Oxunma sayı: 165. 311
27 May 2019

Vergi sirri haqqında məlumatlar Hesablama Palatasına da veriləcək

by | posted in: Xəbər | 0

Vergi sirri haqqında məlumatlar Hesablama Palatasına da veriləcək

HesablamaAzərbaycanda kommersiya və ya vergi sirri haqqında məlumatlar Hesablama Palatasına da veriləcək.

Bununla əlaqədar Vergi Məcəlləsinə, eyni zamanda İnzibati Xətalar Məcəlləsinə dəyişikliklərin edilməsi təklif olunur.

Dəyişikliklərdə vergi ödəyiciləri haqqında məlumatın verilə biləcəyi orqanların sayı artırılıb. Təkliflərdə Hesablama Palatasının öz vəzifələrini həyata keçirməsi məqsədilə həmin məlumatların bu quruma da təqdim edilməsi nəzərdə tutulur.

İnzibati Xətalar Məcəlləsinə təklif edilən yeni dəyişikliklərdə isə Hesablama Palatasının öz fəaliyyətini daha da gücləndirməsi üçün aidiyyəti qurumların inzibati məsuliyyəti gücləndirilib və baş verən xətalara görə cərimələr müəyyən edilib.

Bu inzibati məsuliyyətin olması həmin orqanların öz üzərlərinə düşən vəzifələri daha məsuliyyətlə icra etməsinə və Hesablama Palatasının fəaliyyətinin güclənməsinə imkan yaradacaq.

Dəyişikliyə əsasən, bu xətalar baş verdikdə Hesablama Palatası protokol tərtib edəcək və inzibati tənbehin tətbiqi üçün məhkəməyə göndəriləcək. Məhkəmə isə həmin xətalar haqqında işlərə baxaraq inzibati tənbeh tədbiri tətbiq edəcək.

Mənbə: trend.az

TELEGRAM KANALIMIZA ÜZV OLUN

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
27 May 2019

Bu Sahibkarlıq Subyektləri Məcburi Auditdən azad edilir

by | posted in: Audit, Xəbər | 0

SahibkarlıqBundan sonra dövriyyəsi 3.000.000 dan və ya İşçi sayı isə 50 nəfərdan az olan Məhdud Məsuliyyətli Cəmiyyətlər, yəni Mikro və Kiçik Sahibkarlıq subyektləri məcburi Auditdən azad olunacaqlar. Belə ki, 24.05.2019-cu il tarixli  Azərbaycan Respublikasının Mülki Məcəlləsində, Azərbaycan Respublikasının Vergi Məcəlləsində, Azərbaycan Respublikasının Mənzil Məcəlləsində və Azərbaycan Respublikasının Gömrük Məcəlləsində dəyişiklik edilməsi haqqında Azərbaycan Respublikasının Qanununa əsasən Mülki Məcəllənin  Məhdud məsuliyyətli cəmiyyətdə idarəetmə ilə bagli 91-ci maddəsinin məcburi audit ilə bağlı hissəsində dəyişiklik edilmişdir:

91.4-cü maddənin birinci cümləsinə “cəmiyyət” sözündən sonra “(mikro və kiçik sahibkarlıq subyektləri istisna olmaqla)” sözləri əlavə edilsin və həmin maddənin birinci və ikinci cümlələrində “hesabatının” sözü “hesabatlarının” sözü ilə əvəz edilsin;

Belə ki, dəyişiklikdən sonra məcburi audit tələbi bütün məhdud məsuliyyətli cəmiyyətlərə deyil, yalnız orta və iri sahibkarlıq subyektləri olan Məhdud Məsuliyyətli Cəmiyyətlərə şamil ediləcəkdir. Dəyişiklikdən sonra qeyd edilən maddə aşağıdakı kimi olacaqdır:

91.4. Məhdud məsuliyyətli cəmiyyət (mikro və kiçik sahibkarlıq subyektləri istisna olmaqla) illik maliyyə hesabatının düzgünlüyünü yoxlatmaq üçün hər il müstəqil auditor cəlb etməlidir (kənar audit). Cəmiyyətin illik maliyyə hesabatının auditor yoxlanışı hər hansı iştirakçının tələbi ilə də aparıla bilər. Bu halda auditor yoxlanışı həmin yoxlamanı tələb edən iştirakçının hesabına aparılır. Cəmiyyətin fəaliyyətinin auditor yoxlanışlarının aparılması qaydası qanunvericilik və cəmiyyətin nizamnaməsi ilə müəyyənləşdirilir.

Həmçinin, Açıq Səhmdar cəmiyyətlərlə bağlı 99.2-ci maddədə aşağıdakı dəyişikliklər edilmişdir:

99.2-ci maddədə “mühasibat balansını” sözləri “maliyyə hesabatlarını (mikro və kiçik sahibkarlıq subyektləri istisna olmaqla)” sözləri ilə əvəz edilsin.

Belə ki, mikro və kiçik sahibkarlıq subyektləri olan ASC-lər artıq məlumatları hamının tanış olması üçün hər il dərc etməyə borclu deyillər.

Mənbə: president.az

Bax: 

TELEGRAM KANALIMIZA ÜZV OLUN

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
26 May 2019

Məcburi sosial sığorta ilə bağlı yeni uçot qaydaları hazırlanır

by | posted in: Vergi, Xəbər | 0

Azərbaycanda məcburi sosial sığorta ilə bağlı yeni uçot qaydaları hazırlanır

Depozit HesabıVergilər Nazirliyində məcburi sosial sığorta məqsədilə sığortaedənlərin və sığortaolunanların uçotu qaydaları hazırlanır.

Bu barədə Nazirliyin Dövlət qeydiyyatı və uçota nəzarət departamentinin baş direktoru Ələkbər Məmmədov bildirib.

Onun sözlərinə görə, 2019-cu il yanvarın 1-dən qüvvəyə minmiş Vergi Məcəlləsinə dəyişikliklərdən sonra bir sıra metodiki və normativ sənədlər, o cümlədən fiziki şəxslərin uçota alınması, uçotdan çıxarılması və ləğvi ilə bağlı qaydalar hazırlanıb. Hazırda bu qaydalar üzərində iş aparılır.

Qeyd olunub ki, bu il yanvarın 1-dən mayın 1-dək isə yeni qaydada uçota alınan kənd təsərrüfatına yararlı torpaqlardan istifadə edən torpaq mülkiyyətçilərinin və ailə kəndli təsərrüfatları kateqoriyasından olan sığortaolunanların sayı 2 937 nəfər olub. Onlara VÖEN təqdim edilib, müvafiq olaraq Dövlət Sosial Müdafiə Fondundan SUN (sığortaedənin uyğunluq nömrəsi) təqdim edilib. Ə.Məmmədov bildirib ki, muzdlu işə aid olmayan fəaliyyətdən gəlir əldə edənlərin məcburi sosial sığorta haqlarının ödənilməsi işinin təşkili üzərində də iş aparılır:

“Bu məqsədlə Vergilər Nazirliyi bütün yerli strukturlara məktublar göndərib. Biz eyni zamanda ictimai təşkilatlarla da çalışmaq istəyirik”, – deyə Ə. Məmmədov bildirib.

Qeyd edək ki, 2019-cu ildən məcburi dövlət sosial sığorta məqsədləri üçün uçota alınma proseslərini Vergilər Nazirliyi həyata keçirir. Həmin proseslərin iştirakçıları fərdi sahibkarlar, hüquqi şəxslər, digər vergi ödəyiciləri, o cümlədən vergi mükəlləfiyyəti olmayan digər qurumlardır. Onların sırasında kənd təsərrüfatına yararlı torpaqlardan istifadə edən torpaq mülkiyyətçiləri, ailə kəndli təsərrüfatları sahibləri də var. Ə.Məmmədov qeyd edib ki, əvvəlki illərdə Dövlət Sosial Müdafiə Fondunda sığortaedən kimi qeydiyyata alınanların sayı 202 min nəfərə qədər olub, onlara SUN verilib. Ötən il məcburi dövlət sosial sığorta haqlarını ödəyənlərin sayı da müəyyən olunub. Onlardan 5 971-i Vergilər Nazirliyində uçota alınıb.

Mənbə: report.az

TELEGRAM KANALIMIZA ÜZV OLUN

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
26 May 2019

1000 manat məvaciblə Mühasib tələb olunur

by | posted in: İş elanı, muhasibat, Vakansiya, Xəbər | 0

Mühasib vakansiyaVakansiya: Mühasib

İşəgötürən: Baku Business Consulting

Vakansiya barədə məlumat

– Mühasibatlıq modulu üzrə 1C əməliyyatlarının aparılması;
– Elektron qaimə-fakturaların və elektron vergi hesab-fakturalarının hazırlanması;
– Ödəniş tapşırıqları və ya internet banking vasitəsilə ödənişlərin həyata keçirilməsi;
– İdxal olunmuş malların maya dəyərinin hesablanması;
– Əmək haqqı, məzuniyyət və ezamiyyənin hesablanması;
– Gəlir və xərc sənədlərinə nəzarət edilməsi;
– Vergi hesabatlarının hazırlanması;
– Maliyyə hesabatlarının hazırlanması;
– Məcburi dövlət sosial sığortası haqqında hesabatların hazırlanması;
– Statistika hesabatlarının hazırlanması.

– İş qrafiki: 1-5 günlər, 09:00-dan 18:00-dək, 6-cı gün 09:30-dan 13:00-dək
– Əmək haqqı 600-1000 AZN

Mühasib üçün tələblər

Cinsi: qadın
– İqtisadiyyat, maliyyə və ya müvafiq sahədə ali təhsil;
– Mövcud sahədə olan qanunvericilik normalarını dəqiq bilmək;
– Mühasibatlıq üzrə ən azı 3 il iş təcrübəsi;
– 1C (8.3), BTP proqramında işləmək bacarığı;
– MS Office proqramları üzrə qabaqcıl  istifadə biliyi;
– Məsuliyyətli, dəqiq və peşəkar;
– Riyazi hesablama aparma, analitik təhlil etmə qabiliyyəti;
– Problemləri təhlil və həlletmə bacarığı;
– Komandada və təzyiq altında işləmə bacarığı.

– ACCA, CIMA sertifikatı olan (və yaxud təhsil alan) namizədlərə üstünlük verilir.
– Rus və ingilis dilini bilənlərə üstünlük verilir.

Yaş: 25-30 yaş

Təhsil: Ali

İş təcrübəsi : 3 ildən 5 ilə qədər

Əlaqədar şəxs: Əzizli Günel

Telefon: (012) 480-17-66
(070) 255-80-05

Bütün kriteriyalara cavab verən şəxslər CV-lərini MÜHASİB başlığı ilə  / e-mail ünvanına göndərə bilərlər.

Mənbə: jobsearch.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
Mühasibat, Audit və Kadr Xidmətləri üçün linkə daxil olun.
1 … 1. 815 1. 816 1. 817 1. 818 1. 819 1. 820 1. 821 … 2. 702