Oxunma sayı: 160. 943
10 Yan 2019

Bu bəyannamənin tərtib olunması qaydasında dəyişiklik edilib

by | posted in: Vergi, Xəbər | 0

işə qəbulMənfəət vergisi bəyannaməsinin tərtib olunması qaydasında dəyişiklik edilib.

Vergi Məcəlləsinə edilmiş dəyişikliklər nəzərə alınmaqla mövcud bəyannamələr, onların əlavələri və tərtib olunması qaydaları da yenilənib

Bu yenilik vergi sahəsində aparılan islahatlardan irəli gələn məsələlərin həlli, güzəşt və azadolmaların uçotunun dəqiq aparılması, vergi nəzarətinin səmərəliliyinin artırılması, təhlil bazasının genişləndirilməsi məqsədi daşıyır. Мənfəət vergisinin bəyannaməsinin tərtib edilməsinin yeni qaydasına əsasən, bəyannamə mənfəət vergisinin ödəyicisi sayılan vergi ödəyiciləri tərəfindən Azərbaycan Respublikasında və onun hüdudlarından kənarda fəaliyyətləri ilə bağlı göstəricilər əks etdirilməklə tərtib olunmalıdır. Bəyannamədə Vergi Məcəlləsinin 103-cü maddəsinə və “İxrac məqsədli neft-qaz fəaliyyətinə dair xüsusi iqtisadi rejimin tətbiqi haqqında” Qanunun 3.2.1. və 3.2.2.-ci maddələri nəzərə alınmalıdır. Dövlət hakimiyyəti orqanları, büdcə təşkilatları və yerli özünüidarəetmə orqanları bu bəyannaməni yalnız sahibkarlıq fəaliyyətindən gəlir əldə etdikləri təqdirdə təqdim edirlər.

Vergilər Nazirliyinin daha bir elektron xidməti istifadəyə verilib

Vergi ödəyicilərinə bəyannamənin “Qeyd” yerində bəyannamə formasının tərtib edilməsi qaydaları ilə tanış olmaq, eyni zamanda tərtibat zamanı tələb edilən şərtləri nəzərə almaq tövsiyə olunur.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

10 Yan 2019

Vergilər Nazirliyinin daha bir elektron xidməti istifadəyə verilib

by | posted in: Vergi, Xəbər | 0

Elektron xidmətVergilər Nazirliyinin daha bir elektron xidməti istifadəyə verilib.

Artıq ödənilmiş vergilərin, faizlərin və maliyyə sanksiyalarının vergi ödəyicisinə, o cümlədən qeyri-rezident şəxslərə qaytarılması üzrə müraciətlər elektronlaşdırılıb.

Bu, vergi inzibatçılığının təkmilləşdirilməsi, vergi ödəyicilərinə xidmətin keyfiyyətinin yüksəldilməsi istiqamətində atılmış daha bir addımdır. Yeni elektron xidmət İnternet Vergi İdarəsi (www.e-taxes.gov.az) portalı üzərindən göstərilir. Artıq ödənilmiş vergilərin, faizlərin və maliyyə sanksiyalarının vergi ödəyicisinə, o cümlədən qeyri-rezident şəxslərə qaytarılması üzrə müraciətlərin elektronlaşdırılması vergi ödəyicilərinin işini xeyli asanlaşdıracaq. Bu yenilik vergi ödəyicilərinə “Artıq ödənilmiş vergilərin, faizlərin və maliyyə sanksiyalarının vergi ödəyicisinə qaytarılması barədə” və “Qeyri-rezidentin Azərbaycan Respublikasından əldə etdiyi gəlirindən artıq tutulmuş vergilərin geri qaytarılması haqqında” (DTA-05 forması) ərizə formalarını elektron qaydada tərtib etmək və təsdiqləmək imkanı yaradır.

Bu vergi bəyannaməsinin formasına dəyişiklik edilib

Xatırladaq ki, dövlət başçısının 2 iyun 2017-ci il tarixli sərəncamı ilə təsdiq edilmiş “Azərbaycan Respublikasında biznes mühitinin əlverişliliyinin artırılması və beynəlxalq reytinqlərdə ölkəmizin mövqeyinin daha da yaxşılaşdırılması ilə bağlı əlavə tədbirlər haqqında” Azərbaycan Respublikası Prezidentinin 2016-cı il 13 iyul tarixli 2199 nömrəli sərəncamının həyata keçirilməsinə dair Tədbirlər Planı”nda artıq ödənilmiş vergilərin, faizlərin və maliyyə sanksiyalarının vergi ödəyicisinə qaytarılması üzrə müraciətlərin elektronlaşdırılması nəzərdə tutulur.

Nazirlər Kabinetinin 30 aprel 2018-ci il tarixli 190 nömrəli Qərarı ilə “Elektron xidmət növlərinin Siyahısı”na “Artıq ödənilmiş vergilərin, faizlərin və maliyyə sanksiyalarının vergi ödəyicisinə qaytarılması məqsədilə müraciətin təqdim edilməsi” məzmununda bənd əlavə edilmişdi. Yeni xidmət bu qərara uyğun olaraq vergi ödəyicilərinin istifadəsinə verilib.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
10 Yan 2019

Bu bəyannamə artıq Vergi Məcəlləsindəki dəyişikliklərə uyğunlaşdırılıb

by | posted in: Vergi, Xəbər | 0

VergiƏDV bəyannaməsi və əlavəsi Vergi Məcəlləsindəki dəyişikliklərə uyğunlaşdırılıb.

Vergilər nazirinin əmri ilə “Əlavə dəyər vergisinin bəyannaməsi”nə və ona 5 nömrəli əlavəyə ( ƏDV bəyannaməsi ) və onların tərtib edilməsi qaydalarına dəyişikliklər edilib. Dəyişikliyə əsasən, ƏDV bəyannaməsinin 5№-li əlavəsi Vergi Məcəlləsinin 164-cü və bu Məcəlləyə uyğun olaraq vergi ödəyicisinin ƏDV-dən azad əməliyyatları olduqda tərtib və təqdim edilir. Vergi ödəyicilərinə əlavənin tərtib edilməsi qaydaları ilə tanış olmaq, eyni zamanda tərtibat zamanı müvafiq işarə və simvollardan istifadə etməmək şərti ilə bütün yazı damalarını yalnız böyük çap hərfləri ilə doldurmaq tövsiyə olunur. Əlavə kağız formada doldurularkən qara və ya göy rəngli diyircəkli qələmlə tərtib edilməsi mütləq şərt kimi müəyyən olunub. Əlavə doldurularkən qaralamalara və düzəlişlərə yol verilmir.

ƏDV-nin qaytarılması üçün bu sənədlər tələb edilir

Dəyişikliklər vergi inzibatçılığının daha da təkmilləşdirilməsinə və bəyannamə formalarının sadələşdirilməsinə, real vergi potensialının düzgün müəyyənləşdirilməsinə, vergi ödəyicilərində keçirilən nəzarət tədbirlərinin sayının azaldılmasına xidmət edəcəkdir.

Mənbə: vergiler.az

Telegram qrupumuza üzv olun

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Mühasibat, Audit və Kadr Xidmətləri üçün linkə daxil olun.

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

10 Yan 2019

ƏDV-nin qaytarılması üçün bu sənədlər tələb edilir

by | posted in: Vergi, Xəbər | 0

ƏDV-nin qaytarılmasıƏDV-nin qaytarılması üçün vergi ödəyiciləri məlumat qoşmalarını təqdim etməlidirlər

Vergi Məcəlləsində edilmiş dəyişikliyə əsasən, topdansatış ticarət fəaliyyəti qaydasında malların təqdim olunmasını həyata keçirən şəxslərin 1 yanvar 2019-cu il tarixdən sadələşdirilmiş verginin ödəyicisi olmaq hüququ ləğv edilib.

Bununla əlaqədar sahibkarlıq subyektlərinin tabeliyində qalan malların təqdim olunması zamanı ƏDV-nin malların satış qiyməti ilə alış qiyməti arasındakı fərqdən hesablanması məqsədilə həmin mallar barədə məlumatların təqdim edilməsinə ehtiyac yaranıb. Bu ehtiyacdan irəli gələrək sahibkarlar məlumat formasına əlavə olunmuş qoşmanı yanvarın 15-dək vergi orqanına təqdim etməlidirlər. Həmin qoşmalardakı məlumatları vergi ödəyicisi bir dəfə təqdim edir və məlumatlarda təqdim olunduğu tarixdən 3 iş günü müddətində düzəlişlər edilməsi mümkündür.

Bu vergi bəyannaməsinin formasına dəyişiklik edilib

Məlumat formasına əsasən, sahibkarın tabeliyində qalan malların təqdim edilməsi zamanı ƏDV 2019-cu il aprelin 1-dək həmin malların alış qiyməti ilə satış qiyməti arasındakı fərqdən hesablanacaq. Sahibkarların təqdim etdikləri məlumatlar malların uçota alınmasını təsdiq edən ilkin uçot sənədi hesab olunur. Həmin mallara münasibətdə Vergi Məcəlləsinin 58.8.2-ci və 58.8.3-cü maddələrində nəzərdə tutulmuş maliyyə sanksiyaları tətbiq olunmur. Məlumat formasına əlavə edilmiş qoşmadakı məlumatlar elektron kargüzarlıq vasitəsilə elektron sənəd formasında təqdim olunmalıdır.

Mənbə: vergiler.az

Vergi ödəyiciləri bu ünvan üzrə uçota alınacaq
Telegram qrupumuza üzv olun
Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.
Mühasibat, Audit və Kadr Xidmətləri üçün linkə daxil olun.
Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.
1 … 2. 001 2. 002 2. 003 2. 004 2. 005 2. 006 2. 007 … 2. 699