Blog Full - Muhasibat.Az

Oxunma sayı: 169. 549

8 May 2018

Tələbə və magistrantlar üçün təcrübə keçmək imkanı!

by | posted in: Xəbər | 0

İqtisadi İslahatların Təhlili və Kommunikasiya Mərkəzi növbəti Təcrübə Proqramını elan edir.

İqtisadi İslahatların Təhlili və Kommunikasiya Mərkəzi (İİTKM) tələbə və magistrantlar üçün təcrübə keçmək imkanı yaradır.

Təcrübə Proqramına qoşulmaq üçün aşağıda qeyd olunan ixtisaslar üzrə təhsil alan tələbə və magistrantlar, həmçinin ali təhsilli gənclər İİTKM-ə müraciət edə bilərlər:

– İqtisadiyyat, maliyyə, jurnalistika, hüquq, informasiya texnologiyaları

Təcrübə Proqramına cəlb ediləcək namizədlər üçün aşağıdakı tələblər mövcuddur:

– Məntiqi və analitik düşünmə qabiliyyəti;

– Xarici dildə (əsasən ingilis dili) sərbəst oxuma və başa düşmə qabiliyyəti;

– Yaxşı səviyyədə kompüter bilikləri (ofis proqramları mütləqdir, qrafik dizayn (Adobe Design Packages) və veb proqramlaşma (PHP, MySQL, CSS, HTML 5)

– Ünsiyyət və təqdimat bacarığı.

Təcrübəçi kimi 3 ay müddətində işləyib müqavilə öhdəliklərini uğurla başa vuran gənclərin hər birinə Mərkəz tərəfindən xüsusi sertifikat və müsbət xasiyyətnamə veriləcəkdir.

Təcrübə proqramı həftədə beş dəfə olmaqla iş gününün yarısını əhatə edir (saat 9:00 – 12:30 və ya 14:30-18:00) və ödənişsizdir.

Proqrama qoşulmaq istəyənlərdən 25 may 2018-ci il tarixinə kimi ünvanına CV (3×4 formatlı şəkil, xarici dil biliklərini əsaslandıran sənədləri (əgər varsa) əlavə edilməklə) göndərmələri və ya buradan qeydiyyatdan keçmələri xahiş olunur.

Nəzərinizə çatdırmaq istəyirik ki, yalnız ərizəsi qəbul olunan şəxslərlə əlaqə saxlanılacaq.

Mənbə: iqtisadiislahat.org

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

8 May 2018

Əmək haqqı 2500 manatdan çox olduqda, güzəşt hüququna əsasən gəlir vergisi necə hesablanır?

by | posted in: Vergi, Xəbər | 0

Sual: Sualim əmək haqqından gəlir vergisinin hesablanmasına aiddir. Əgər əmək haqqısı 2600 AZN olan şəxs həm də müharibə əlilidirsə (102-ci maddəyə əsasən 400 azn gəlir vergisindən azad olma hüququ var) onun əmək haqqısından gəlir vergisi hesablandıqda 173 AZN yaşayış minimumu çıxılırmı? Ümumiyyətlə həmin şəxsin gəlir vergisi nece hesablanır.

Cavab: Bildiririk ki, fiziki şəxsin əmək kitabçasının olduğu əsas iş yerində hər hansı muzdlu işlə əlaqədar əldə edilən aylıq gəliri 2500 manatadək olduqda, ölkə üzrə yaşayış minimumunun 1 misli məbləğində olan hissəsi, yəni 173 manat (2018-ci il üzrə) gəlir vergisi hesablanarkən çıxılır.

Müharibə əlili olan işçinin əmək kitabçasının olduğu əsas iş yerinə güzəşt hüququ verən sənədlərdən biri təqdim edildiyi və muzdlu işlə əlaqədar aldığı gəlir 2.500 manatdan artıq olduğu halda, sorğunuzda qeyd edilən halda isə hesablanmış əmək haqqı 2600 manat olduğu üçün həmin əmək haqqından ölkə üzrə yaşayış minimumunun 1 misli məbləğində olan hissə çıxılmır, yalnız müharibə əlilinə görə verilən 400 manat güzəşt çıxılır, yerdə qalan məbləğdən isə 14 faiz dərəcə ilə gəlir vergisi tutulur. Bu halda müharibə əlili olan işçidən gəlir vergisi aşağıdakı qaydada hesablanaraq tutulur:

((2600-400)*14%= 308).

Bax: Vergi Məcəlləsinin 101.1-ci, 102.1.6-cı və 102.2.4-cü və 102.8-ci maddələri, “Azərbaycan Respublikasında 2018-ci il üçün yaşayış minimumu haqqında” Azərbaycan Respublikasının 1 dekabr 2017-ci il tarixli 906-VQ nömrəli, Azərbaycan Respublikası Nazirlər Kabinetinin 2001-ci il 4 yanvar tarixli, 4 nömrəli Qərarı ilə təsdiq edilmiş “Əmək haqqından tutulan vergi güzəştləri hüququnun müəyyənləşdirilməsi üçün sənədlərin Siyahısı”.

Mənbə: taxes.gov.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

8 May 2018

700 manat əmək haqqı ilə mühasib axtarılır

by | posted in: İş elanı, muhasibat, Xəbər | 0

İşəgötürən: Səba ASC

Vəzifə: Mühasib (Gündəlik təzə ərzaq malları dükanları üzrə)

Əmək haqqı – 600-700 AZN

İş barədə məlumat

“Səba ət-süd” mağazası üzrə maliyyə hesabatlarının gündəlik, aylıq və rüblük hazırlanması və menecmentə və dövlət qurumlarına təqdim edilməsi;
Gəlirlər və xərclər haqqında hesabat
Pul axını cədvəli
Balansın qurulması
“Səba ət-süd” mağazalarına aid olan gündəlik və aylıq hesabatların tərtib edilməsi;
Pul vəsaitlərinin hərəkəti ilə bağlı əməliyyatların mühasibat hesabatlarında əks etdirilməsi;
“Səba ət-süd” mağazaları tərəfindən edilən ödənişlərin uçotu və gündəlik nəzarət edilməsi;
Kassa əməliyyatlarının uçotunun aparılması;

“Səba ət-süd” mağazalarında çalışan şəxslərin xidmət haqqının hesablanmasına dair hesabatların hazırlanması;

Namizədə tələblər

Ali təhsil (Maliyyə, mühasibat uçotu sahəsində arzuolunandır.);
Ən azı 2-3 il iş təcrübəsi olmalıdır;
1C Proqramında, Excell proqramında işləmə bacarığı;
Stresədavamlı, tələbkar, məsuliyyətli;
Azərbaycan dilində danışıq və yazı qabiliyyətinə malik olmalı;
Vergi qanunvericiliyindən məlumatlı olmalı;

Xahiş edirik ki, mövzu yerinə elanın adını yazaraq və CV-nizi öz adınızla adlandıraraq, elektron ünvanına göndərərdiniz.
CV-lərə baxıldıqdan sonra, uyğun namizədlərlə əlaqə saxlanılacaqdır.

Mənbə: jobsearch.az

Mühasibat sahəsində ən son iş elanlarını bu linkə daxil olaraq izləyə bilərsiniz.

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

7 May 2018

Azərbaycanda ilk dəfə “Mobil elektron imza” layihəsi təqdim olunub

by | posted in: Xəbər | 0

Azərbaycanda ilk dəfə “Mobil elektron imza” layihəsi təqdim olunub.

Bu gün Nəqliyyat, Rabitə və Yüksək Texnologiyalar Nazirliyi Məlumat Hesablama Mərkəzi ilə “Kapital Bank” arasında reallaşan “Mobil elektron imza” layihəsinin təqdimatı keçirilib.

Tədbirdə Nəqliyyat, Rabitə və Yüksək Texnologiyalar Nazirliyi və Kapital bankın rəsmiləri ilə yanaşı dövlət qurumlarının nümayəndələri, startapçıları iştirak edib.

Elektron imza virtual məkanda mövcud olan, əl ilə imzalanmış imzaya bərabər tutulan imzadır və onun istifadəsi bütün dünyada olduğu kimi Azərbaycanda da artıq texnoloji trend hesab olunur.

Ölkədə elektron imza infrastrukturunun inkişafı əhalinin elektron xidmətlərə marağının yüksəlməsinə və “Mobil elektron imza” həllinin yaradılmasına zəmin yaradıb. Kapital bankla birgə əməkdaşlığın nəticəsində reallaşan bu layihə vətəndaş məmnunluğunun artmasına hesablanıb.

“Mobil elektron imza” Nəqliyyat, Rabitə və Yüksək Texnologiyalar Nazirliyi tərəfindən hazırlanan innovativ layihədir. Bu layihə bank əməliyyatlarının rahat şəkildə aparılması ilə yanaşı, sənədlərin imzalanma prosesini sürətli, təhlükəsiz və elektron şəkildə həyata keçirilməsinə imkan yaradacaq.

Bank sektorunda hər zaman yeniliklərə imza atan ölkənin innovativ bankı “Kapital bankı”, ” Mobil elektron imza” layihəsinə qoşulan ilk bankdır. Bu gündən etibarən Kapital bank müştərisi qısa müddət ərzində “Mobil elektron imza” sertifikatlarına sahib

ola biləcək. Belə ki, bankın səlahiyyətli əməkdaşı müştərisini 5 dəqiqə ərzində mobil elektron imza ilə təmin edəcək.

Bu layihə bank əməliyyatlarının daha çevik aparılması ilə yanaşı mobil bankçılığın inkişafında da əhəmiyyətli rol oynayacaq. Həmçinin yarana biləcək bəzi neqativ hallarınaradan qalxmasına gətirib çıxaracaq.

“Mobil elektron imza”nın üstünlüklərinə sənədlərin məkanından asılı olmayaraq onlayn imzalanması, hər hansı tətbiqə inteqrasiya mümkünlüyü, imzalanmış sənədlərin təhlükəsizliyi daxildir.

“Mobil elektron imza” layihəsi konsepsiyasının əsas hədəfi ənənəvi klassik metodlardan fərqli olaraq, bank xidmətlərində biznes subyektlərinin münasibətlərini yeni elektron müstəvidə qurmaq və idarəçilik sisteminin təşkilində hüquqi öhdəliklərin təsdiqlənməsi, həmçinin təhlükəsizlik faktoru üzrə etibarlı mühitin yaradılmasını özündə əks etdirir.

Mənbə: apa.az