Oxunma sayı: 169. 355
13 May 2018

«Apple» ödəmədiyi vergini qaytaracaq

by | posted in: Vergi, Xəbər | 0

apple2003-2014-cü illər üzrə yığılıb qalmış 13 milyard avro məbləğində vergi borclarının qaytarılması ilə bağlı İrlandiya hökuməti ilə «Apple» şirkəti arasında konkret müddətlər müəyyənləşdirilmişdir. İrlandiyanın maliyyə naziri Paskal Donaxyunun sözlərinə görə, şirkətin ödəyəcəyi pul vəsaitləri 2018-ci ilin ikinci rübündən ayrı-ayrı tranşlar halında daxil olacaq. Rusiyanın «Kommersant» qəzetinin yazdığına əsasən, şirkətin İrlandiyaya olan borclarının hamısını sentyabr ayına qədər ödəyəcəyi  gözlənilir.

Qeyd edək ki, «Apple» şirkətinin Avropa İttifaqı ölkələrinə vergi borcu məsələsi ilk dəfə 2016-cı ilin avqustunda qaldırılmışdı: Avropa Komissiyası o vaxt müəyyən etmişdi ki, 2003-2014-cü illəri əhatə edən dövr ərzində İrlandiya hökuməti ödəniləcək vergi məbləğlərini aşağı salmaq üçün şirkətə şərait yaratmışdır. Oktyabr ayında isə Avropa Komissiyası İrlandiya hökumətini «Apple» şirkətindən vergi ala bilmədiyinə görə məhkəməyə vermişdi. Bundan sonra həm şirkət, həm də İrlandiya hökuməti Avropa Komissiyasının qərarına etirazlarını bildirsələr də, 2017-ci ilin sonunda vergilərin ödənilməsi ilə bağlı ilkin razılıq əldə edilmişdi.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

13 May 2018

İşçilərə natural şəkildə nə qədər əmək haqqı verilə bilər?

by | posted in: Xəbər | 0

Sual: İşçilərə natural şəkildə (məsələn, buğda) əmək haqqı verilə bilərmi?

Cavab: Bildiririk ki, Əmək Məcəlləsinin müddəalarına əsasən əmək haqqı dedikdə müvafiq iş vaxtı ərzində əmək funksiyasını yerinə yetirmək üçün əmək müqaviləsi ilə müəyyən edilmiş, işçinin gördüyü işə (göstərdiyi xidmətlərə) görə işəgötürən tərəfindən pul və ya natura formasında ödənilən gündəlik və ya aylıq məbləğ, habelə ona edilən əlavələrin, mükafatların və digər ödənclərin məcmusu başa düşülür.

İşçinin razılığı ilə əmək haqqının 20 faizə qədəri mütənasib dəyərli natura formasında müəssisədə istehsal edilən istehlak malları ilə, lakin spirtli içkilər, tütün məmulatları, narkotik vasitələr və psixotrop maddələr və mülki dövriyyədə olmasına yol verilməyən (mülki dövriyyəsi məhdudlaşdırılmış) digər əşyalar istisna olunmaqla, digər məişətdə işlədilən gündəlik tələbat malları ilə əvəz edilib verilə bilər.

Mənbə: taxes.gov.az

 

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

13 May 2018

“Caspian Audit” Baş mühasib axtarır

by | posted in: İş elanı, muhasibat, Xəbər | 0

Baş mühasib

İş barədə məlumat

– Mühasibat uçotu üzrə ilkin sənədləşmələrin təşkili
– Vergi və mühasibat uçotunun aparılması
– Kassa, Bank əməliyyatlarının həyata keçirilməsi, qaimə və vergi hesab fakturaların yazılması, qarşılıqlı hesablaşma və üzləşmə aktlarının tərtib edilməsi
– Debitor və kreditor hesablaşmaların aparılması
– Əmək haqqı, məzuniyyətlərin hesablanması
– Əsas vəsaitlərin alınması, istismara verilməsi, köhnəlməsinin hesablanması, balansdan silinməsi və s.
– Mal-materialların uçotunun aparılması
– İdxal və ixrac əməliyyatlarının uçotunun aparılması, maya dəyərinin hesablanması
– Gündəlik və aylıq hesabatlarınin tərtib edilməsi
– Aylıq xərclər smetasının planlaşdırılması və xərclərin plana uyğun sərfiyyatına nəzarət
– Aylıq daxili maliyyə hesabatlarının hazırlanması
– Vergi orqanlarından daxil olan məktubların nəzarətda saxlanılması və müvafiq yazışmaların aparılması
– Aylıq, rüblük və illik Vergi, DSMF və Statistika hesabatlarının hazırlanması və aidiyyəti orqanlara təqdim edilməsi
– AR əmək məcəlləsinə əsasən sənədləşmə
– İş qrafiki: bazar ertəsi – cümə; Şənbə qısaldılmış iş günü; bazar – istirahət

Namizədə tələblər

– Yaş həddi: 25-45
– Mühasibatlıq sahəsində 5 ildən artıq iş təcrübəsi.
– Ali təhsil (maliyyə və ya mühasibatlıq ixtisası üzrə)
– Azərbaycan (əla) Rus və İngilis dilləri arzuolunandır.
– 1C (8.3) proqramında işləmək bacarığı

Mənbə: boss.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

12 May 2018

Bitkoin daşınan əmlakla bərabər tutulacaq

by | posted in: Xəbər | 0

BitkoinFransada bitkoin və digər kriptovalyutaları yenidən təsnif etmək və treyderlərin kriptovalyutalardan əldə etdikləri vəsaiti «daşınan əmlakdan» kapital artımı kimi vergiyə cəlb etmək üçün  hazırlıq gedir. Bundan əlavə, verginin dərəcəsində də əhəmiyyətli dəyişiklik ediləcək, 45 faizdən 19 faizə endiriləcək.

Bu ilin əvvəllərində bir neçə vergi ödəyicisi Fransanın inzibati məhkəməsinə iddia ərizəsi vermişdilər. Onların iddiası 2014-cü ilin noyabrından qüvvəyə minmiş bitkoinlərdən və rəqəmsal valyutalar ilə əlaqəli digər tranzaksiyalardan vergi tutulması ilə bağlı idi.

Qanunvericiliyə əsasən, valyutalarla edilmiş əməliyyatdan gələn gəlirlər davamlı fəaliyyət zamanı kommersiya gəlirləri, birdəfəlik tranzaksiyalar zamanı isə qeyri-kommersiya gəliri hesab edilirdi. Bu cür təsnifat əsasında vergi ödəyiciləri 45 faizə qədər vergi ödəməyə məcbur edilə bilərdilər.

Fransa kütləvi informasiya vasitələrinin məlumatında bildirilir ki, Dövlət Şurası yuxarıda göstərilmiş iş üzrə iddiaçıların qismən xeyrinə olan qərar qəbul etmişdir. Qərara əsasən, tranzaksiyalardan gələn gəlirin necə tənzimlənməsinə yenidən baxılacaq, bundan sonra həmin gəlir «daşınan əmlakdan» əldə edilmiş gəlir kimi qiymətləndiriləcək.

Bu isə o deməkdir ki, həmin gəlirlər bundan sonra 19 faizlik sabit dərəcə ilə vergiyə cəlb olunmalıdır. Bu, əvvəlki ilə müqayisədə əsaslı şəkildə azdır.

Keçən ilin sonunda Fransanın fond bazarının tənzimləyici orqanı bitkoin və digər rəqəmsal valyutalar ilə əlaqədar müsbət münasibət bildirərək bəyan etmişdi ki, bu valyutalar biznesin qanuni tələblərini yerinə yetirə bilərlər.

Mənbə: vergiler.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

1 … 2. 411 2. 412 2. 413 2. 414 2. 415 2. 416 2. 417 … 2. 703