Blog Full - Muhasibat.Az

Oxunma sayı: 170. 288

16 Apr 2018

2017-ci il üzrə maliyyə hesabatlarının auditi keçirilib

by | posted in: Audit, Maliyyə, Xəbər | 0

İqtisadiyyat Nazirliyinin Sahibkarlığa Kömək Milli Fondunun 2017-ci il üzrə maliyyə hesabatlarının auditi keçirilib.

“Nexia EA” beynəlxalq audit şirkəti tərəfindən Beynəlxalq Audit Standartları əsasında İqtisadiyyat Nazirliyinin Sahibkarlığa Kömək Milli Fondunun 2017-ci il üzrə maliyyə hesabatlarının auditi keçirilib.

“Nexia EA” beynəlxalq audit şirkəti tərəfindən verilmiş rəyə əsasən, İqtisadiyyat Nazirliyinin Sahibkarlığa Kömək Milli Fondunun 2017-ci il üzrə maliyyə fəaliyyəti müsbət qiymətləndirilib, maliyyə hesabatlarının Beynəlxalq Maliyyə Hesabatı Standartlarına uyğun aparıldığı müəyyən edilib.

Qeyd edək ki, artıq 10 ildir beynəlxalq audit şirkətləri tərəfindən İqtisadiyyat Nazirliyinin Sahibkarlığa Kömək Milli Fondunun maliyyə hesabatlarının auditi aparılır.

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

16 Apr 2018

Bu bank yeni “Online hüquq məsləhətçisi” məhsulunu təklif edir

by | posted in: bank, Xəbər | 0

Azərbaycanda ilk dəfə bank VTB (Azərbaycan) müştərilərinə online rejimdə hüquq məsləhəti almağa imkan verən “Online hüquq məsləhətçisi” adlı məhsul təklif edir.

Məhsul Avropa Hüquq Xidməti ilə birgə hazırlanıb və 8 ölkə – Azərbaycan, Rusiya, Ukrayna, Qazaxıstan, Belarus, Gürcüstan, Polşa və Almaniya qanunvericiliyini nəzərə alaraq müştərilərə istənilən vaxtı və onlayn rejimdə bir sıra məsələlər üzrə hüquq məsləhəti almağa imkan verir.

Təklif olunan xidmətlər sırasına standart sənədlərin və onların tərtib edilməsi üzrə təlimatların verilməsi, müxtəlif sənədlərlə bağlı məsləhətlər, biznes-layihələrin hazırlanmasında kömək, danışıqların aparılması, eləcə də bir sıra məsələlər üzrə, o cümlədən sahibkarlıq məsələləri üzrə şifahi hüquqi məsləhətlər daxildir.

“Gündəlik həyatda tez-tez hüquqi yardım və ya məsləhət tələb edən hadisələrlə rastlaşırıq. “Online hüquq məsləhətçisi” paketini əldə edərək bizim müştərilər şəxsi hüquqşünasları vasitəsi ilə həm ölkə daxilində, həm də xaricdə istənilən hüquqi məsələni həll edə bilər. Hüquqşünas müştərinin təmsilçisi kimi çıxış edərək onun yerinə danışıqlar da apara bilər” deyə – bank VTB (Azərbaycan)-ın Təhlil, metodologiya və bank məhsullarının hazırlanması şöbəsinin müdiri Rasim Xammədov qeyd edib. Müştərilərə “Online hüquq məsləhətçisi” məhsulunun 4 paketi təklif olunur, xidmətlərdən asılı olaraq paketin qiyməti 60 manatdan 125 manatadək dəyişir. Məhsuldan bir il ərzində istifadə etmək olar (əldə edən gündən etibarən).

“Online hüquq məsləhətçisi” xidmətinə bank VTB (Azərbaycan)-ın istənilən filialında qoşulmaq mümkündür. Hüquqşünasla əlaqə saxlamaq üçün aşağıdakı kommunikasiya kanallarından istifadə etmək olar: www.huquq24.az saytında şəxsi kabinet, elektron poçtu, Skype, 088 800 2323 nömrəli pulsuz telefon (Azərbaycan üçün).

Mənbə: apa.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

16 Apr 2018

Bu dövlət qurumlarında işləyənlər üçün 5 gün qeyri-iş günü olacaq

by | posted in: Xəbər | 0

Bakıda keçiriləcək “Formula-1” üzrə Azərbaycan Qran-prisi ilə əlaqədar Hökumət Evində yerləşən dövlət qurumları bir neçə gün işləməyəcək.

Orada fəaliyyət göstərən nazirlik, komitə və digər dövlət müəssisələrinin əməkdaşları 5 günlük tətilə buraxılacaqlar.

İşçilərin tətili aprelin 25-dən 30-nə qədər davam edəcək. Bu müddət ərzində Hökumət Evinə giriş qadağan olunacaq. Artıq dövlət qurumlarının əməkdaşlarına aprelin 25-dən işə gəlməməklə bağlı tapşırıq verilib. Hökumət Evində yerləşən qurumların əməkdaşları üçün son iş günü aprelin 24-ü olacaq. Aprelin 30-dan Hökumət Evində iş bərpa ediləcək.

Qeyd edək ki, “Formula-1” üzrə Azərbaycan Qran-prisi aprelin 27-dən 29-dək keçiriləcək. Hökumət Evi yarışların keçirildiyi əsas zonada yerləşir. Qran-pri həmin binanın qarşısından start götürəcək.

Xatırladaq ki, Hökumət Evində İqtisadiyyat, Kənd Təsərrüfatı, Mədəniyyət və Turizm Nazirlikləri, Ailə, Qadın və Uşaq Problemləri üzrə Dövlət Komitəsi, İnsan Hüquqları üzrə Müvəkkili (Ombudsman), Alternativ və Bərpa Olunan Enerji Mənbələri üzrə Dövlət Agentliyi və digər qurumlar yerləşir.

Mənbə: report.az

Ən son mühasibat xəbərlərini qaçırmaq istəmirsinizsə, bu linkə daxil olaraq XƏBƏRLƏRƏ ABUNƏ OLUN.

16 Apr 2018

Ən qalmaqallı mühasib oğurluqları (5-ci hissə)

by | posted in: muhasibat, Məqalə, Xəbər | 0

Rayon daxili işlər şöbəsinin mühasibi 4900 manat pulun arxasına keçib.

Buryatiya Respublikası İvolqinskiy rayon daxili işlər şöbəsinin mühasibi qeyri-dəqiq məlumatlar daxil etməklə 2 ay ərzində müxtəlif əməkdaşların əmək haqqı məbləğini qeyri-qanuni yolla aşağı salaraq, həmin pul vəsaitlərini ələ keçirib. Sonra həmin vəsaitləri öz bank hesabına köçürərək, istədiyi kimi xərcləyib. Mühasib Yundunova bu yolla 180 min rubl (təxminən 4900 manat) mənimsəyib. Bu mühasib də dələduzluq maddəsi ilə təqsirli bilinib və o, iki il müddətinə şərti olaraq azadlıqdan məhrum edilib. Eləcə də il yarım ərzində ona dövlət və yerli idarəetmə orqanlarında məsul vəzifə tutmaq qadağan edilib.