Blog Full - Muhasibat.Az

Oxunma sayı: 169. 495

10 May 2018

Banklarda hesabların açılması üçün şəhadətnamə-dublikatın verilməsi

by | posted in: Xəbər | 0

Xidmətin göstərilməsi üçün tələb olunanlar:

“Bankda hesab açılması məqsədilə şəhadətnamə-dublikatın alınması üçün ərizə”

Xidmətin göstərilməsinə əsas verən normativ sənədlər:

VM-nin 35-ci maddəsi
Vergilər nazirinin 06.03.2013-cü il tarixli 1317040100206300 nömrəli əmri ilə təsdiq edilmiş “Vergi orqanlarında vergi ödəyicilərinin uçotunun aparılmasına dair Qaydalar”
AR Mərkəzi Bankı, VN və banklar arasında elektron sənəd mübadiləsi haqqında “Kollektiv Saziş”

Xidmətin göstərildiyi yer:

Ərazi prinsipi nəzərə alınmaqla vergi ödəyicilərinə xidmət mərkəzləri (BŞLGD-nin inzibati binasında yerləşən xidmət mərkəzində yalnız BŞLGD-nin vergi ödəyiciləri üçün)(ilkin qeydiyyat zamanı: Naxçıvan MR VN-nin Kommersiya hüquqi şəxslərin dövlət qeydiyyatı şöbəsi, MGD-nin Hüquqi şəxslərin dövlət qeydiyyatı idarəsi, ƏVD və ƏVİ-nin inzibati binalarında yerləşən vergi ödəyicilərinə xidmət mərkəzləri), Naxçıvan MR VN-nin struktur bölmələrinin Bəyannamələrin yoxlanılması və uçotun təşkili bölmələri, MGD-nin Koordinasiya şöbəsi və Vergi ödəyicilərinə xidmət və şəffaf vergi partnyorluğu idarəsinin Vergi ödəyicilərinə xidmət şöbəsi, Şuşa və Zəngilan RVŞ-nin Vergi ödəyicilərinə xidmət və uçotuntəşkili bölmələri (şəffaf vergi partnyorluğu əsasında fəaliyyət göstərən vergi ödəyiciləri üçün ərazi prinsipi nəzərə alınmır)

Müraciəti emal edən struktur vahidi:

Ərazi prinsipi nəzərə alınmaqla Naxçıvan MR VN-nin struktur bölmələrinin Bəyannamələrin yoxlanılması və uçotun təşkili bölmələri, Naxçıvan MR VN-nin Kommersiya hüquqi şəxslərin dövlət qeydiyyatı şöbəsi (ikin qeydiyyat zamanı), MGD-nin Hüquqi şəxslərin dövlət qeydiyyatı idarəsi (ilkin qeydiyyat zamanı), MGD-nin və BŞLGD-nin Vergi ödəyicilərinə xidmət və şəffaf vergi partnyorluğu idarəsinin Vergi ödəyicilərinin uçotu şöbələri, BŞKSİD-nin Vergi ödəyicilərinə xidmət və uçot idarəsinin Vergi ödəyicilərinin uçotu şöbəsi, ƏVD-nin və ƏVİ-nin Vergi ödəyicilərinə xidmət və şəffaf vergi partnyorluğu idarələrinin/şöbələrinin Qeydiyyat və uçot şöbələri/bölmələri, Şuşa və Zəngilan RVŞ-nin Vergi ödəyicilərinə xidmət və uçotun təşkili bölmələri

İcra müddəti: 2 gün

Xidmətin nəticəsində təqdim edilən sənədlər:

Şəhadətnamə-dublikat (VN ilə müvafiq kommersiya bankı arasında elektron sənəd mübadiləsinin aparılması nəzərdə tutulduğu hallarda, şəhadətnamə- dublikatın məlumatlarının banka ötürülməsi elektron informasiya ötürücülərindən istifadə etməklə aparılır. Bu zaman vergi ödəyicisinə şəhadətnamə- dublikat kağız daşıyıcısında təqdim olunmur)

Elektronlaşdırma səviyyəsi:

İnternet Vergi İdarəsi Portalı vasitəsilə – tam elektronlaşıb

Çağrı Mərkəzi vasitəsilə – qismən elektronlaşıb

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

10 May 2018

Port of Baku təcrübə proqramı elan edir

by | posted in: Xəbər | 0

«Bakı Beynəlxalq Dəniz Ticarət Limanı» QSC

Təcrübə Proqramı

SAHƏLƏR: İnsan resursları sahəsi, Keyfiyyətin idarəedilməsi, Satış və marketinq, Satınalmalar sahəsi, İnformasiya texnologiyaları sahəsi, Mühəndislik və mexanizasiya sahəsi, Elektrik və energetika sahəsi, Təlim sahəsi, Yükaşırma əməliyyatları sahəsi, Donanma və dəniz xidməti, Sənədlərlə iş.

Tələblər:

Dil bilikləri: Azərbaycan – Sərbəst

İngilis dili – Yaxşı

Rus dili – Arzuolunandır

Təhsili: Minimum bakalavr (3-cü kursu bitirən tələbələr)

Kompüter bacarığı: MS proqramlarında işləmə bacarığı

Digər səriştəlikləri:

Ünsiyyətcil
Təşəbbüskar
Öyrənməyə və inkişafa meyilli

İş yeri: Baş ofis: Üzeyir Hacıbəyov küç 72 və Əsas yük terminalı (Bulvar)

İş qrafiki: Baş ofis saat 09:00-18:00, terminal saat 08:00- 17:00

Təcrübə müddəti: 2018 iyul-sentyabr

Təcrübə proqramını uğurla bitirmiş hər bir şəxsə sertifikat təqdim edilir.

Eyni zamanda təcrübə proqramını uğurla başa vurmuş şəxslərə işə qəbul zamanı üstünlük verilir.

Maraqlananlar linkdən – www.hubit.az/hr qeydiyyatdan keçə bilərlər.

Təcrübə proqramı dənişsizdir.

Son qeydiyyat tarixi: 21 may

Mənbə: portofbaku.com

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

10 May 2018

Eyni zamanda həm mənfəət, həm də sadələşdirilmiş vergi ödəyicisi olmaq olar?

by | posted in: Vergi, Xəbər | 0

Sual: Hüquqi şəxs icarəyə gotürdüyü obyektin (daşınmaz əmlakın) bir hissəsini subicarəyə verib və bu fəaliyyətdən mənfəət vergisi ödəyicisidir, lakin ardıcıl 12 aylıq dövriyyəsi 200.000 manatdan az olduğundan şirkət ƏDV ödəyicisi deyil. Eyni zamanda həmin hüquqi şəxs, obyektin digər hissəsini də icarəyə götürüb mehmanxana və restoran (iaşə) fəaliyyətinə başlamaq istəyir.
Beləliklə, şirkət eyni zamanda üç müxtəlif fəaliyyətlə məşğul olduqda, həm mənfəət vergisi həm də sadələşdirilmiş verginin ödəyicisi ola bilərmi?
Gələcəkdə şirkətin ümumi gəliri, ardıcıl 12 ay ərzində 200.000 manatdan artıq olarsa və ƏDV məqsədi üçün qeydiyyata duran zaman iaşə fəaliyyətində 218.1-ci maddəsi ilə müəyyən edilmiş hüquqdan istifadə etmək olarmı?

Cavab: Bildiririk ki, əmlakın icarəyə verilməsindən gəlir əldə edən hüquqi şəxslər bu fəaliyyətlə yanaşı, digər fəaliyyət növləri ilə məşğul olduqda digər fəaliyyətdən əldə etdiyi gəlirlərə sadələşdirilmiş vergini tətbiq etmək hüququna malikdirlər. Bu halda əmlakın icarəyə verilməsi üzrə əldə edilən gəlirlərin və xərclərin uçotu hər bir fəaliyyət növü üzrə ayrılıqda aparılır və həmin fəaliyyətdən əldə edilən gəlir mənfəət vergisinə cəlb edilir.

Eyni zamanda bildiririk ki, vergi tutulan əməliyyatlarının həcmi ardıcıl 12 aylıq dövrün istənilən ayında (aylarında) 200.000 manatdan artıq olan ticarət və (və ya) ictimai iaşə fəaliyyəti ilə məşğul olan şəxslər müvafiq olaraq 6 faiz və 8 faiz dərəcə ilə sadələşdirilmiş vergitutma metodunu seçmək hüququna malikdirlər.

Bax: Vergi Məcəlləsinin 218.1.2-ci və 221.7-ci maddələri.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

9 May 2018

Hücuma məruz qalan mühasib qadın

by | posted in: muhasibat, Xəbər | 0

Vladivostokda qarət məqsədilə mühasibə hücum edilib.

Vladivostokda federal dövlət idarələrindən birində mühasib işləyən qadına küçədə bir nəfər qarət məqsədilə hücum edib.

Hadisə belə baş verib: Qadın küçə ilə hərəkət edərkən, qarətçi onun üzərinə hücum çəkərək əlindəki pul olan çantanı alaraq qaçıb. Mənbənin məlumatına görə, qarət hadisəsi Sovetskiy rayonu ərazisindəki binalardan birinin yaxınlığında baş verib. Zərərçəkən işdən evə qayıdırmış. Naməlum kişi çantanı onun əlindən alaraq, dərhal qaçıb. Amma, polisin isti izlərlə axtarışı öz bəhrəsini verib və qarətçi artıq saxlanılıb. Dövlət idarələrindən birində çalışan qadının sözlərinə görə, qarətçinin apardığı çantada pullar, sənədlər və iki mobil telefon cihazı olub. Qadın polislərə kişinin əlamətlərini dəqiq təsvir edə bildiyindən, onun ələ keçirilməsi elə də çətinlik törətməyib. Həmin şəxs 42 yaşlı yerli sakin olub və öz təqsirini tam şəkildə etiraf edib. Qarət faktı üzrə cinayət işi qaldırılıb. Kişini uzunmüddətli həbsxana cəzası gözləyir.