Blog Full

Əslində, ölkənin dövlət borclarının artması sayəsində belə bir addımın atılacağı gözlənilən idi. 2019-cu ilin oktyabr ayından satışdan verginin dərəcəsinin 8 faizdən 10 faizə qədər artırılmasında əsas məqsəd bu problemin aradan qaldırılmasıdır.

Belə bir addımın atılması 2015-ci ilə nəzərdə tutulmuşdu, lakin hakim dairələr bunun ölkənin həssas iqtisadi həyatında böyük əks-səda yaradacağından ehtiyatlanaraq həmin planı iki dəfə təxirə salmışdılar. Hakimiyyəti ehtiyatlanmağa vadar edən başlıca səbəb isə 2014-cü ildə ölkə iqtisadiyyatında qeydə alınan resessiya olmuşdu.

Bax: Xəzinədarın əmək funksiyası nədir və nələri bilməlidir?

Baş nazir Sindzo Abe belə hesab edir ki, zərbəni yüngülləşdirmək üçün qabaqlayıcı tədbirlər görməklə istehlakçı xərclərinin kəskin şəkildə aşağı düşməsinin qarşısını almaq mümkündür.

«Hökumət bütün mümkün tədbirləri görməklə  iqtisadiyyata mənfi təsirlərin qarşısını almaq üçün möcud imkanlar çərçivəsində hər şeyi edəcək», – Nazirlər Kabinetinin baş katibi Yoşixid Suqa jurnalistlərə açıqlama verərkən bildirmişdir.  Bununla belə, o, əlavə etmişdir ki,  əgər iqtisadiyyatda qlobal səviyyədə, məsələn, 2008-ci ildə olduğu kimi, azalma baş verərsə, planlaşdırılan addımın təxirə salınması da istisna edilmir.

Onun sözlərinə görə, nəzərdə tutulan vergi artımının ərzaq mallarına tətbiq edilən satışdan vergiyə aidiyyəti olmayacaq. Bundan əlavə, ev və ekoloji baxımdan təmiz avtomobillər kimi bir sıra uzunmüddətli istifadə olunan mallar üçün satışdan verginin təsirini kompensasiya etmək məqsədilə subsidiyaların verilməsi planlaşdırılır.

Bax: Bu ölkədə əcnəbilərdən əlavə vergi tutulacaq

Vergilərin artırılmasından əldə olunan gəlirlərin bir  qismi isə pulsuz uşaq bağçalarının inkişaf etdirilməsinə yönəldiləcək ki, bununla da ailələrin maliyyə yükünün yüngülləşdirilməsi, eləcə də əhalinin sayı sürətlə azaldığına görə ailələrin daha çox uşaq dünyaya gətirib böyütməyə həvəsləndirilməsi nəzərdə tutulur.

Beynəlxalq Valyuta Fondunun rəhbəri Kristin Laqard isə xəbərdarlıq etmişdir ki, ölkənin üz-üzə gəldiyi problemlər Yaponiya əhalisinin yaşlanması davam etdikcə artacaq. O bildirmişdir ki, bu gedişlə qarşıdakı 40 il ərzində ölkənin həm iqtisadiyatının miqyasının, həm də əhalisinin sayının 25 faiz azalacağı gözlənilir.

Bundan əlavə, Yaponiyanın borclardan qurtarmaq imkanında olmasına inamın itirilməsi faiz dərəcələrinin artmasına və müflisləşmə riskinin yüksəlməsinə gətirib çıxara bilər. Bundan əvvəl isə reytinq agentlikləri Yaponiyanın borclanma səviyyəsinə uyğun olaraq kredit qabiliyyətini aşağı salmışdılar.

Mənbə: vergiler.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Mühasibat, Audit və Kadr Xidmətləri üçün linkə daxil olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

Qazaxıstanda turizm imkanlarının təbliğinin genişləndirilməsi məqsədilə çəkilən xərclərin qarşılığı olaraq, hökumət turistlər üçün yeni vergi tətbiq olunmasını ictimaiyyətlə müzakirə edir.

Mədəniyyət və idman nazirinin müavininin məsləhətçisi Yerkebulan Hasenov Sahibkarların Milli Palatasında turizmin inkişafına həsr edilmiş çıxışında bildirmişdir ki, Qazaxıstan marketinq və turistlərin cəlb edilməsi üçün ölkənin tanıdılması sahəsində bir çox dövlətlərdən, eləcə də öz rəqiblərindən geri qalır: «Hazırda  dünyada Qırğızıstan, Özbəkistan, Azərbaycan, Monqolustan haqqında daha çox bilirlər, nəinki Qazaxıstan barədə. Mən hələ heç Gürcüstanı demirəm. Bütün bunlar adı çəkilən ölkələrin bu məsələyə əsaslı yanaşmasının nəticəsidir və onlar özlərinin tanıdılmasına daha çox vəsait xərcləyirlər.

Bax: Vergi Məcəlləsində gözlənilən dəyişikliklər həyatın yaşam sığortasının populyarlığına mənfi təsir göstərməyəcək

Məsələn, Gürcüstanın özünü tanıtmaq üçün ayırdığı büdcə Qazaxıstanda 2017-ci il üzrə marketinq üzrə ayrılan büdcədən 14 dəfə çoxdur. Çexiyada və Birləşmiş Ərəb Əmirliklərində turizm imkanlarının təqdim edilməsinə bizdəkindən 40 dəfə çox  pul xəclənir. Ona görə də biz bu sahəyə vəsait ayırmayınca bir ölkə kimi bizi tanıyan olmayacaq».

V.Hasenov onu da diqqətə çatdırmışdır ki,  bu sahədə qabaqcıl təcrübəyə malik ölkələrin marketinq üzrə orta büdcə göstəricilərinə yaxınlaşmaq üçün hazırkı büdcəni 1 milyon dollardan 6-7 milyon dollara çatdırmaq tələb olunur. Həmin vəsaiti əldə etmək üçünsə «Bed Tax» deyilən gecələmə vergisinin tətbiqi təklif edilmişdir. Turist yığımlarından əldə edilən əlavə vəsaiti isə marketinq və tanıtma xərclərinə yönəltmək olar: «İlk mərhələdə biz yalnız xarici ölkə vətəndaşlarından bir gecə üçün 2 dollar vəsait yığılmasını  nəzərdə tuturuq. Bu addımın atılması sayəsində hər il 4-5 milyon dollar əlavə vəsait əldə etmək mümkün olacaq».

Mənbə: vergiler.az

Mühasibat sahəsində ən son iş elanları və xəbərlərini izləmək üçün linkə daxil olaraq qrupumuza üzv olun.

Mühasibat, Audit və Kadr Xidmətləri üçün linkə daxil olun.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.