Vergi borcu əmlaka yönəldilə bilərmi?
Təcrübədə vergi borcu səbəbindən görə vergi ödəyicilərinin məhkəməyə verilməsi, borcun əmlaka yönəldilməsi hallarına az rast gəlinir. Mütəxəssislər hesab edirlər ki, baş verən azsaylı hallar vergi ödəyiciləri üçün ciddi siqnal olmalıdır. Mövzunu maliyyə məsləhətçisi Vüqar Mirheydərov şərh edir.
Vergi Məcəlləsinin 23.1.15-1-ci maddəsinə əsasən, vergi orqanları vergi ödəyicisinin siyahıya alınmış əmlakının vergi borcu və ya ona hesablanmış faizləri, habelə vergi ödəyicisinə tətbiq olunan maliyyə sanksiyalarının tutulması məqsədilə ixtisaslaşdırılmış hərracda satışa çıxarılması tələbi ilə məhkəməyə müraciət etmək hüququna malikdirlər. Qeyd etmək lazımdır ki, burada hüquqi şəxsin yalnız balansında olan əmlakdan söhbət gedirsə, fərdi sahibkar borcu üçün onun adına rəsmiləşdirilmiş bütün əmlakla cavabdehdir – hətta bu əmlakın onun sahibkarlıq fəaliyyətinə heç bir aidiyyəti olmasa belə. Bəzən vergidən yayınmaq üçün iş adamları əmlaklarını öz həyat yoldaşlarının adına rəsmiləşdirirlər. Lakin unutmaq lazım deyil ki, ər-arvadın nikahda olduğu müddətdə əldə edilən əmlak hər ikisinə məxsusdur.
Bu hallar, əslində, xoşagəlməz, hətta təhlükəlidir. Vergidən yayınmaq üçün atılan qeyri-qanuni addımlar iş adamlarında ciddi streslər yaradır. Bunun yeganə alternativi vergiləri vaxtında və tam şəkildə ödəməkdir. Hər şey eynilə həndəsədə olduğu kimidir: iki nöqtə arasındakı ən qısa məsafə, onların arasından çəkilən düz xəttdir. Nə qədər çalışsan da, bunu dəyişdirə bilməzsən.
Mənbə: vergiler.az
Bax:
-
Amortizasiya olunmayan əsas vəsaitlərin təmirinə çəkilən xərclər gəlirdən çıxıla bilər?
-
Torpaq sahələrinin təqdim edilməsi zamanı sadələşdirilmiş verginin hesablanması
-
Əmlakın satışı zamanı ƏDV və mənfəət vergisi necə hesablanır?
-
Yaşayış və qeyri-yaşayış sahələrini təqdim edən şəxslərin vergi öhdəliyi
Xidmətin adı: Vergi ödəyicisinin fəaliyyəti barədə arayışın verilməsi. 
Gələn ilin əvvəlindən etibarən Azərbaycanda “blockchain” texnologiyası üzərindən məsafədən bank hesablarının açılması mümkün olacaq. Layihənin fiziki şəxslər üzrə hissəsi artıq tamamlanmaq üzrədir. Hüquqi şəxslərə dair hissəsinin tamamlanmasından sonra layihəyə start veriləcək ki, bunun da 2020-ci ilin əvvəlinə təsadüf edəcəyi gözlənilir. 
Təcrübə proqramı (Şirvan, Sabirabad, Bərdə, Yevlax) / İşəgötürən: Bank Respublika ASC.