma

İş barədə məlumat

Gündəlik məlumatların 1C bazasına yerləşdirilməsi.
E-qaimələrin(VHF) yazılması.
Mühasibatlığa aid kargüzarlıq işlərinin aparılması, sənədlərin müvafiq qovluqlara yerləşdirilməsi.
Mal-material, əsas vəsaitlərin hərəkətinə nəzarət etmək, qayimələri, aktları tərtib etmək.
Həftədə 6 iş günü, 1 gün istirahət;
Əmək haqqı: namizədin təcrübə, bilik və bacarıqları əsasında təyin edilir;

Namizədə tələblər

Təhsil: Ali (Maliyyə və İqtisadiyyat üzrə)
Təcrübə: Minimum 1 il
Dil: Azəri, İngilis, Rus (sərbəst danışıq)
Komputer bilikləri: MS Office proqramları , 1C 8.3,

Müraciət etmək üçün CV-lərinizi / ünvanına göndərməyiniz xahiş olunur.

Mənbə: finstaff.az

1 Okt 2019

Təsisçiyə məxsus avtomobil nizamnamə kapitalına qoyulduqda və geri götürüldükdə hansı vergi öhdəliyi yaranır?

by | posted in: Xəbər | 0

Sual: Təsisçiyə məxsus şəxsi avtomobil nizamnamə kapitalı qoyuluşu şəklində MMC-nin balansına keçirilir. Bu zaman yerinə yetirilməli olan prosedurlar barədə və MMC ləğv olunduqda həmin avtomobil təsisçinin adına keçərkən yaranan vergi öhdəlikləri haqqında məlumat verməyinizi xahiş edirəm.

Cavab: Bildiririk ki, təsisçi tərəfindən əmlakın hüquqi şəxsin nizamnamə fonduna qoyulması hər iki tərəf üçün vergitutma obyektini təşkil etmir. Hüquqi şəxsin ləğvi ilə bağlı əmlakın bölüşdürülməsi nəticəsində əldə edilən gəlir (bölüşdürülməmiş mənfəət hesabına formalaşan əmlak istisna olmaqla), həmçinin səhmdarların səhmlərinin faiz nisbətini dəyişdirməyən səhmlərin bölüşdürülməsi, səhmlərin (hissələrin, payların) nominal dəyəri (bölüşdürülməmiş mənfəət hesabına səhmlərin (payların) artan nominal dəyəri istisna olmaqla) hüdudlarında geri alınması ilə bağlı edilən ödənişlər dividend sayılmır.

Mənbə: taxes.gov.az

Bax:

1 Okt 2019

Əmək pensiyasının artırılmasını nəzərdə tutan qanun qüvvəyə minib

by | posted in: Xəbər | 0

Azərbaycanda əmək pensiyasının artırılmasını nəzərdə tutan qanun bu gün – oktyabrın 1-də qüvvəyə minib. (əmək pensiyası)

Milli Məclisin “Əmək pensiyaları haqqında” qanuna etdiyi dəyişikliklə pensiyanın məbləği 40 manat artırılıb.

Sənədə əsasən, (Əmək pensiyasının minimum məbləği) mətni yeni redaksiyada verilib:

“Əmək pensiyasının minimum məbləği 2019-cu il 1 oktyabr tarixindən 200 manat məbləğində müəyyən olunur. Təyin edilən əmək pensiyasının məbləği əmək pensiyasının minimum məbləğindən aşağı olduqda, həmin məbləğə çatdırılmaqla ödənilir.

Bundan başqa, sığortaolunanların fərdi hesabının sığorta hissəsində qeydə alınan pensiya kapitalı ildə bir dəfə müvafiq icra hakimiyyəti orqanı tərəfindən müəyyən olunan istehlak qiymətləri indeksinin illik səviyyəsinə uyğun olaraq müvafiq icra hakimiyyəti orqanının qərarına əsasən indeksləşdirilir”.

Qeyd edək ki, bu iyulun 12-də Prezident İlham Əliyev “Əmək pensiyaları haqqında” Azərbaycan Respublikasının Qanununda dəyişiklik edilməsi barədə” qanunu təsdiq edib.

Mənbə: report.az