You can display the Full post on your Blog Page
Vakansiya: Mühasib.
İşəgötürən: Turkuaz MMC
Azərbaycan Vergilər Nazirliyinin Tədris Mərkəzinin strukturu dəyişdirilib. (vergilər nazirliyi)
Bununla bağlı Nazirlər Kabineti “Azərbaycan Respublikası Vergilər Nazirliyinin Tədris Mərkəzinin yaradılması haqqında” qərarında dəyişiklik edib.
Baş Nazir Novruz Məmmədovun təsdiqlədiyi dəyişikliyə əsasən, Vergilər Nazirliyinin Tədris Mərkəzinin strukturuna daxil edilib:
1. “İqtisadiyyat və idarəetmənin tədrisi şöbəsi.
2. Vergi inzibatçılığının tədrisi şöbəsi.
3. Vergi qanunvericiliyinin tədrisi şöbəsi.
4. Elm, innovasiya və əməkdaşlıq şöbəsi.
5. Maliyyə, təminat və mühasibat uçotu şöbəsi.
6. Tədris və metodika şöbəsi.
7. Layihələrlə iş və inkişaf bölməsi.
8. Keyfiyyət təminatı bölməsi.
İndiyədək isə struktur belə idi:
1.İqtisadiyyat və menecment kafedrası
2.Vergi metodologiyası kafedrası
3.Vergi qanunvericiliyi və təsərrüfat hüquqi kafedrası
4.Elmi tədqiqat bölməsi
5.Tədris və metodika şöbəsi
6.Maliyyə və təsərrüfat şöbəsi
7.Mühasibat
Tam mətn aşağıdakı kimidir:
“Azərbaycan Respublikası Vergilər Nazirliyinin Tədris Mərkəzinin yaradılması haqqında” Azərbaycan Respublikası Nazirlər Kabinetinin 2002-ci il 5 iyun tarixli 90 nömrəli Qərarında dəyişiklik edilməsi barədə
Azərbaycan Respublikası Konstitusiyasının 119-cu maddəsinin səkkizinci abzasını rəhbər tutaraq Azərbaycan Respublikasının Nazirlər Kabineti qərara alır:
“Azərbaycan Respublikası Vergilər Nazirliyinin Tədris Mərkəzinin yaradılması haqqında” Azərbaycan Respublikası Nazirlər Kabinetinin 2002-ci il 5 iyun tarixli 90 nömrəli Qərarında (Azərbaycan Respublikasının Qanunvericilik Toplusu, 2002, № 6, maddə 375; 2007, № 2, maddə 201; 2008, № 1, maddə 46; 2011, № 8, maddə 783; 2017, № 10, maddə 1901; 2018, № 3, maddə 608, № 9, maddə 1938) aşağıdakı dəyişikliklər edilsin:
1.1. 1.3-cü bəndə “şəxslərinin” sözündən sonra “və digər əməkdaşların, habelə bağlanılmış müqavilə əsasında müxtəlif sahələrdə çalışan şəxslərin, tələbələrin (bundan sonra – Mərkəzin dinləyiciləri)” sözləri və “təkmilləşdirilməsini” sözündən sonra “, yenidən hazırlanmasını” sözləri əlavə edilsin;
1.2. 1.4-cü bənd üzrə:
1.2.1. ikinci abzas aşağıdakı redaksiyada verilsin:
“Mərkəzin dinləyicilərinin ödənişli və ödənişsiz əsaslarla vergi işinin təşkili və iqtisadi fəaliyyət sahəsində peşə hazırlığının təkmilləşdirilməsi, yenidən hazırlanması və ixtisaslarının artırılması;”;
1.2.2. beşinci abzas ləğv edilsin.
1.3. Aşağıdakı məzmunda 1.8-ci bənd əlavə edilsin:
“1.8. Mərkəz fəaliyyətini Bakı şəhərində və Şamaxı rayonunda həyata keçirir.”;
1.4. 2.1-ci bəndin ikinci abzası aşağıdakı redaksiyada verilsin: “Mərkəzin dinləyicilərinin peşə hazırlığının təkmilləşdirilməsini, yenidən hazırlanmasını və ixtisaslarının artırılmasını həyata keçirir;”;
1.5. 3.1-ci bəndin ikinci abzası ləğv edilsin və üçüncü abzasından “göstərilən” sözü çıxarılsın;
1.6. 3.2-ci bəndin üçüncü abzasında “təhsil və elmi tədqiqat və maliyyə-təsərrüfat sahələri üzrə rəis müavinləri“ sözləri “müavini” sözü ilə əvəz edilsin;
1.7. 3.4-cü bənd üzrə:
1.7.1. ikinci abzasda “kafedra müdirləri, elmi tədqiqat bölməsinin, tədris və metodika şöbəsinin rəhbərləri” sözləri “şöbə və bölmə rəisləri” sözləri ilə əvəz edilsin;
1.7.2. beşinci abzasda “kafedra müdirlərini” sözləri “şöbə və bölmə rəislərini” sözləri ilə əvəz edilsin;
1.7.3. altıncı abzasda “kafedralarının, elmi tədqiqat bölməsinin, tədris və metodika şöbəsinin, maliyyə və təsərrüfat şöbəsinin və digər bölmələrinin” sözləri “şöbə və bölmələrinin” sözləri ilə əvəz edilsin;
1.7.4. yeddinci abzasda “rəhbərlərinin” sözü “rəislərinin” sözü ilə əvəz edilsin;
1.7.5. doqquzuncu abzasdan “kafedraların,” sözü çıxarılsın.
1.8. 4.1-ci bəndə “şəxslərinin” sözündən sonra “və digər əməkdaşların” sözləri əlavə edilsin.
1.9. 4.11-ci bənddə “dinləyicilərin” sözü “vergi orqanlarının vəzifəli şəxslərinin və digər əməkdaşların peşə hazırlığının təkmilləşdirilməsinə,” sözləri ilə, “mütəxəssislərin” sözü “şəxslərin, tələbələrin vergi işinin təşkili və iqtisadi fəaliyyət sahəsində peşə hazırlığının təkmilləşdirilməsi, yenidən hazırlanması və” sözləri ilə əvəz edilsin və həmin bəndə “razılaşdırılmaqla” sözündən sonra “bağlanılmış” sözü əlavə edilsin.
1.10. 5.6-cı bənddən “kafedralarda,” sözü çıxarılsın və həmin bəndə “şöbələrdə” sözündən sonra “və bölmələrdə” sözləri əlavə edilsin.
1.11. 7.1-ci bənddə “müxtəlif sahələrdə çalışan mütəxəssislərin ixtisaslarının artırılmasından” sözləri “həyata keçirilən təlim, kurs, konfrans, seminar, forum və digər tədbirlərdən,” sözləri ilə əvəz edilsin.
2. Həmin Qərarla təsdiq edilmiş “Azərbaycan Respublikası Vergilər Nazirliyinin Tədris Mərkəzinin strukturu” aşağıdakı redaksiyada verilsin:
Azərbaycan Respublikasının
Baş Naziri Novruz Məmmədov
Mənbə: cabmin.gov.az
Vergilər Nazirliyi “Meqa Həyat Sığorta” ASC-ni dövlət qeydiyyatına alıb. (həyat sığortası şirkəti)
Yeni şirkət “Meqa Sığorta” ASC ilə eyni hüquqi ünvanda – Bakı şəhəri, Nərimanov rayonu, Əhməd Rəcəbli küçəsi, 19-da qeydiyyatdan keçib.
Onun nizamnamə kapitalı 11 milyon manat, qanuni təmsilçisi isə bir qədər əvvəl “Meqa Sığorta”nın Direktorlar Şurasını tərk etmiş Hamlet Xosrov oğlu Qarayevdir.
Xatırladaq ki, hazırda Azərbaycanda 4 həyat sığortası şirkəti – “Atəşgah Həyat Sığorta”, “Qala Həyat Sığorta”, “Xalq Həyat Sığorta” və “PAŞA Həyat Sığorta” ASC-lər fəaliyyət göstərir.
Mənbə: report.az
2019-cu ilin oktyabr ayı ərzində vergi orqanına təqdim edilməli olan bəyannamələr, hesabatlar, ödənilməli vergilər və sığorta haqqları barədə YADDAŞ
Gəlir və mənfəət vergisinin ödəyiciləri tərəfindən
2019-cu ilin 3-cü rübü üzrə hesablanmış cari ödəmələr 2019-cu ilin oktyabr ayının 15-dən gec olmayaraq dövlət büdcəsinə ödənilməlidir.
2019-cu ilin sentyabr ayına görə vergi ödəyiciləri tərəfindən tədiyəçisi olduqları
– Əlavə dəyər vergisinin bəyannaməsi,
– Aksiz bəyannaməsi,
– Yol vergisinin bəyannaməsi,
– Mədən vergisinin bəyannaməsi,
– Pul vəsaitlərinin nağd çıxarılmasına görə Sadələşdirilmiş verginin bəyannaməsi və
– Uduşlardan (mükafatlardan) əldə edilən gəlirdən ödəmə mənbəyində tutulan verginin bəyannaməsi
2019-cu ilin oktyabr ayının 21-dən gec olmayaraq vergi orqanına təqdim edilməli və təqdim edilmiş bəyannamələr üzrə hesablanmış vergilər həmin müddətədək tam həcmdə dövlət büdcəsinə ödənilməlidir.
Daşınmaz əmlak təqdim edən şəxslərdən ödəmə mənbəyində tutulan sadələşdirilmiş verginin bəyannaməsi 2019-cu ilin oktyabr ayının 21-dən gec olmayaraq vergi orqanına təqdim edilməlidir (vergi əməliyyat aparıldığı gün – 1 bank günü ərzində ödənilir).
2019-cu ilin 3-cü rübünə görə vergi ödəyiciləri tərəfindən tədiyəçisi olduqları Sadələşdirilmiş verginin bəyannaməsi (daşınan və daşınmaz əmlak üçün icarə haqqı ödənildiyi halda 2 nömrəli Əlavə ilə birlikdə) 2019-cu ilin oktyabr ayının 21-dən gec olmayaraq vergi orqanına təqdim edilməli və rüb üzrə hesablanmış vergilər həmin müddətədək tam həcmdə dövlət büdcəsinə ödənilməlidir.
2019-cu ilin 3-cü rübü üzrə Muzdlu işlə əlaqədar ödəmə mənbəyində tutulan vergi bəyannaməsi (ƏDV və Sadələşdirilmiş vergi ödəyiciləri istisna olmaqla)
2019-cu ilin 3-cü rübünə görə sığortaedənlər tərəfindən
2019-cu ilin 3-cü rübünə görə vergi ödəyiciləri tərəfindən Ödəmə mənbəyində tutulan vergi bəyannaməsi 2019-cu ilin oktyabr ayının 21-dən gec olmayaraq vergi orqanına təqdim edilməli və rüb üzrə hesablanmış vergilər həmin müddətədək tam həcmdə dövlət büdcəsinə ödənilməlidir.
Xüsusi notariuslar gəlir vergisi bəyannaməsini
2019-cu ilin oktyabr ayının 21-dən gec olmayaraq vergi orqanına təqdim etməli və 2019-cu ilin sentyabr ayı üzrə hesablanmış gəlir vergisi həmin müddətədək tam həcmdə dövlət büdcəsinə ödənilməlidir.
Dövlət rüsumu haqqında hesabat
2019-cu ilin oktyabr ayının 21-dək vergi orqanına təqdim edilməlidir (notariat hərəkətlərinə görə dövlət rüsumu notarius tərəfindən qəbul edilərək 2 bank günü, xarici ölkələrdəki diplomatik nümayəndəliklərdə aparılan konsul əməliyyatları üçün alınan dövlət rüsumu 1 ay, digər dövlət rüsumları isə tutulduqdan sonra 1 bank günü ərzində dövlət büdcəsinə köçürülür).
Qeyd: 20.10.2019-cu il tarixi qeyri-iş gününə təsadüf etdiyindən həmin tarixdə təqdim edilməli bəyannamələrin təqdim edilməsinin son müddəti 21.10.2019-cu il tarixə keçirilmişdir.
Mənbə: taxes.gov.az
